Sekretari i Shtetit po konsideron në mënyrë të heshtur një fushatë në Senat, që mund t’i hapë rrugën për një kandidaturë të ardhshme në Shtëpinë e Bardhë.

Mike Pompeo është mundësia më e mirë e GOP në mbajtjen e një vendi të Senatit në duart republikane. Por ai është gjithashtu zëri më i qëndrueshëm i sigurisë kombëtare, në një administratë që është vazhdimisht në prag të plasaritjeve – duke krijuar një dilemë të madhe për sekretaren e Shtetit dhe partinë e tij.

Pompeo tha në shkurt se kishte “përjashtuar” drejtimin e Senatit në vitin 2020, por disa nga ndjekësit e tij thonë se ai po vlerëson në heshtje hapat e ardhshëm në karrierën e tij politike.

Gjatë muajve të ardhshëm, ish- kongresmeni i GOP do të duhet të vendosë nëse do të qëndrojë si një nga këshilltarët më të besuar të presidentit Donald Trump – diçka që shumë aleatë të Trump thonë se është detyra e tij patriotike në mes të krizave të panumërta ndërkombëtare – ose të kërkojë një vend Senati në Kansas, që mund të vendosë bazat për një drejtim presidencial nga ana e tij.

Udhëheqësi i shumicës së Senatit, Mitch McConnell, po insiston shumë që Pompeo të zgjedhë këtë të fundit.

“Ai është ende zgjedhja ime e parë”, tha në një intervistë republikani nga Kentaki, i cili flet shpesh me Trump.

“Unë dyshoj se presidenti do të pajtohej me këtë. Por ai është zgjedhja ime e parë për selinë e Senatit në Kansas.”

Pak politikanë të GOP kanë më shumë ambicie apo perspektivë të lëvizjes në rritje, sesa Pompeo, në të cilën republikanët e mëdhenj do të mbështeteshin pa hezitim, nëse ai do të hynte në garë.

Për Pompeon, një drejtim i Senatit mund të jetë një fillesë e një drejtimi presidencial më 2024. Të paktën, një vend në Senat do ta mbante si një personalitet politikisht të rëndësishëm, pavarësisht nga fati i Trump në 2020.

Pompeo vetë ka folur privatisht rreth mundësisë së një drejtimi presidencial. Ai dhe shoku i tij, senatori Tom Cotton (R-Ark.) morën pjesë në një darkë private vjetore të American Enterprise Institute në Sea Island, Ga, këtë pranverë.

I pyetur nëse ai e ka konsideruar veten si kandidat për president, Pompeo u përgjigj: “E kam konsideruar,” dhe pastaj u drejtua nga Cotton duke thënë: “Dhe mund të konkurroj kundër këtij djaloshi”.

Por senatorët dhe bashkëpunëtorët theksojnë se Pompeo është konsumuar me përgjegjësitë e tij aktuale, veçanërisht si potencial për konflikte me Iranin, dhe do të marrë kohën e tij në vlerësimin, nëse Senati është hapi i duhur për të dhe për GOP.

“Ai është plotësisht i angazhuar në punën e tij aktuale, që është 24/7”, tha Roberts. “Mund të presë për pak kohë.”

Interesi i McConnell për Pompeon është i drejtpërdrejtë. Ai është mundësia më e mirë për të mbajtur vendin dhe për të shmangur skenarin e një makthi: votuesit kryesorë të Kansasit votojnë Kris Kobach-in konservator, ndërsa ish-guvernatori Kathleen Sebelius bëhet kandidati demokrat.

Hyrja e Pompeo do të pastronte terrenin dhe do të përjashtonte Sebelius nga drejtimi, thonë republikanët.

Republikani Roger Marshall po konsideron të hyjë në garë, por GOP beson se Pompeo do të ishte shumë më i fortë.

Pompeo u provua me një sfidë primare të Senatit në vitin 2016, kur republikani Jerry Moran për pak kohë miratoi idenë e mbajtjes së një seance konfirmimi për Merrick Garland, kandidatit të Gjykatës Supreme të Barak Obamës.

Perspektiva e një drejtimi të Senatit u shfaq fillimisht dimrin e kaluar, pak pasi Roberts njoftoi daljen e tij në pension në janar.

McConnell dhe aleatët e tij ushtruan presion tek Pompeo për të kandiduar për postin, por Pompeo tha për NBC News se ai nuk do të kandidonte.

“Unë e dua Kansasin. Unë do të jem sekretari i Shtetit për sa kohë që presidenti Trump më jep mundësinë, “tha Pompeo në shkurt. “Dua të bëj atë që po bëj”.

