Te fundit
"Të thyejmë zinxhirin korruptiv", Drejtësia plan veprimi 2019-2023: Të përfshira në hartim 29 institucione shqiptare, përpjekje për ndëshkim, parandalim dhe ndërgjegjësim
4 Korrik 2019, 13:22Kronika
TEMA
Zëvendës ministrja e Drejtësisë Fjoralba Caka, ka përcjellë disa nga detajet e hartimit të Planin të Veprimit 2019-2023 për luftën kundër korrupsionit.
Përmes një postimi në llogarinë e saj në rrjetin social Facebook, Caka shkruan se “drafti është hartuar në bashkëpunim me 29 institucione shqiptare të përfshira në zbatimin e Strategjisë dhe përforcimin e përpjekjeve për ndëshkim, parandalim dhe ndërgjegjësim ndaj praktikave korruptive“.
“Sot përfundoi trajnimi tre ditor i stafit të Ministrisë së Drejtësisë dhe institucioneve të tjera përgjegjëse të angazhuara në hartimin e Planit të Veprimit Kundër Korrupsionit 2019-2023.
Ekspertët e Delegacionit të Bashkimit Evropian trajnuan stafin lidhur me metodat e kostimit, planifikimin e aktiviteteve dhe realizimin efektiv të objektivave.
Ndërkohë që institucionet po vijojnë punën me hartimin e Planin e Veprimit 2019-2023, një draft paraprak është publikuar në faqen e Ministrisë së Drejtësisë për konsultim publik.
Drafti është hartuar si një total masash proaktive për luftimin konkret dhe të matshëm të korrupsionit.
Draft Plani i Veprimit 2019-2023 është hartuar në bashkëpunim me 29 institucione shqiptare të përfshira në zbatimin e Strategjisë dhe përforcimin e përpjekjeve për ndëshkim, parandalim dhe ndërgjegjësim ndaj praktikave korruptive“, nënvizon Caka e cila veç të tjerash është njohëse e çështjeve të Integrimit dhe pedagoge në Fakultetin e Drejtësisë në Universitetin e Tiranës. (TemA)
1 komente në ““Të thyejmë zinxhirin korruptiv”, Drejtësia plan veprimi 2019-2023: Të përfshira në hartim 29 institucione shqiptare, përpjekje për ndëshkim, parandalim dhe ndërgjegjësim”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk do kete kurre drejtesi ne kete vend , pervec asaj te zotit. Te tjerat Jane brockulla. Korrupsioni e krimi ne Shqiperi nuk jane murtaje qe bie, por eshte mbjelle me dore.Dhe ne nje vend te varfer ato rriten shendetshem. Duart e kujt Jane ,tashme dihen.