Te fundit
Kupa Shqipërisë/ Kukësi triumfon me goleadë, fitojnë dhe Partizani me Luftëtarin
1 Tetor 2019, 16:04Sport
TEMA
Kupa e Shqipërisë u rikthye sot me disa nga ndeshjet e kthimit, aty ku Partizani i grupit A ka arritur të fitojë me rezultatin e ngushtë 1-0 përballë Vorës.
Të kuqtë që fituan derbin vetëm pak ditë më parë, aktivizuan në këtë takim të rinjtë, të cilët nuk kishin hapësira në derbi ndërkohë që edhe Telushi ishte titullar duke shënuar golin e fitores.
Ndërkohë, në Grupin B, Kukësi ka shkatërruar me rezultatin e thellë 6-0 Shkumbinin.
Këtë takim, ka shkëlqyer sulmuesi Marko Van Basten Çema i cili ka arritur të shënojë plot 3 gola, teksa kanë shënuar edhe Domi, Daku e Rasha. Ndeshja e parë, ishte mbyllur me fitoren e Kukësit, 1-3.
Luftëtari ka arritur të fitojë edhe ndeshjen e dytë ndaj Turbinës me rezultatin 2-1 teksa kanë vendosur golat e shënuar nga Rapo dhe Vyent.
Pjesa e dytë nisi me vonesë duke qenë se Turbina refuzoi të hynte në fushë për shkak të një penalltie të akorduar.
U luajtën:
Partizani – Vora 1-0
Shënues: 69′ Telushi (p)
Kukësi – Shkumbini 6-0
Shënues: 11′ Domi, 20′, 38′, 90′ Çema (p), 33′ Daku, 79′ Rasha
Luftëtari – Turbina 2-1
Shënuse: 42′ Rapo (p), 49′ Vyent / 67′ Peqini
Lini një Përgjigje
Më të lexuarat
24 oret e fundit
Javen e fundit
Blog Tema
