Pikëpyetjet: Çfarë u fsheh me anulimin e vizitës misterioze të Bashës në SHBA

Gati një javë më parë, ditën e dielë, kreu i Partisë Demokratike, Lulzim Basha anulloi vizitën e tij për në Shtetet e Bashkuara të Amerikës.

Një vizitë e paralajmëruar jo vetëm nga mediat pranë tij, por edhe nga zyra e tij e shtypit, e cila njoftoi ditën e shtunë, se të nesërmen Lulzim Basha do të nisej për një vizitë në SHBA, ku do të zhvillonte disa takime me kongresmenë dhe senator.

Basha do të nisej për SHBA të dielen, pasi ndodhej në Berlin dhe më pas kishte një axhendë tjetër në SHBA për disa takime, ku me shumë gjasa Basha pritej të shkonte të saqrojë edhe qëndrimet e tij në lidhje me hetimet e FBI, për financimet ruse mbi një million dollarë, për lobimet e PD-së në administratën e presidentit Trump.

Por, çfarë ka ndodhur në të vërtetë? Pse u anullua kjo vizitë?

Mediat raportuan se ishte Basha ai që e anulloi për shkak të refuzimit të hapjes së negociatave me Shqipërinë për anëtarësimin në BE dhe një situatë e tillë politike e detyronte atë në kryeqytet për të pasur një axhendë më të fortë politike dhe një lëvizje më të shpejtë. Por, ka kaluar gati një javë dhe gjithçka ka treguar se qëndrimi i Bashës në Tiranë ka qënë i kotë.

Ai ka bërë vetëm një dalje publike, ka ikur sërish jashtë, axhenda nuk ka qënë aspak e shpejtë dhe nuk ka pasur asnjë lëvizje të fortë nga ana e kreut të opozitës. Thjeshtë dhe vetëm një takim të radhës me OSBE-në, ku opozita ka bërë hapa pas në qëndrimet e saj.

Ajo që në fakt ka ndodhur me Lulzim Bashën ka disa pikëpyetje.

Së pari, pyetjet lindin nga qëndrimet e mbajtura sepse vizita ishte zyrtare, në kuptimin e asaj që ishte thënë nga zyra e shtypit. Ishte njoftuar se do të kishte një axhendë zyrtare, por a mundet që Lulzim Basha, kryetari i një partie opozitare në një vend si Shqipëria të kancelojë axhenden e takimeve me senator dhe kongresmenë në SHBA?

Kjo pyetje të çon tek një pyetje tjetër. A mund të jetë kaq i zoti dhe të ketë shpenzuar kaq shumë para për axhenda të tilla dhe më pas t’i anullojë Lulzim Basha?

Por, kjo nuk ka të bëjë aspak as me zotësinë dhe as më grupet lobiste që ai ka në SHBA. Duhet të ketë të bëjë me diçka tjetër që shkon përtej një kancelimi. Duhet të ketë dicka më madhore që ka penguar Lulzim Bashën të shkojë drejt SHBA-ve.

Pra, nuk ka të bëjë me një kancelim nga dëshira e tij, apo nuk ka të bëjë aspak siç thamë më lart se BE refuzoi negociatat me Shqipërinë dhe Luli duhet të ishte në Tiranë për një axhendë të më të fortë politike.

Pyetjet që ngrihen janë disa. Së pari, e ka marrë vizën për në SHBA Lulzim Basha?

A mund të ketë pasur një refuzim nga Ambasada e SHBA në Tiranë për Lulin për të dhënë një vizë?

Me rregullat e reja të administratës Trump, personat që marrin viza në pasaportat e tyre diplomatike, të cilën Basha e ka në dorë si kryetar i opozitës duhet të dorëzojë një ftesë zyrtare.

Pra, me rregullat e reja, duhet patjetër që ftesa zyrtare t’i atashohet pasaportës, për të marrë më pas vizën. Nuk dihet nëse i është dhënë viza apo jo Lulzim Bashës, pasi nuk dihet nëse ka pasur një ftesë zyrtare apo gjithçka ka ardhur si pasojë e një lobimi.

