Te fundit
FOTOT: Inteligjenca artificiale rikthen veprat e humbura të Van Gogut dhe Pikasos
1 Tetor 2019, 14:57Lifestyle
TEMA
Vizatime të Van Gogh-ut dhe një pikturë “e fshehur” e Picasso-s kanë dalë në dritë falë inteligjencës artificiale dhe teknikave të reja kompjuterike. Vizatimet e Van Gogh, tani të zbardhura dhe të fshira në disa vende, janë zbuluar falë studimit të kryer nga Universiteti Teknik holandez Delft dhe janë botuar në revistën “Machine Vision dhe Applications”. Ndërsa për zbulimin e nudos që mban firmën e Pikasos, merita i takon Kolegjit Universitar në Londër. Piktura e një gruaje nudo ishte e fshehur nën një nga veprat e tij të famshme të periudhës blu të artistit, “Kitaristi i vjetër i verbër”, botuar në Arxiv.
Vitet e fundit, teknikat e të mësuarit të makinerive janë vënë në zbatim për analizën e veprave të artit, por deri më tani këto mjete janë përdorur kryesisht për të zbuluar falsifikimet. Të dy grupet kërkimore tani kanë dashur të përdorin inteligjencën artificiale për të rindërtuar pikturat e dëmtuara ose të humbura.
Algoritmi është trajnuar për të njohur dhe studiuar stilin e artistëve duke vëzhguar riprodhimet e vizatimeve origjinale nga Van Gogh të ruajtura në Muzeun Van Gogh në Amsterdam dhe më pas u përdor për të rindërtuar pikturat më të dëmtuara.
Anthony Bourached dhe George Cann, nga University College London, kanë kërkuar pikturën e humbur të Picasso-s: një grua e ulur që shtrin krahun e saj të majtë. Ajo u zbulua në vitet 1990 falë skanimit me rreze X dhe tani inteligjencës artificiale, ajo është arritur të rindërtohet. (TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
