Te fundit
SPAK po vjen, por kur? Pas filtrimit të parë, 15 prokurorët i pret edhe vetting-u
20 Gusht 2019, 16:55Kronika
TEMA
Shtatori pritet të kalojë në proces vetting-u 15 kandidatët e SPAK. Të përzgjedhurit e Këshillit të Lartë të Prokurorisë, si më të mirët në garën e hapur për Prokurorinë e Posaçme, do t’u duhet të fitojnë një tjetër betejë: ketë herë me gjykatësit e vetting-ut.
Pjesës më e madhe të tyre do t’u duhet të kalojnë të dy shkallët e vetting-ut, ndërsa një numër i vogël mbetet për t’u konfirmuar në Kolegjin e Apelimit.
Lista me emrat e kandidatëve të shpallur nga Këshilli i Lartë i Prokurorisë i është dorëzuar dy shkallëve të vetting-ut, duke qenë dhe prioritare.
Kështu, ngritja e SPAK nuk do të mbahet peng i procesit të verifikimit të karrierës dhe pasurisë së gjithsecilit prej kandidatëve. Pjesë e këtij “verifikimi” do të jenë karriera, pasuria dhe morali i kandidatëve.
OPDAT dhe Euralius janë dy organizmat amerikane dhe europiane që asistojnë procesin nga nisja e tij deri në konstituimin e institucioneve të reja të drejtësisë.
Në filtrin e tyre ka kaluar jo vetëm karriera, por çdo e dhënë mbi lidhjet e tyre me dosje konkrete dhe për fatin e hetimeve ende në proces ku janë përfshirë edhe politikanë.
Kjo e ka bërë më të thjeshtë punën e Këshillit të lartë të Prokurorisë në për zgjedhjen e 15 kandidatëve për Prokurorinë e Posaçme kundër korrupsionit dhe krimit të organizuar, por duket të jetë një ndihmë e mirë edhe për vetë organet e vetting-ut.
Pas ndryshimeve kushtetuese që morën 140 votat e deputetëve, ligji për SPAK është i vetmi ndër ligjet zbatuese të reformës në drejtësi që mori dhe votat e Partisë Demokratike, pasi OPDAT-i amerikan mori parasysh vërejtjet mbi draftin e tij.
Shtetet e Bashkuara janë veçanërisht të angazhuara jo vetëm me mbështetje profesionale, por edhe financiare, mbi këtë strukturë që e krahasojnë me FBI-në, Byronë Federale të Hetimit.
2 komente në “SPAK po vjen, por kur? Pas filtrimit të parë, 15 prokurorët i pret edhe vetting-u”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Drejtesine , SPAK -un , ne vendin tone po e bejne amerikanet dhe populli shqiptar e vlereson dhe eshte shume mirenjohes.
Presim qe te paret qe do japin llogari para ligjit dhe para popullit shqiptar, te jene kreret e politikes qe padyshim i kane me zë dhe figure vjedhjet , krimet dhe abuzimet qe kane bere nder vite ne kurriz te popullit. Asnje meshire per kriminelet.
Kur do filloje pune???????