“Në Shqipëri gjeta punë, një rrogë dinjitoze”, Rama nxjerr shkrimin e medias italiane

Kryeministri Rama ka ndarë në Facebook, shkrimin e medias italiane, që tregon rastin e një vajze italiane qe ka gjetur pune siç thotë ajo me pagesë dinjitoze në vendin tonë.

“MIRËMËNGJES — dhe me këtë artikull të medias italiane mbi Shqipërinë dhe shanset që vendi ynë ofron sot për të rinjtë e ëndrrat e tyre, ju uroj një ditë të mbarë –”- shkruan Rama, duke bashkëngjitur shkrimin e medias italiane.

Në Shqipëri gjeta punë dhe jam e pavarur. Një rrogë dinjitoze në Itali, është utopi.

“30-vjeçarja Ida Nastasi në Itali nuk arrinte të gjente një punë që nuk ishte e përkohshme, ndaj vendosi që të shkojë tek i fejuari i saj në Tiranë. Tani punon si edituese për një agjenci web marketing. “Jugu në vendin tim është dëshpërues”, thotë ajo. Ndjej nostalgji për shtëpinë, më pas mendoj se ajo që gjeta këtu, atje nuk do të kishte qenë e mundur”.

“Realiteti në Jug të Italisë është dëshpërues. E sapo diplomuar, mezi prisja që të futesha në botën e punës, kisha entuziazëm dhe dëshirë për të punuar, por edhe frikë. Sepse përveç punëve të rastësishme, nuk kisha pasur kurrë mundësinë të gjeja diçka definitive.”

Kështu, Ida Nastasi, 30-vjeçe, e rritur në provincën e Caserta, por me origjinë nga Torre del Greco, në 2017-n zgjodhi të shkonte tek i fejuari i saj, i cili kishte emigruar për punë në Shqipëri. Dhe atje qëndroi.

“I pari që u përball me situatën depresive të punës në Jug të Italisë ishte pikërisht ai. Në Tiranë, sot jetohet mirë“, thotë ajo duke buzëqeshur.

Herën e parë që u nis drejt Shqipërisë, Ida ishte e emocionuar. “Po shkoja për të parë të fejuarin tim pas disa muajsh”, kujton ajo. Duhet të ishin pushime verore, përpara se të rikthehej në shtëpi në Shtator “më e ingranuar se kurrë”. Por në fakt, Ida u rikthye vetëm për të marrë bagazhet dhe për t’u transferuar.

E thotë me bindje: u detyrua të linte vendin e saj. “Pasi u diplomova kisha nisur të kërkoja punë, por u përballa vetëm me kontrata me kohë të caktuar, stazh apo punë që nuk paguhen”.

Atëherë tentoi rrugën e shkollës: kandidohet për mësuese zëvendësuese të përkohshme në Veri të Italisë. Por asgjë. “Puna e mësueses është vërtetë e pasigurt dhe nëse nuk ke mbështetje ekonomike, është e vështirë. Isha shumë e demotivuar”.

Më pas i erdhi mundësia në Shqipëri. Ida sot punon në një agjenci web marketing, si editore dhe copywriter. “Në Tiranë jetohet mirë. Pjesa më e madhe e shqiptarëve e njeh italishten, e kanë mësuar në shkollë, ose janë rritur duke parë Rai dhe Mediaset”, tregon ajo. Kostoja e jetesës është e ulët dhe ka avantazhe ekonomike të dukshme për një italian.

“Duke nisur që nga çmimi i biletës së autobusit, apo taksisë e cigaret. Fakti që krahu i punës kushton shumë më pak, ndihmuar nga një çmim inferior i punës, përkthehet në çmime të përmbajtura kudo: që nga restorantet tek dentistët, e deri tek estetistja apo shitësit e frutave”. Edhe qiraja e banesave nuk është shqetësim ekonomik. “Gjenden shtëpi të pranueshme, të mobiluara dhe me çmime shumë të mira”.

Dita e Idës nis me një kafe. “Fatmirësisht në shumë lokale kafeja është shumë e mirë, mjafton ta specifikosh që e do të shkurtër”. Dhe pas 10 minutash në autobus është në zyrë. “Në kompjuter nis të shoh testet që më kanë nisur grupet e ndryshme të punës, konsulentët apo kolegët e mi. Korrigjoj përmbajtjen për krijimin e postimeve për mediat sociale dhe fushatat publicitare dhe më pas i dedikohem blogut të agjencisë për të cilin shkruaj çdo javë.

