Fevzo shpjegon pse nuk mund ta arrestojnë Ramushin

Pas zhurmës së madhe që po bëhet rreth shanseve për arrestimin e Ramushit, pasi ta marin në pyetje në Hagë, Fevzo ka qetësuar popullin, duke shpjeguar pamundësinë e një akti të tillë.

Në një postim të tij, Fevzo shpjegon se Gjykata e Hagës e ka çuar fletëthirrjen pa njoftuar më parë emisionin “Opinion”, dhe kësisoj ai është i pavlefshëm.

Ja si e arsyeton ai:

“Gjykata speciale për krimet e luftës në Hagë, ka bërë një akt të paprecedent, duke i çuar fletëthirrje për në Hagë, Ramush Haradinajt, pa lajëmruar më parë emisionin “Opinion”.

Ky është një skandal me përmasa ndërkombëtare, i cili nuk mund të kalohet lehtë.

Asnjë politikan shqiptar nuk është thirrur, nga asnjë Prokurori, pa më lajmëruar më parë mua që ta marr në emision.

Ju kujtoj se Saimir Tahirit i shtyva datën e arrestit vetëm se duhet ta kisha në emision.

Kështu ka ndodhur dhe me disa raste të tjera.

Ilir Meta po ashtu më ka premtuar se nëse i vjen ndonjë sinjal nga drejtësia, do të vijë në “Opinion” në një emision maratonë.

Pra ky tani është një ligj i pashkruar, që e zbaton çdo vend dhe çdo Prokurori.

Haga nuk mund të bëjë përjashtim.

Më keq akoma, Ramushi, që e paska ndjerë fletëthirrjen, paska dhënë intervistë një ditë më parë tek Adriatik Kelmendi, i cili përpiqet të më imitojë mua në emision, në udhëtime dhe gjithçka.

Sa për dijeni, unë jam 63 udhëtime para tij, dhe kam mbi 90 vende që unë kam shkuar dhe ai nuk ka shkuar akoma.

Ndaj nuk mund të krahasohemi dhe nuk mund të fyhet një personalitet si Ramushi, që intervistën e fundit para burgut, ta japë tek “Rubikon”.

I kam shkruar për këtë Gjykatës së Hagës dhe sapo të më vijë përgjigje, do të lë pushimet dhe të realizoj intervistën.

Sipas burimeve nga Gjykata e Hagës, ka tri mundësi për Ramushin.

Ose e arrestojnë, ose e lënë të lirë, ose e lënë me detyrim paraqitje.

Të shohim se çfarë do të ndodhë, por të gjitha këto do të ndodhin pasi ta marr unë në emision.”

Fate Mediu i shkruan Haradinajt: Shembulli im do të vlejë të mos kesh frikë nga gjykata!

19:04 Antena

Jari paralajmëron të bëhet kujdes me lavdërimin e Ramushit për vetëdorëzimin

17:59 Antena

Jari propozon strategjinë se si të shpëtojnë PD-nw përmes Bindjes Demokratike

19:16 Antena

Hazbiu mallkon Zenin që do të lërë akoma në detyrë Gjushin dhe Fiqon

18:07 Antena

Jari tregon se si Fevzo mposhti presionin e Ramës dhe e detyroi të tërhiqej nga kërkesat e tij

19:01 Antena

Jari bën axhendën e Lulit për muajt e verës

21:05 Antena

Hapen arkivat franceze: Ja e vërteta e Avni Rustemit!

22:32 Antena

Hazbiu mallkon ata që shesin “Luanin e artë” tek Ilir Meta

19:10 Antena

Hazbiu mallkon Abin dhe Taulantin që nuk i çuan lekët në Këlcyrë

18:37 Antena

Hazbiu mallkon Metën që solli stuhinë në jug

19:01 Antena