Grupet e ndikimit jashtë, megjithatë, ende mbajnë shpresë. Klubi konservator për Rritje këtë muaj qarkulloi rezultatet e një sondazhi, që tregon se lobisti i lidhur me Trump, Matt Schlapp, është kandidati i preferuar për vendin – nëse Pompeo nuk kandidon.

Në fillim të qershorit, Klubi gjithashtu anulloi, por nuk liroi, vlerësimin e favoritetit të Pompeo. Ndër votuesit e regjistruar në Kansas, 70 për qind kishin një përshtypje pozitive për sekretarin të Shtetit, ndërsa 10 për qind kishin një pikëpamje negative, sipas rezultateve të përbashkëta nga Klubi për Rritjen.

Kjo ishte më e larta nga çdo konkurrent i mundshëm i anketuar për GOP.

Por dështimi i nominimit të sekretarit të Mbrojtjes Patrick Shanahan dhe paqëndrueshmëria afatgjatë në pozicionet kyçe të sigurisë kombëtare e kanë bërë punën e Pompeo si sekretar Shteti, edhe më të rëndësishme për republikanët e shqetësuar rreth trazirave të administratës Trump.

Pompeo është një i mbijetuar në shfaqjen e realitetit të Shtëpisë së Bardhë Trump, duke fituar mbështetjen dypartiake si drejtor i CIA-s, e më pas duke kaluar në Departamentin e Shtetit për të pastruar rrëmujën e lënë pas nga Rex Tillerson.

“Mund ta përdorim atë në Senat. Por ai po shërben gjithashtu një rol shumë të rëndësishëm në shtet. Ai e pëlqen politikën. Mendoj se është paksa si një luftë, ndërsa përpiqet të kuptojë se si mund t’i shërbejë më së miri vendit “, tha senatori Roy Blunt, kreu i 4-të i GOP.

Nëse Pompeo do të largohej disa muaj para zgjedhjeve të vitit 2020, kjo mund të krijonte një tjetër kryetar të Kabinetit që vepronte në një departament kritik, me një gjendje të politikës së jashtme të SHBA të pazgjidhur.

Miqtë dhe bashkëpunëtorët e Pompeo-s shprehën shqetësimin rreth një drejtimi të Senatit që do të linte administratën Trump pa një mbështetje të rëndësishme.

“Kjo administratë ka një stol shumë të” hollë”, thotë Stephen Biddle, një bashkëpunëtor i lartë për politikën e mbrojtjes në Këshillin e Marrëdhënieve me Jashtë.

“Shanset që ata mund të gjejnë një zëvendësues me përvojë dhe të aftë që do të ishte me ndikim te Trump, janë të dobëta”.

Edhe disa nga kolegët e tij të mundshëm në konferencën e Senatit republikanë po e shtyjnë që ai të qëndrojë, ndër ta edhe disa demokratë.

“Ne kemi nevojë për të parë stabilitet. Mendoj se ky është një sinjal shumë i mirë, jo vetëm për aleatët tanë, por edhe për kundërshtarët tanë, se kemi një qeveri të mirëorganizuar dhe të mirë-drejtuar “, tha senatori Joni Ernst.

“Nëse Pompeo zgjedh të kandidojë për Senatin, unë jam mbështetës. Por unë gjithashtu mendoj se ai është shumë i përshtatshëm për të vazhduar të drejtimin e Departamentit të Shtetit “.

“Ai sjell një farë besueshmërie dhe ka një forcë të caktuar brenda syve të presidentit, për të qenë në gjendje të flasë të vërtetën në pushtet, ndoshta më shumë se shumica”, tha senatori Joe Manchin, një nga pak demokratë që mbështetën Pompeon për pozicionin e tij aktual.

“Kështu që unë shpresoj, për këtë arsye, që Mike do të qëndrojë atje ku është.”

Largimi i Pompeo në mënyrë të pashmangshme do të fillonte një kërkim të furishëm, dhe republikanët e Senatit nuk janë në gjendje për një tjetër betejë të vështirë konfirmimi.

Pompeo ka luksin e kohës. Afati i depozitimit primar është qershor 2020, duke i lejuar atij të provojë dhe të gjejë një strategji të hijshme të daljes ,nëse ai vendos të hyjë në garë.

“Shumë njerëz do të duan që ai të deklarojë më herët se kaq, por Pompeo mund të presë,” tha McIntosh i Klubit për Rritjen.

“Unë mendoj se ju shihni spekulimet e vazhdueshme, sepse kalendari i jep atij mundësinë për të ndryshuar mendjen”.

Politico.com-Përshtati në shqip për TemA: Diona Çeço