Te fundit
Balla: Mandatet e të zgjedhurve në Shqipëri i jep vetëm KQZ dhe Kolegji Zgjedhor. Vendimi i gjyqtares në Durrës, nul dhe arbitrar
17 Korrik 2019, 20:46Politika
TEMA
Sekretari i Përgjithshëm i Partisë Socialiste, Taulant Balla e quan absurd dhe arbitrar vendimin e gjyqtares së Durrësit për të mos konfirmuar mandatin 4 vjeçar të kryetares së zgjedhur të Bashkisë së Durrësit, Valbona Sako.
Përmes një postimi në rrjetin social facebook Balla deklaron se çdo kryetar i sapo zgjedhur pas shpalljes së vendimit vetëm nga KQZ apo Kolegji Zgjedhor do ta marrë detyrën, do ta ushtrojë dhe do të japë llogari përpara Këshillit Bashkiak sikurse ligji e parashikon.
Sipas Ballës, në Shqipëri sipas Kodit Zgjedhor mandatet e të zgjedhurve i jep vetëm KQZ dhe Kolegji Zgjedhor. Dhe vendimet e Kolegjit Zgjedhor janë përfundimtare dhe të pa-ankimueshme.
Postimi i plotë i Taulant Ballës:
Keqardhje për vendimin absurd, arbitrar dhe nul të një gjyqtareje, e cila mori brohoritjet e atyre që në vijim të përpjekjes së dëshpëruar për kaos e pasiguri, nuk dinë më çfarë bëjnë. Pavarësisht kësaj lajthitjeje anti-ligjore dhe anti-logjike të radhës, në respekt të vullnetit të popullit, çdo kryetar i sapo zgjedhur pas shpalljes së vendimit vetëm nga KQZ apo Kolegji Zgjedhor do ta marrë detyrën, do ta ushtrojë dhe do të japë llogari përpara Këshillit Bashkiak sikurse ligji e parashikon.
Nuk ishte parë e dëgjuar në gjithë këto vite që një vërtetim i thjeshtë fakti të refuzohet duke dalë hapur në shkelje flagrante të ligjit mbi një vendim të formës së prerë. Në Shqipëri sipas Kodit Zgjedhor mandatet e të zgjedhurve i jep vetëm KQZ dhe Kolegji Zgjedhor. Dhe vendimet e Kolegjit Zgjedhor janë përfundimtare dhe të pa-ankimueshme.
Sidoqoftë me keqardhje për ata që kanë humbur rrugën e arsyes, ne mbetemi të qetë dhe të vendosur në rrugën e hapur nga populli më 30 Qershor.
2 komente në “Balla: Mandatet e të zgjedhurve në Shqipëri i jep vetëm KQZ dhe Kolegji Zgjedhor. Vendimi i gjyqtares në Durrës, nul dhe arbitrar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Anormale?! .. gjyqtarët….kryesisht me “Baza” 6_MUJORE NË PLEPA …..kjo “supershtresë shoqërore” jo nga intelektualiteti, por PASURIA, e vënë në ” kurriz të drejtësisë”…..drejtësi që blihej nga të “fortët”….. të gjithë paratë e pista janë grumbulluar në duart e shumicës së gjyqtarëve GRABITQAR….që bashkë me prokuorinë dhe avokatët sekserë e bënë këtë popull të “flasë me vete” …… turp, neveri, urrejtje,……për shumicën që me “peshoren” e drejtësisë, peshonin paratë……… pak lekë….. sa për “para xhepi” të tjerat.. në prerje e monedha mundësisht në valutën më të “fortë”……………
ATO MUND TË BËJNË ÇDO GJË, PËR PARA APO PËR SHËRBIME NDAJ PADRINOVE QË I HAPËN DYRER E KARIERËS……. SHPRESOJMË DHE BESOJMË TE REFORMA….TE SPAKU….. ARDHSH I “BARDHË” o SPAK…. TIK_ TAK…TIK_ TAK…… MIRSEVJEN O SPAK…..
Shume dakord me komentin e mesiperm