Në të shkuarën kam bërë edhe kurse italishteje dhe komunikimi për konsulentët, duke dhënë vlerësimin për nivelin e gjuhës”, shpjegon ajo. Megjithatë, në disa raste, ndryshimet me Italinë janë të dukshme. “Shoh që ka shumë prapambetje në mënyrën e të menduarit”, tregon Ida. “Jam përshtatur me zakonet lokale me shumë durim, duke hequr dorë nga mendimi sesi jam në Itali, pyetje apo gjëra që këtu e kam të pamundur t’i bëj apo t’i gjej”.

Rikthimi në Itali? “Në vendin tim në këtë moment janë vetëm gjërat e dashura. E shoh me nostalgji dhe më mungon gjithçka që kam jetuar dhe kam dashur deri pak vite më parë. Kur mbushem me nostalgji, mendoj sesi jetoj tani, për pavarësinë time, pazaret që mund të bëj e vetme dhe e di shumë mirë që nuk do të kisha pasur mundësinë të kisha të njëjtat gjëra nëse do të rrija në qytetin tim. Gjithsesi do të isha detyruar që të transferohesha në Veri të Italisë”.

Ida shpjegon pozicionin e saj dhe atë të gjeneratës së saj, me plot qartësi. “Të futesh në botën e punës për të rinj si ne, 28, 29, 30 vjeç është gjithnjë e më e vështirë. Pastaj vijnë 20-vjeçarët që të lenë pas sepse presupozohet se në moshën 30-vjeçare i ke aftësitë dhe kompetencat. Në Itali ka shumë, ndoshta tepër gjëra që duhet të ndryshojnë”.

Si e imagjinon të ardhmen e saj? Shpreson të shkojë pranë familjes së saj dhe të gjejë një punë të qëndrueshme në Itali, me një rrogë dinjitoze që mund t’i lejojë të paguajë qiranë, faturat, e të bëjë pazar. “Ajo që konsiderohet rrogë e denjë, në Itali sot duket utopi”

Spiropali tallet me "sizmiologun" Ilir Meta: Baba Xhike nxirr një dekret e shtyje atë tërmet se na le pa gjumë

09:22 Politika

Sekretari i PS tallet me Metën: Ka habitur kupolën e botës shkencore me aftësitë e tij telepatike, parashikoi tërmetin që do rrafshonte Ballkanin

22:08 Politika

Merr fund ëndrra e Metës si sizmiolog që paralajmëroi ‘tërmetin apokaliptik’, e përgënjeshtroi 'ustai' grek Akis Tselentis: S’kam bërë kurrë një parashikim specifik për tërmet

21:18 Politika

FOTOT/ Lulzim Basha, takim të “mjeruar” në Librazhd. E braktisin militantët e PD, s’mbush dot as tre tavolina në lokal

21:10 Politika

“Çështja e Teatrit Kombëtar u politizua”, ambasadori Soreca reagon pas sulmeve të PD: Përgjigjja ime sot është paraqitur jashtë kontekstit

20:55 Politika

Zgjedhje pa Ramën kryeministër? Lefter Maliqi këshillon Bashën: Lërini lotët e 30 qershorit, guxoni dhe hyni me kokën lart më 13 tetor në zgjedhje

20:16 Politika

Fatos Lubonja i përgjigjet Sorecës: Ore, shikon ti çfarë po bën Rama apo jo! Ambasadori i BE sulmohet dhe nga aktorët e aktivistët e PD

19:23 Politika

LETRA: Ilir Meta kthehet në sizmiolog, parashikon tërmete apokaliptike në Ballkan (është serioze)

19:10 Politika

EKSKLUZIVE: Diskutimet e Enverit, Mehmetit dhe Spiro Kolekës në mbledhjen që shënoi dhe prishjen me Kinën. Hysni Kapo: Enver, t’u heqim qendrën e spiunazhit nga Tirana

08:41 Politika

Gjykata Kushtetuese, “molla e sherrit” mes qeverisë dhe presidentit, brenda dy ditëve është gati

18:39 Politika