Te fundit
Manjani: Gjykata nuk ka prova për ta dënuar Tahirin. Akuza për shpërdorim detyre është qesharake dhe duhet të bjerë
20 Shtator 2019, 11:42Kronika
TEMA
Ish-ministri i Drejtësisë, Ylli Manjani, ka folur në një lidhje telefonike për “News24” për vendimin e Gjykatës së Krimeve të Rënda ndaj ish-ministrit të Brendshëm, Saimir Tahiri.
Ish-ministri Manjani tha se Saimir Tahiri si individ duhet ta gëzojë pafajësinë, pasi gjykata nuk kishte prova për ta dënuar, duke shtuar se akuza për shpërdorim detyre është qesharake dhe duhet të bjerë.
Si e cilësoni vendimin e gjykatës?
Është vendim gjykate, s’kam çfarë t’i them unë. Nuk kam pas një surprizë për këtë vendim. Është një gjë jo e papritur nga ana ime. Tahiri duhet kritikuar dhe rëndë madje, sepse në kohën që ishte ministër në Shqipëri lulëzoi fenomeni më i keq i mundshëm, kanabizimi. Unë nuk e di nëse atë e ka Saimiri në kurriz, e ka Rama apo gjithë Rilindja. Por, duhet të ndajmë veprimtarin e ministrit nga shtetasi Saimir Tahiri. Pasi shtetasi Saimir Tahiri duhet të gëzojë pafajësinë, pasi askush nuk mund të dënohet pa prova. Edhe akuza për shpërdorim detyre duhet të bjerë. Unë nuk pres nga gjykata që të bëjë politikë.
Akuzat ndaj Tahirit …
Është një farsë, idiotësi të akuzohet shtetasi Saimir Tahiri për grup i strukturuar kriminal. Duhet të ndajmë veprimtarinë politike të Tahirit nga të drejtat e tij si qytetar. Ka shumë çështje të tilla, që duhen gjykuar. Problemi në Shqipëri është i sistemit, sistemi ka gropa, vrima, që nuk i ka mbyllur, por i ka thelluar. Ky është problemi më i madh. Është një çmenduri që jeton këtu, ulet këmbëkryq. Po shkojmë drejt drejtësisë së Enver Hoxhës, turp.
Pse trupa gjyqësore ndenji kaq gjatë e mbledhur, do e kalojë Vettingun?
Ata gjyqtarë janë njerëz prej mishi e kocke, jetojnë në një presion të paparë ndonjëherë, presion politik, presion ndërkombëtar. Është një presion i jashtëzakonshëm, një situatë që nuk ja uron as armikut. Ata kanë familje, jetën e tyre për të drejtuar.
Vendimi, zgjidhje për t’i bërë qejfin të gjithëve?
Nuk e di këtë gjë. Akuzat e ngritura qartësisht nuk ishin të provuara dhe gjykata e ka provuar këtë. Në Shqipëri secili duhet të mbrojë veten, se shteti nuk të mbron.
Gjyqtarët që vendosën për Tahirin do e kalojnë Vettingun?
Këtë fall nuk e shti dot nuk besoj se Vettingu ka krijuar një standard demokratik.
1 komente në “Manjani: Gjykata nuk ka prova për ta dënuar Tahirin. Akuza për shpërdorim detyre është qesharake dhe duhet të bjerë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Tahiri nuk besoj kurre se ka pasur lidhje me kanabizimin apo te inkriminuar direkt…por ai si shefi i madh futi nje metodologji drejtimi anti administrim…kudo ku pati mundesi si tatime,etj e coi Shqiperine ne aspektin profesional ne nivelin e administrimit te viteve 20…..vetem femije ne drejtim me zero pervoje drejtimi…pasojat po duket