Te fundit
Berlini “ngrin” qiratë për 5 vite!: Përpiqet të ndalojë “fryrjen” e çmimeve
22 Tetor 2019, 11:03Ekonomia
TEMA
Partitë qeverisëse të Berlinit arritën në marrëveshje për të ngrirë qiratë në kryeqytetin gjerman për 5 vite, që është një nga planet më agresive për të ndaluar rritjen e çmimeve.
Lëvizjet e kryeqytetit gjerman kanë tërhequr interes në shumë qytete si Amsterdami dhe New Yorku. Ndërkohë që grupet e qiramarrësve bënin thirrje për 6 vite, qytete të tjera gjermane shqetësohen se këto vendime mund të frenojnë ndërtimin e shtëpive të reja.
Marrëveshja mes Social Demokratëve, të Gjelbërve dhe partisë së Majtë, krijon mundësinë që organi ligjvënës i qytetit të miratojë masën këtë javë, masë që do të hyjë në fuqi në tremujorin e parë 2020. “Po provojmë diçka tërësisht të re.
Ndërsa të tjerët flasin për këtë, ne po e bëjmë!”, tha kryebashkiaku i Berlinit, Michael Mueller. Kjo lëvizje synon të ulë barrën e qiramarrësve, pasi “boom-i” i ndërtimit në dekadën e fundit ka sjellë dyfishimin e çmimeve.
Fushata të tjera po detyrojnë Qeverinë e Berlinit që të shpronësojë pronarët e mëdhenj. Një nga humbësit më të mëdhenj ka qenë Deutsche Wohnen, zotëruesi më i madh i apartamenteve në Berlin.
Kompania ka humbur rreth 20% të vlerës në treg që kur u lajmërua plani i ngrirjes së qirave në Qershor. Vetëm në ditën e Hënë, aksionet ranë me 5%. Vonovia, që është kompania më e madhe e pronave në Gjermani, humbi 2%. Berlini nuk është qyteti i vetëm që po përballet me mungesë të strehimit të përballueshëm.
Qeveria spanjolle vendosi një tavan në rritjen e çmimit të qirave më herët gjatë vitit, ndërsa New Yorku fitoi të drejtën e mbrojtjes së qirave nga demokratët. Berlini do të lejojë pronarët që të vendosin një rritje vjetore të çmimit për t’u mbrojtur nga inflacioni në 1.3% nga viti 2022 dhe do lejojë qiramarrësit që paguajnë çmime të fryra që të përfitojnë një ulje sipas kushteve të caktuara.
Lini një Përgjigje
Më të lexuarat
24 oret e fundit
Javen e fundit
Blog Tema
