Te fundit
Tani që Edi Rama nuk iku, a do shkrihet opozita?!
26 Maj 2019, 21:42Blog
TEMA
Nga Alfred Peza
Protesta e fundit e “Opozitës së Bashkuar” në Tiranë, përveç të tjerash tregoi se ajo çfarë po ndodh në to, nuk është gjë tjetër veçse një pasqyrë fantastike për të parë humorin politik të lidershipit të “Opozitës së Bashkuar”.
Nëse opozita jonë jashtparlamentare e ka situatën keq me të vetët, për ti motivuar ata e për ti treguar sesa seriozisht e kanë aksionin për rrëzimin atë ditë të Kryeministrit Rama, dijeni se në atë protestë do të ketë dhunë.
Nëse numri i protestuesve vjen duke rënë frikshëm në raport me atë të protestestave të para, atëherë ato nuk organizohen më në drekë, por shtyhen për tu bërë në darkë, që “të mos i numërojnë.”
Nëse kjo pjesëmarrje edhe kështu, vazhdon të bjerë, atëherë për të kompensuar mungesën e sasisë së njerëzve, bashkë me dëshpërimin shtohet edhe cilësia e dhunës kundër forcave të ruajtjes së rendit dhe institucioneve kushtetutese të vendit.
Nëse “revolucioni popullor” nuk ia arrin qëllimit për ta rrëzuar Edi Ramën sa herë që militantët thirren për të protestuar në kryeqytet, atëherë shpiket “mosbindja civile” me grupe më të vogla militantësh në disa rrugë e kryqëzime të Shqipërisë.
Nëse edhe “revolucioni popullor” dështon edhe “mosbindja civile” harrohet shpejt, atëherë fillojnë kërcënimet nëpër media e rrjetet sociale me “fshirje”, “zhdukje nga faqja e dheut” me “derdhje gjaku” e me lloj lloj “ububu”-jash të tjera.
Ky koleksion i hatashëm gjuhësor i dhunës verbale që shoqëron aksionin politik opozitar dhe menuja e jashtëzakonshme me produktet e saj që nisin nga kapsollat e flakadanët, për të përfunduar tek boja nëpër mure, shkatërrimet e pronës publike dhe bombat “Molotov”, e rritën në maksimum presionin ndërkombëtar. Ata e vunë gishtin me emër e mbiemër mbi Lulzim Bashën dhe Monika Kryemadhin, si përgjegjës të kësaj situate.
Kancelaritë perendimore dhe çdo përfaqësues i tyre që është prononcuar rreth zhvillimeve politike të këtyre muajve të fundit në Shqipëri, njëzëri janë shprehur: Dënojmë dhunën dhe i bëjmë thirrje udhëheqësve të opozitës që të distancohen qartë e prerë prej saj dhe të bashkëpunojnë me organet e rendit dhe të drejtësisë, për të vendosur përpara përgjegjësisë autorët.
Në këto kushte, në këtë kontekst e me këtë atmosferë u zhvillua protesta e së shtunës, më 25 maj. Ajo ishte protesta e “6 kombëtare” e organizuar nga “Opozita e Bashkuar”, që pas djegies së mandateve të saj parlamentare. Si gjithë të tjerat, ajo kishte vetëm një synim: Të rrëzonte qeverinë e Kryeministrit Edi Rama dhe për të ardhur ajo vetë më pas në pushtet!
Në ndryshim nga herët e tjera, në protestën e fundit, nuk u përdorën në masë mjete piroteknike dhe të të rrezikshme për jetën e njeriut. Çka e bëri këtë protestë të përcaktohej si e qetë, jo e dhunshme dhe paqësore.
Si rrallëherë, protestuesit mbanin në duar veç flamujve të partive dhe ato kuqezi, edhe flamujtë e SHBA, BE, Gjermanisë, etj. si për të dëshmuar nëpërmjet gjuhës së kodeve dhe simbolikave, se e kishin mare mesazhin e partnerëve tanë ndërkombëtarë dhe po e zbatonin atë. Duke ngritur në ajër balona dhe mbushur bulevardin me dritat e celularëve të tyre, u krijua një atmosferë e ngjashme me një koncert rock-u,- siç thanë ca turistë të huaj,- sesa e një proteste politike.
Çka tregon se:
E para, këto protestat nuk janë aspak popullore, siç vazhdohet të pretendohet ende më kot nga ndonjë zë opozitar. Ato janë thellësisht e tërësisht partiake, nga “A”-ja tek “ZH”-ja.
E dyta, duke qenë të tilla që nga data e caktuar, vendi, ora, organizimi dhe deri tek koreografia në përfundim të saj, çdo gjë që ndodh në këto protesta, është thjeshtë dhe vetëm pjesë e skenarit të organizatorëve: PD, LSI dhe aleatët e tyre.
E fundit, në këto kushte duket se lidershipi i opozitës paska gjithçka në dorë. Ndaj janë vetëm ata që mund të bëjnë edhe “diellin edhe shiun” sa herë duan e kur të duan ata, në këto protesta. Sepse edhe paqja, edhe lufta, edhe qetësia, edhe dhuna, edhe molotovët edhe lulet kanë qenë, janë e mbeten vetëm në dorë të tyre për tu demonstruar ose jo.
