Te fundit
Sirena turke për lojtarin e Teutës, Antalyaspor dhe Trabzonspor interesohen për Kallakun!
1 Qershor 2019, 15:07Sport
TEMA
Sirena turke për Sherif Kallakun. Talenti i Teutës pëlqehet nga skuadra e madhe e Superligës turke Trabzonspor, drejtuesit e së cilës e kanë ndjekur nga afër Kallakun në disa ndeshje të kampionatit por edhe në sfidën e përfaqësueses Shpresa ndaj Turqisë disa muaj më parë.
Super Sport shkruan se për Kallakun ka shfaqur interes edhe Antalyaspor, megjithatë Teutës do t’i interesonte që lojtari të transferohej te Trabzonspor pasi bëhet fjalë për një klub më të madh dhe më të fuqishëm ekonomikisht që mund të kënaqë edhe kërkesat e durrsakëve.
Zbuluesit e talenteve të Trabzonsporit pritet të jenë në stadium edhe në datën 7 qershor në takimin e kthimit mes Turqisë U-21 dhe Shqipërisë U-21, sfidë në të cilën Sherif Kallaku parashikohet të jetë titullar. 21-vjeçari ka edhe 1 vit kontratë me Teutën dhe Djemtë e Detit synojnë të përfitojnë 300 deri 500 mijë euro nga shitja e tij.
Lini një Përgjigje
Më të lexuarat
24 oret e fundit
Javen e fundit
Blog Tema
