Te fundit
Huawei s'pyet për sanksione: Shitjet arrijnë në 118 mln njësi, të ardhurat në rritje me 23%
30 Korrik 2019, 21:30Bota
TEMA
Gjiganti kinez i smartphonave Huawei, deklaroi se të ardhurat në gjysmën e parë të vitit u rritën me 23.2% nga viti i kaluar, pavarësisht sanksioneve amerikane.
Kompania, që ka nisur publikimin e rezultateve tremujore këtë vit, bëri të ditur se të ardhurat në gjysmën e parë të vitit prekën 58.3 miliardë dollarë, ndërkohë që dërgesat e smartphonave arritën në 118 milionë njësi, në rritje me 24%.
Zinxhiri i furnizimit të Huawei u ndërpre gjatë vendosjes në listën e zezë nga Washingtoni në mes të muajit Maj. Qeveria amerikane dyshon se pajisjet e kompanisë mund të përdoren nga Pekini për motive të spiunimit, diçka që Huawei e ka mohuar.
Kompanisë i është dhënë një përjashtim 3 mujor deri më 19 Gusht dhe presidenti amerikan Donald Trump ka thënë se do të lehtësojë sanksionet.
Kryetari i bordit të Huawei, Ling Hua tha se pavarësisht hyrjes në listën e zezë, rritja e kompanisë ka qenë e fortë. Analistët thonë se shitjet e mëdha të telefonave brenda vendit dhe kontratat e reja 5G kanë kompensuar ndikimin e sanksioneve, që kërcënon ndërprerjen e disa komponentëve amerikanë dhe shërbimeve të Google. Deri më tani, kompania ka siguruar 50 kontrata 5G në mbi 30 shtete.
Lini një Përgjigje
Më të lexuarat
24 oret e fundit
Javen e fundit
Blog Tema
