Afron shkarkimi i Metës, Komisioni i Venecias fut në kalendar kërkesën e Kuvendit

Komisioni i Venecias nuk ka humbur kohë, sa i takon çështjes së shkarkimit nga detyra të Presidentit Ilir Meta nga detyra. Pak ditë më parë Kuvendi i Shqipërisë i nisi një letër Venecias, ku kërkonte mendim për 8 çështje. Por kërkesa e Kuvendit është marrë në konsideratë nga Komisioni dhe është futur në kalendarin e punimeve, pasi e ka publikuar atë edhe në faqen e tij zyrtare në internet.

Mirëpo, futja në kalendarin e punimeve përshpejton edhe procedurat për shkarkimin e Ilir Metës. Mbledhja e më e afërt e Komisionit të Venecias është në tetor, por përpara se ai të japë mendimin final sa i takon kërkesës së mazhorancës, pritet që të japë një opinion të ndërmjetëm.

Me shumë gjasa gjatë muajit shtatorit ky opinion do të jetë në dorën e Kuvendit dhe do të shfrytëzohet nga mazhoranca pa humbur kohë. Kështu, nëse opinioni i ndërmjetëm i dhënë nga Venecia do t’i japë të drejtë mazhorancës, duke bërë “fajtor” Presidentin Ilir Meta, ajo do të vijojë pa humbur kohë me procedurat e shkarkimit të kreut të shtetit. Pra, i bie që nëse Partia Socialiste ka vullnet dhe do t’i shkojë deri në fund nismës së saj, Meta shkarkohet në shtator.

Mbyllen emrat për në Gjykatën Kushtetuese

Fjalën e fundit për shkarkimin e Metës do ta ketë Gjykata Kushtetuese. Kjo gjykatë ka tagrin që t’i bëjë interpretim vendimit të Kuvendit, duke zbuluar nëse Presidenti i Republikës ka bërë ose jo shkelje. Momentalisht Kushtetuesja është e shpartalluar nga procesi i vetingut, por sinjalet janë se ngritja e saj tanimë është zhbllokuar, pasi brenda javës pritet të mbyllen emrat për në Gjykatën Kushtetuese. Kjo është bërë e ditur ditën e djeshme nga kreu i Këshillit të Emërimeve në Drejtësi, Ardian Dvorani.

Ky i fundit gjatë një prononcimi për mediat, deklaroi se të mërkurën do të shpallet lista e 14 pretendentëve për 6 vendet vakante në Gjykatën Kushtetuese. “KED ka përfunduar verifikimet për 11 nga 14 kandidatët, që garojnë për 6 vendet vakante.

Për dy ditë do të jetë gati lista përfundimtare me kandidatët që plotësojnë kriteret për të qënë anëtarë në Gjykatën Kushtetuese”, deklaroi Dvorani. Por me këtë lëvizje, duket se afron edhe shkarkimi i presidentit Ilir Meta nga detyra. Sipas ligjit, Gjykata Kushtetuese ka 9 anëtarë, ku 3 përzgjidhen nga Presidenti, 3 nga Kuvendi i Shqipërisë dhe 3 nga Gjykata e Lartë.

Por duke qenë se Gjykata e Lartë do edhe pak kohë të formohet, Kushtetuesja pritet të ngrihet me 6 anëtarë, sikundër janë ata të përzgjedhur nga Meta dhe Ruçi. Kështu që, me shumë gjasa Gjykata Kushtetuese pritet që të ngrihet në shtator, duke qenë se është lënë një muaj afat për përzgjedhjen e anëtarëve. Pra, me ngritjen e Kushtetuese afrohet edhe shkarkimi i Metës nga detyra.

Disa nga kërkesat e PS për Komisionin e Venecias

Pak ditë më parë, Kuvendi i Shqipërisë i dërgoi një letër Komisionit të Venecias, ku në mënyrë kronologjike radhiste 8 pyetjet që deputetët e drejtuar nga Ulsi Manja, kërkonin përgjigje. Së pari, kërkohet sqarim për rolin e Presidentit në proceset zgjedhore. “Roli i Presidentit në proceset zgjedhore, në regjimet parlamentare si Shqipëria, në raport me pushtetet e tjera?”, thuhet në pyetjen e parë.

 Po ashtu, në letrën e firmosur nga kryeparlamentari Ruçi kërkohet mendim nga Venecia se a cenohet siguria kushtetuese, nga anulimi i datës së zgjedhjeve dhe caktimi i një date tjetër, në një kohë që Komisioni Qendror i Zgjedhjeve kishte nisur punën. “A cenohen parimet e së drejtës për të zgjedhur dhe të sigurisë kushtetuese, nga anulimi i datës së zgjedhjeve dhe caktimi i një date tjetër nga Presidenti, organet e administrimit të zgjedhjeve kanë nisur punën”, thuhet në kërkesën e mazhorancës për Venecian. /sot/

“Në Shqipëri gjeta punë, një rrogë dinjitoze”, Rama nxjerr shkrimin e medias italiane

09:29 Politika

Spiropali tallet me "sizmiologun" Ilir Meta: Baba Xhike nxirr një dekret e shtyje atë tërmet se na le pa gjumë

09:22 Politika

Sekretari i PS tallet me Metën: Ka habitur kupolën e botës shkencore me aftësitë e tij telepatike, parashikoi tërmetin që do rrafshonte Ballkanin

22:08 Politika

Merr fund ëndrra e Metës si sizmiolog që paralajmëroi ‘tërmetin apokaliptik’, e përgënjeshtroi 'ustai' grek Akis Tselentis: S’kam bërë kurrë një parashikim specifik për tërmet

21:18 Politika

FOTOT/ Lulzim Basha, takim të “mjeruar” në Librazhd. E braktisin militantët e PD, s’mbush dot as tre tavolina në lokal

21:10 Politika

“Çështja e Teatrit Kombëtar u politizua”, ambasadori Soreca reagon pas sulmeve të PD: Përgjigjja ime sot është paraqitur jashtë kontekstit

20:55 Politika

Zgjedhje pa Ramën kryeministër? Lefter Maliqi këshillon Bashën: Lërini lotët e 30 qershorit, guxoni dhe hyni me kokën lart më 13 tetor në zgjedhje

20:16 Politika

Fatos Lubonja i përgjigjet Sorecës: Ore, shikon ti çfarë po bën Rama apo jo! Ambasadori i BE sulmohet dhe nga aktorët e aktivistët e PD

19:23 Politika

LETRA: Ilir Meta kthehet në sizmiolog, parashikon tërmete apokaliptike në Ballkan (është serioze)

19:10 Politika

EKSKLUZIVE: Diskutimet e Enverit, Mehmetit dhe Spiro Kolekës në mbledhjen që shënoi dhe prishjen me Kinën. Hysni Kapo: Enver, t’u heqim qendrën e spiunazhit nga Tirana

08:41 Politika