Ndaj, tani e tutje, edhe për ndonjë që ka qenë ende dyshues apo skeptik në lidhje me këtë fakt, pas protestës së fundit nuk ka më asnjë dyshim. Lidershipi i opozitës jashtparlamentare ka vetëm një kauzë: Me dhunë apo me paqe, ajo kërkon që ti imponojë mazhorancës kauzën e vet të përcaktuar nga Berisha: Ose Edi Rama do të iki, ose opozita do të shkrihet!
Edi Rama as që e ka patur dhe as e ka ndërmend që të ikë pa zgjedhje dhe pa verdiktin e votave të qytetarëve. Opozita jonë nuk e detyron dot dhe nuk ka asnjë shans që të imponohet për të kundërtën, me këtë rrugë pa rrugë që po ndjek jashtë sistemit. Ndaj pas kësaj, pyetja e vetme që mbetet për tu bërë është: A do të shkrihet opozita pas 30 Qershorit? Larg qoftë!
11 komente në “Tani që Edi Rama nuk iku, a do shkrihet opozita?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ikje dhe shkrirje s’janë të dobishme për asnjërën palë. Sot shtetet fqinje janë në konflikt brënda tyre ku shikohet PBB e Greqisë në gjysmë shtizë., po dhe Italia po kalbëzohet, te Maqedonia shohim një luhatje relacionesh, te Sërbia një acharnement non stop kundra kombit tonë, te Mali i Zi një manipulim kontrate për bazë detare., ku prisnim që turizmi të devlopoj ekonomin, anije Greke hedhin naftë, peshkojn te ne dhe zgjerohen dita ditës me kërcënim veto. Te Italia kanë kuptuar që duhet dhe pak kohë të fundosemi ndaj na kërkojn miliarda euro që mund të realizohej falas. Jan këto elemente që protestuesit janë alergjik.
Demostrata e fundit që ishte edhe paqësorja deshmoi se atje nuk ishin më të varfërit siç thot opzita.Ata me urdher të Lulit ndezën tegjithë dritat e celularve “smartë” që më i keqi kushton 500 mij dei në 1miljn lek të gjith i ndezën dhe dhan sinjlin e vetëm që nuk jan të varfërit.
Nuk ikën opozita për të vetmen arsye sepse basha edhe rama saliu meta i kanë bërë planet e tyre që të vazhdojnë të tallen me popullin shqiptar.. Ky është ligji i tyre..
DO te iki Edi oregomar Peqini dhe ti do te hysh ne burg per ato milionat qe I ke fituar me paret e b… dhe te p… Tung edhe nje here ore gomar Peqini.
Rrnofte zotnia e tij Edi Rama. Posht sal ram shiqere birisha dhe ilir florini. Te tan hajnat e pd-se dhe lsi-se jane te mallkum perj zotit e kan me vdek.
Opozita do ristrukturohet Alfred! Por do kohe! Post zgjedhjeve lokale!
Basha e kompani më kot sillen vërdalle reth institucioneve sepse popullin e kanë kundër.Protesta e gjashtë “madhështore”siç e quajnë Basha e Mona ishte me e keqja protestë nga pjesëmarrja dhe më e mira nga trazirat sepse si duket shkatërruesit ndoshta kishin frikë të mernin pjesë këtë radhë meqë edhe ndërkombëtarët dhanë urdhër që ata që ushtrojnë udhë te arrestohen.Pra 6 protesta njerëz nga e gjithë shqipëria ku të gjitha bashkë nuk mblodhën sa mblodhi Rama në Tiranë..Basha dhe Mona të dinë një gjë se po të kishin popullin me vete Rama jo me 6 protesta për një vit por me një ore e kishin rëzuar jo me luftë po me pjesëmarrje.Tani gjëja më e mirë është të zhvillohen zgjedhjet me atë opozitë që u krijua nga sikleti,Rama të shikojë difektet e qeverisjes dhe ata që dogjën mandatet të kërkojnë ndonjë punë tjetër por kam frikë se nuk i mer njeri…
I perjetshem qofte kujtimi i kryegangsterit te pd-se Flamur Herman Geringut komandantit te nazisikneve te Mamurrasit dhe Klevis Krricit te Faros komandanti i shpellareve te unazes,,,,,
Ristruktrim i opozites!
Duhet te kuptoni nderin e math qe Lulzim Basha po i ben ketij vendi, duke pastruar nje here e mire Shqiperine nga Bashibozuket e haxhi qamilit te futur ne PD, PR…etj. te djathta + Lsi ne keto 3 dekada. Nuk u gjet menyre tjeter per ti pastruar nga keta elemente ….prandaj mos e shani Lulin,….por falenderojeni.
Duhet te kuptoni nderin e math qe Lulzim Basha po i ben ketij vendi, duke pastruar nje here e mire Shqiperine nga Bashibozuket e haxhi qamilit te futur ne PD, PR…etj. te djathta + Lsi ne keto 3 dekada. Nuk u gjet menyre tjeter per ti pastruar nga keta elemente ….prandaj mos e shani Lulin,….por falenderojeni.