Nga ana tjetër, që të shkojë me një vizë të zakonshme, pra që të shkojë jo me pasaportë diplomatike, por si një qytetar i thjeshtë, duhet të ketë një tjetër axhendë. Gjë të cilen, Lulzim Basha nuk e tha. Por, zyra e shtypit, nëpërmjet mediave pranë saj, tha se kishte një axhendë tjetër.

Nga ana tjetër nuk ka publikisht asnjë qëndrim, por vetëm një heshtje varri nga selia e Republikës së re në lidhje me anullimin e vizitës së Lulzim Bashës.

A mos vallë ambasada e SHBA nuk i ka dhën vizë Lulit?

Nga ana tjetër, CNA.al ka mësuar se kreu i PD-së po lufton që të gjejë një tjetër ftesë zyrtare, pasi herën e parë ajo ndoshta ka qënë e munguar.

Pritet që të lobojë fort që të marrë një ftesë të ofruar disa muaj më parë nga ish-kryeministri kanadez, për në SHBA pasi atje zhvillohet një takim zyrtar i partive të djathta, e cila është në datën 6 dhjetor.

Ndoshta për tetorin Basha nuk mori vizë. Nuk kishte një ftesë zyrtare. Nuk kishte një axhendë të qartë dhe ambasada me shumë gjasa mund, po e theksojmë edhe një herë mund ti ketë refuzuar vizën. Pasi që Luli të anullojë vizitën në SHBA dhe takimet me senatorë e kongresmenë për çështjen e negociatave të Shqipërisë është totalisht e pabesueshme.

Ashtu siç duket totalisht e pabesueshme edhe që Luli të ketë anulluar vizitën në SHBA për shkak të një tjetër axhende në Tiranë.

Prandaj e gjithë kjo heshtje në PD dhe asnjë sqarim nga selia e Republikës së re tregon qartësisht se ka pasur një faktor madhor, refuzimi i vizës ose mos përmbushja e axhendës.

Tani të presim që Luli të japë përgjigjen apo gënjeshtren e radhës, në lidhje me faktin se pse “anulloi” vizitën e tij në SHBA.(CNA.al)

Ramush Haradinaj i përgjigjet Ramës me një vajzë: Na erdhi në tavolinë pa e ftuar njeri me mbathje atraktive

16:07 Politika

Taulant Balla: Keqardhje për qëndrimin destruktiv të PD ndaj Komisionit të Posaçëm të Reformës Zgjedhore, kanë dalë hapur kundër detyrave të vendosura nga Bundestag

15:18 Politika

Damian Gjiknuri: Sekreti i errët se përse Berisha ra në 2013-ën

15:16 Politika

Spiropali flet në Samitin e Paqes: Integrimi proces i zhvillimit të brendshëm, ndryshimi në vend i dukshëm dhe rrënjësor

14:09 Politika

Negociatat/ Meta: Të gjitha forcat politike të reflektojnë mbi platformën e Bundestagut, duket konsensus

13:23 Politika

FOTOT/ Basha deklaroi se së shpejti do të bëhet kryeministër, ja pretendentët kryesorë për t'u bërë ministra

11:34 Politika

E vërteta për "motrën e Gjushit", nga një ish PD-ist

11:10 Politika

Lulzim Basha: Të gjitha sondazhet e nxjerrin PD forcë të parë politike në vend, shumë shpejt bëhem kryeministër

10:46 Politika

Albin Kurti mesazh nga Tirana: Ndjehem si në shtëpi, me Ramën duam të ndërtojmë sa më shumë ura bashkëpunimi. Ja çfarë diskutuam

10:31 Politika

Sali Berisha: Unë kalitem çdo ditë, ngjitem deri në katin e 4-t më këmbë. Gjumin e darkës e bëj top. Arjan Çani: Thonë se ke manipuluar moshën

09:54 Politika