Pas parashikimit të tërmetit, shakaja e një 13 vjeçareje nxjerr bllof mediat

Katër orë pas denoncimit të një familjeje në Tiranë për rrëmbimin e vajzës së tyre 13 vjeçare, vajza u gjet sot nga Policia e Shtetit duke pirë pije freskuese pranë një qendre tregtare. Vetë vajza thuhet të ketë deklaruar se ky inskenim rrëmbimi ishte një formë shakaje për prindërit “që nuk e linin të dilte”.

Përpos shqetësimit të kuptueshëm të prindërve të saj, në ankth për fatin e vajzës së vet, kjo histori futi në kurthin e prodhimit të shpejtë dhe shpërndarjes së menjëhershme të histerisë publike, vetë mediat tona.

Prej momenteve të para të raportimit, ende kur lajmi ishte i paplotë dhe rrethanat e këtij rrëmbimi ishin të paqarta, disa media, turravrapi tentuan që me ngjarjen të ngjiznin një histori histerie e pasigurie, frike dhe krimi që sipas tyre po cënonte kryeqytetin.

Ende pa ditur detajet e ngjarjes dhe pa dëgjuar versionin zyrtar të policisë së shtetit për ngjarjen, disa media nxituan me zakonin e kahershëm që kanë, të prodhojnë me doemos panik nga fatkeqësitë, njerëzore a natyrore qofshin këto dhe me patjetër të përhapnin histerinë kolektive se ky vend është i pasigurt, i pambrojtur, pa rend e pa ligj.

Ditë më parë, ishte sajimi i një lajmi të rremë mbi tërmetin që do të godiste vendin, ai që zbuloi përveçse mungesës së arsyes në disa nga mediat tona, edhe mungesën e përgjegjshmërisë së tyre profesionale në raport me ndjeshmërinë e publikut.

Ndërsa sot, duke u përpjekur të luajnë në mënyrë të paprinciptë, me emocionet e njerëzve, mediat ranë në grackën e imagjinatës së një 13 vjeçareje, rasti i së cilës duhet të jetë një shuplakë leksioni për këdo që kërkon të shesë panik, vetëm me një klik!

Nis puna për ndërtimin e ujësjellësit të Prrenjasit dhe Librazhdit, Balla: Projekti 7 milionë euro mbështetet nga qeveria gjermane, përmes KFW

19:35 Sociale

Infermierja shqiptare, heroina që shpëtoi dy jetë në avion dhe tramvaj

17:49 Sociale

Nisin punimet për ndërtimin e maternitetit të ri në Lezhë, ministrja: 3.2 milion USD investime

13:37 Sociale

SKANDALI: TV Klan nuk mbyll sinjalin në analog, edhe pse mori 100 mijë euro për reklamë. TV kryesore në vend, letër proteste AMA-s

11:39 Sociale

Ndotja mjedisore apo ushqimet, kush është shkaku i adoleshencës së parakohshme

09:15 Sociale

Rama mbledh të pasurit e Shqipërisë: Të krijojmë fondin për të ndihmuar të varfrit

19:27 Sociale

Çuçi hedh rasatët e parë të koranit në Liqenin e Ohrit: Sasia më e madhe e prodhuar ndonjëherë në Shqipëri, vitin tjetër ndërtojmë molet për peshkatarët

12:28 Sociale

Julian Deda: Duan të na heqin bukën e gojës, ose do bëhemi bashkëpunëtorë, ose do luftojmë si revolucionarë kundër Ramës

10:45 Sociale

Surprizat e motit: Reshje të dendura dhe stuhi, ja prashikimi për sot

10:15 Sociale

"Lotaria Amerikane", Ambasada e SHBA: Udhëzimet dhe këshilla e parë

10:06 Sociale