Një koncept i ri për ciklin menstrual

Pas konfirmimit të kohëve të fundit që cikli menstrual nuk ka ndonjë përfitim shëndetësor, gratë kanë filluar të përdorin kontraceptivë për ndalimin e tyre.

Për disa, është një mënyrë për t’i dhënë fund dhimbjes kapitëse ose mendimeve të errëta, për disa, është thjesht çlirim nga gjakrrjedhja.

Ndërkohë që një valë e re e autorësh dhe aktivistësh të feminizmit po u bën thirrje grave të përqafojnë idenë e mensturacioneve si pjesë të tyren, ideja e shmangies së plotë të tyre mund të duket radikale.

Teknologjia po përparon. Kontraceptivët, tashmë nuka janë vetëm për parandalimin e shtatzënisë. Një rënie e kohëve të fundit të shitjeve të tamponëve lidhet me faktin se grate po përdorin metoda kontraceptive që ndalojnë ose lehtësojnë menstruacionet e tyre. Rreth një e pesta e femrave që përdorin implantin kontraceptiv nuk kanë më gjakrrjedhje, shumë marrin tableta kontraceptive pa pushim gjersa arrijnë të njëjtin rezultat etj.

Duke i parë menstruacionet si një pjesë themelore të ritmit të trupit – diçka që duhet të durohet, apo edhe festohet çdo muaj është vetëm njëra anë e medaljes. Tjetra është dhimbje, problem, ndryshime të humorit etj. Shumë gra ndihen të bllokuara në një cikël që mund të jetë i paparashikueshëm, i papërshtatshëm dhe i pakëndshëm.

Menstruimi është procesi me të cilin trupi nxjerr nga mitra vezën e pafertilizuar, të shkaktuar nga nivelet luhatëse të hormoneve estrogjenit dhe progesteronit. Mospasja e ciklit menstrual nuk krijon një “mbingarkesë”, ai nuk është i nevojshëm për “pastrimin e trupit”. Menstruacionet, megjithatë, mund të përkeqësojnë paaftësitë fizike ose probleme të shëndetit mendor përfshirë endometriozën dhe depresionin.

Dr. Jane Thomas, një gjinekolog specialist në spitalin universitar Homerton në Londër, thotë se cikli menstrual kaq i shpeshtë është një fenomen modern: historikisht, gratë e kalonin shumicën e kohës së tyre shtatzënë ose duke ushqyer me gji (gjë që vonon kthimin e ciklit).

Pra, nëse gratë nuk duan një periudhë, a ka ndonjë arsye mjekësore që duhet ta kenë? Shumë mund të habiten kur mësojnë se përgjigja e shkurtër është: Jo.

Ndërsa Thomas vëren se një cikël i rregullt është tregues i shëndetit të mirë, Dr. Anne Connolly, e klinikës “Shëndeti i Grave për Kolegjin Mbretëror të Mjekësisë”, thotë se gjakrrjedhja nuk ka ndonjë përfitim për së paku nëntëdhjetë e nëntë përqind të tyre.

Shumë forma të reja kontraceptive, përfshirë implantin kontraceptiv dhe injektimin, sistemin intrauterin (spiralja hormonale) dhe pilulën “mini” vetëm për progestogjen, janë të krijuara që të merren vazhdimisht, që do të thotë që shumë përdorues mund të kalojnë pa probleme muaj apo vite pa gjakrrjedhje.

Përfitimet mund të jenë të panumërta, nga kursimi i parave, zbutja e problemeve shëndetësore, përfshirë sindromën ovarian polycystic (PCOS), në të cilën ekziston rreziku i krijimit të qelizave problematike në shtresën e mitrës.

Gjithsesi pasja ose jo e një cikli menstrual mbetet gjithnjë një zgjedhje e gruas, sipas kushteve dhe rrethanave të saj të përveçme. /The Guardian, përgatiti Erina Çoku/

Kujdesi veror për fëmijët, këshilla nga Spitali Amerikan

12:13 Shëndeti

ALARMI/ Shkencëtarët thirrje adoleshentëve: Stop pijeve energjike!

10:03 Shëndeti

Pesëdhjetë vite me HIV: Sa afër kurës jemi?

18:54 Shëndeti

Përkujdesje mjekësore e specializuar nga Spitali Hygeia, njihuni me ofertat gjatë gjithë muajit Korrik

11:57 Shëndeti

Urgjenca Hygeia/ Partneri juaj për pushime të sigurta

16:39 Shëndeti

Shëndeti juaj këtë verë në Spitalin Amerikan

14:28 Shëndeti

Infrastruktura moderne, teknologjia e fundit në fushën e diagnostikës mjekësore, vjen pranë qytetarëve

09:53 Shëndeti

Kirurgu turk nga Spitali Amerikan shpëton nga paraliza 64-vjeçarin me mielopati cervikale

11:15 Shëndeti

Metoda që do ju shpëtojnë nga djegia e diellit

22:15 Shëndeti

INTERVISTA/ Drejtori i Spitalit Amerikan për prestigjiozen gjermane, Die Welt: Turizmi shëndetësor, fokusi dhe strategjia jonë për 5 vitet e ardhshme

11:47 Shëndeti