OSHEE bën sqarim mbi rastin “Neranxi” që nuk pranon instalimin matësit inteligjent

Operatori i Shpërndarjes së Energjisë Elektrike ka bërë një sqarim sa i përket çështjes “Neranxi” ku kompania refuzon të instalojë matësin inteligjent.

Ndër të tjera OSHEE sqaron:

“Në kuadër të strategjisë për Sistemin e Matjes, rritjes së cilësisë së faturimit dhe shërbimit ndaj abonentit, OSHEE po investon në instalimin e matësave elektronikë smart në zonat Kashar dhe Vorë (Tiranë).

Sipas projektit, matësit inteligjent po instalohen përgjatë gjithë zinxhirit të rrjetit elektrik 20kV, nga N/stacioni Kashar, tek 180 kabinat dhe deri te 3500 abonentët që furnizohen nga dy fiderat F7 dhe F8.

Pothuajse të gjithë matësit janë instaluar tek 2500 abonentët familjarë dhe rreth 1030 subjektet private, përmes një procesi normal, bazuar mbi ligjin, VKM-në, rregullores përkatëse dhe kontratës së furnizimit me energji elektrike.

Nisur nga reagimet e bëra publike në media dhe rrjete sociale, ku subjekti “Neranxi” nuk pranon t’i ndërrohet matësi aktual me atë elektronik smart, me pretendimin se “nevojitet shkresë zyrtare” apo se “kërkon të mbajë pajisjen e vjetër aktuale”, OSHEE sqaron se:

· Subjekti është njoftuar me shkresë më 11 tetor nga Drejtoria Rajonale Tiranë, ku vihet në dijeni mbi urdhrin e punës dhe qëllimin e zëvendësimit të matësit brenda në kabinë, së bashku me listën e punonjësve për realizimin e procesit.
· Pavarësisht njoftimit, kemi hasur vështirësi në ushtrimin e detyrës tek ky abonent pasi nuk na lejon hyrjen në objekt (kabinë) për të realizuar zëvendësimin e matësit.

· Subjekti është sqaruar sërish, me hollësi rreth procesit, referuar kthimit të përgjigjes dt 16/10/2019 ndaj shkresës së parë të OSHEE, por edhe në tentativën e dytë, kësaj here në prani të policisë së shtetit, nuk ka lejuar demontimin e matësit, edhe pse pajisja është pronë e OSHEE.

· “Neranxi” është sqaruar gjithashtu se mund të instalojë privatisht një sistem matjeje për qëllime vetjake të subjektit, por kurrsesi të mbajë matësin aktual, pasi objekti i investimit është që i gjithë rrjeti elektrik që përshkon fiderat duhet të matet me pajisje elektronike smart, me synim monitorimin online dhe realizimin e një “fotografie” sa më të saktë të të dhënave.

Avantazhet e matësave smart janë të përbashkëta, OSHEE-Klient, pasi saktëson marrjen e informacionit të përdorimit të energjisë dhe faturimit, rrit cilësinë e shërbimit dhe ul humbjet, mundëson automatizim të parashikimit të konsumit, etj.

Duke besuar se subjekti nuk i fshihet transparencës, i bëjmë sërish thirrje të mos pengojë punonjësit e autorizuar dhe t’i hapë rrugë procesit të instalimit të matësit elektronik, sikurse kanë vepruar të gjithë subjektet private të përfshira në investimin e OSHEE”, nënvizon OSHEE.

Ministri Çuçi te bletërritësi në Zadrimë: Javën e ardhshme nënshkruajmë protokollin me Kinën për t’i hapur rrugën eksportit të mjaltit shqiptar

12:33 Sociale

FOTOT: Në Manzë, aty ku shqiptarët bashkëjetojnë të ndarë me muxhahedinët iranianë

09:31 Sociale

Dy “gazetarët” që iu lëpinë Berishës: Nuk jemi by**ëlëpirës, po Berisha është tornado, na zbaviti dhe kënaqi

17:16 Sociale

Veliaj: S’ka iluzione, teatri i ri do bëhet. Nga një zgëqe do marrim një teatër që vlen minimalisht 30 mln euro

14:00 Sociale

Skandali / Gjyqtari mbron interesin e shoqatës së transportit në dëm të qytetarëve, reagon Veliaj: S’ka hipur ndonjëherë në autobus. Do e denoncoj te vettingu

13:13 Sociale

Nis takimi i Forumit “17 + 1” , Veliaj: Tirana është transformuar në mënyrë të jashtëzakonshme, ka rritjen më të madhe ekonomike në rajon

10:34 Sociale

Veliaj: Minoranca e zhurmshme nuk do të ndalë projektet për Tiranën. Ja plani ynë për autobusët elektrikë

11:34 Sociale

Linda Rei, Silvana Bushati, Kujtim Gjuzi, Artur Zheji: Perla e mbrëmjes

10:47 Sociale

FOTOT/ Tirana pret takimin më të madh të inovacionit në Ballkan “INN Fest 2019”, Veliaj: Piramida streha e teknologjisë që do trajnojmë deri në 5 mijë fëmijë e të rinj në vit

15:30 Sociale

Bashkia e Tiranës marrëveshje me Spitalin Amerikan, Veliaj: Karta e Studentit, më shumë shërbime falas ose me çmime të ulëta

14:05 Sociale