Te fundit
Zemërata kundër nobelistit të ri, Robelli: Jeni pak të vonuar, si shoqëri nuk kemi kujtesë të zhvilluar dhe as sens për reagim në çastet e duhura
10 Tetor 2019, 18:19Kulturë
TEMA
Gazetari Enver Robelli ka komentuar reagimet e shumta lidhur me fituesin e çmimit Nobël në letërsi Peter Handke.
Përmes një postimi në rrjetin social Facebook, ai gjykon se zemërimi i sotëm i shqiptarëve është i vonuar.
Për këtë, Robelli shkruan:
“Sot gati të gjithë në botën tonë të vogël janë të zemëruar që Peter Handke e mori Çmimin Nobel.
Për jo pak prej të zemëruarve vlen pyetja: e ku keni qenë në maj 2008? Atëherë kur në Kosovë erdhi Peter Handke dhe qëndroi me ditë të tëra në Hoçë të Rahovecit, në «Kosovën serbe», siç shkruan(te).
Shqiptarët, viktimat e shkaktuara nga regjimi serb – nuk ekzistojnë në veprën e Peter Handkes. Askush nuk bëri zë atëherë. Kishte mundësi: t’i ndalohej hyrja krejt në Kosovë, t’i bëhej një ofertë për dialog edhe me shqiptarë apo të kishte protesta qoftë edhe simbolike kundër udhëtimit të tij propagandistik.
Ndoshta shumëkush tek tani e kupton që më 2008 Kosovën e paskësh “nderuar” me një vizitë argati i Sllobodan Millosheviqit.
Për fat të keq, si shoqëri nuk kemi kujtesë të zhvilluar, as sens për reagim në çastet e duhura. Nuk kemi as institucione shtetërore, e as opinion të gjerë kritik e të vëmendshëm publik për të reaguar kur ndodh diçka.Zemërimi i sotëm është pak i vonshëm…”, nënvizon Robelli.
Peter Handke është fituesi i çmimit Nobel në Letërsi, por 77-vjeçari austriak nuk është shumë i dashur për shqiptarët, pasi ka qenë një mbështetës i madh i ish-Jugosllavisë dhe ish-liderit të saj Millosheviç. (TemA)
3 komente në “Zemërata kundër nobelistit të ri, Robelli: Jeni pak të vonuar, si shoqëri nuk kemi kujtesë të zhvilluar dhe as sens për reagim në çastet e duhura”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me kete shtojce,injoron ate qe eshte nje manifest!Ate qe nuk eshte bere;ta bejme tani,
Z.Enver Robelli
Nga dhe si e nxorri ti kete se “s’kemi sens reagimi”?!
Populli merret me ato gjera qe u servirni ju…kaq e thjeshte!
Per kujtesat dhe per reagimet…eshte nje elite ose ne shtetet me “shtet” eshte nje kryesi kombetare qe merret me ” ku kullot populli”.
E thene ndryshe…eshte elita dhe kryesia qe merret me opinio – berjen e mazes dhe formimin popullor.
Ti,elita,gazetaria ku jeni?????
Perpara se te mburreni me shoket ose shani ndermjet shokeve te tjeret…beni nje mundim dhe informojeni popullin( qofte dhe propagande)
ti ku ishe?