Ambasada gjermane në Tiranë ka reaguar pas serive të tërmeteve që kanë përfshirë vendin tonë.
Në një shënim në faqen e saj zyrtare ambasada bën me dije se “mendimet tona shkojnë tek gjithë shqiptaret dhe shqiptarët të cilët janë lënduar ose shtëpitë e të cilëve janë dëmtuar rëndë”.
“?? Tërmetet e fundjavës na tronditën gjithashtu ne dhe ambasadën tonë. ⚠️
Mendimet tona shkojnë tek gjithë shqiptaret dhe shqiptarët të cilët janë lënduar ose shtëpitë e të cilëve janë dëmtuar rëndë.
Shpresojmë që të gjithë ta kalojnë shpejt këtë tronditje dhe pasojat e tij. ?”- shkruan ambasada gjermane në vendin tonë, teksa publikon foton nga godina e saj e cila është plasaritur nga tërmeti. (TemA)