VIDEO/ Sot shtyn zgjedhjet, por ja çfarë thoshte Meta kur drejtonte LSI

Më 8 qershor 2019, në kohën kur opozita e drejtuar nga Lulzim Basha dhe Monika Kryemadhi po protestonin për të rrëzuar Edi Ramën, me një lëvizje surprizë presidenti Ilir Meta njoftoi ç’dekretimin e datës së zgjedhjeve.

“Kam vendosur të shfuqizoj Dekretin nr.10928, datë 05.11.2018 për zhvillimin e zgjedhjeve për organet e qeverisjes vendore më datë 30 qershor 2019”, thotë Meta.

Kapitulli i 30 qershorit prej atij momenti u deklarua i mbyllur nga Presidenca, por nuk pranohet nga qeveria, e cila e cilëson antikushtetues vendimin e Kreut të Shtetit dhe vazhdon fushatën për zgjedhjet lokale.

Prej asaj datë ujërat kanë rrjedhur në të dy kahet dhe Meta e ka mbrojtur vendimin e tij me argumentin se vendi rrezikonte të shkonte në përplasje civile në 30 qershor.

Ndërkohë, PS vazhdoi argumentet e saj kundër shtyrjes së zgjedhjeve, duke i kujtuar Metës se vazhdimi i detyrës prej kryebashkiakëve të zgjedhur në 2015 do të bllokonte fondet për komunitetet dhe do të fuste në kolaps shërbimet për qytetarët.

Por edhe për këtë shqetësim të qeverisë, nga Presidenca më 13 qershor, Meta nëpërmjet këshilltarit ligjor Bledar Dervishaj sqaroi se ligji në fuqi i jep Presidentit të drejtën që t’i lejojë kryebashkiakët aktualë të vazhdojnë detyrën deri në caktimin e një date të re për zgjedhjet lokale.

“Presidenti thekson se në zbatim të detyrimeve Kushtetuese, realizimi i zgjedhjeve për pushtetin qendror në një datë tjetër përtej asaj të 30 qershor nuk cënon as interesat dhe as marrjen e shërbimeve nga qytetarët shqiptarë.

Këshillat bashkiakë aktualë do të vijojnë funksionin e tyre deri në formimin e këshillave pasardhës deri sa të zgjidhen të rinjtë dhe të bëjnë betimet e tyre. Edhe kryebashkiakët aktualë do të vijojnë mandatin deri në zgjedhjen e të rinjve. Çdo aludim se në datën 8 gusht 2019 ndërpritet mandati aktual dhe shërbimet është retorikë politike”, tha Dervishaj në emër të Metës.

Por, pavarësisht se sot e cilëson retorikë politike shqetësimin e shfaqur lidhur me shtyrjen e mandatit të kryebashkiakëve, Ilir Meta si kryetar i LSI-së, mendonte ndryshe kur ishte në pushtet në 2011, në koalicion me qeverinë “Berisha 2”.

“Ne jemi të gatshëm për të përballuar çdo lloj skenari destruktiv që kërkon të zgjasë mandate pushtetarësh vendorë në mënyrë të paligjshme dhe antikushtetuese vetëm për një arsye, sepse nuk kanë kurajën, sepse nuk kanë bilancin për t’u ballafaquar me votuesit e tyre, për të cilët ata u përbetuan se do u zgjidhin shumë probleme katër vite më parë”, shprehej asokohe kryetar i LSI-së, Ilir Meta.

Rama reagon pas vendimit të BE: Le t’i rezistojmë deri në fund ofensivës së baltës dhe gurëve kundër Shqipërisë

18:24 Politika

Artur Zheji: Rama mund të nxjerrë ushtrinë në 30 qershor

18:15 Politika

Kryetari i PD në Londër merr pjesë në takimin e Ramës për ta prishur dhe …e zë gjumi

17:56 Politika

BE shtyn sërish çeljen e negociatave për Shqipërinë dhe Maqedoninë e Veriut

17:33 Politika

"Nuk kemi pasur mjaftueshëm kohë", vendimi për negociatat shtyhet në tetor. Johanes Hahn: Ja vendet që kërkuan më shumë kohë

17:25 Politika 2 komente

Protesta e opozitës, reagon ambasada amerikane: Shmangni të gjitha pikat e grumbullimit dhe vendet ku demonstratat janë të pashmangshme

16:20 Politika

VIDEO/ Thyen qendrën e votimit në Tropojë, Berisha vlerëson agresorët: Ju lumtë, i dhatë pergjigje shkaterrimtare. Rama ik, fitore

16:17 Politika

Nis procedura për shkarkimin e Metës: Komisioni i Ligjeve do shqyrtojë kërkesën e socialistëve

15:39 Politika

Rama tallet me protestat e PD-LSI në Londër, thirrje investitorëve: Protestat politike mund të jenë pjesë e paketave turistike, ndodhin si të ishin koncerte të shtunave në orën 8:00

15:30 Politika

Alarmoi për rikthimin e vizave, Rama përgënjeshtron Metën: Të shqetësohet për vizën që i vuri figurës së kreut të shtetit, u bë pjesë e frontit politik kundër zgjedhjeve dhe drejtësisë

15:05 Politika