"S'jam naiv të pres dorëheqjen e Ramës", Meta: Nëse zgjedhjet do mbaheshin më 13 tetor do kishim shanse të merrnim negociatat. "JO"-ja për Maqedoninë ishte padrejtësi e madhe

Në një intervistë  për ‘News24’  presidenti Ilir Meta komenton për herë të parë refuzimin e hapjes së negociatave Shqipëri-BE.

Gjatë intervistës Meta u shpreh se do të ishte naive të prisnim dorëheqjen e kryeministrit, që po të kishte treguar 1% të përgjegjshmërisë së homologut maqedonas, sipas tij, sot negociatat do të ishin çelur.

Për Metën nëse zgjedhjet vendore do mbaheshin në 13 tetor do kishim shanse të merrnim negociatat.

Më tej presidenti tha se zgjidhja e krizës që po përjeton Shqipëria, është tek zbatimi i kushteve të vendosura nga Bundestagu gjerman.

Zoti President, Këshilli Europian mori vendimin për refuzimin e çeljes së negociatave të Shqipërisë me Bashkimin Europian. A ishte i pritshëm ky vendim, për ju si President, pasi në një farë mënyre e kishit parashikuar me zhvillimet që ka pasur Shqipëria gjatë këtij viti, dhe cilat mendoni se do të jenë pasojat e këtij vendimi për Shqipërinë, por edhe për rajonin në përgjithësi?

Qëndrimet e mia në tërësi kanë qenë mjaft të qarta dhe përpjekjet e mia tepër të vendosura dhe sistematike, në veçanti gjatë muajve maj, qershor, korrik, madje edhe në gusht, për të evituar një vendimmarrje të tillë.

Kam kërkuar në mënyrë të vazhdueshme nga të dyja palët, në mënyrë të veçantë nga qeveria, për të reflektuar, me qëllim në radhë të parë organizimin e zgjedhjeve gjithëpërfshirëse më 13 tetor, por edhe për çështje të tjera që do të përmirësonin shanset e Shqipërisë për të marrë një dritë jeshile më 18 tetor. Kam qenë kaq i qartë për këtë çështje, aq sa në rast se nuk do të ndodhte kjo që ndodhi, premtova dhe një dekoratë, apo jo!

Normalisht nuk ke pse i premton dekoratë askujt, nga drejtuesit e një vendi, të cilët e kanë për detyrë që të punojnë për një objektiv kombëtar sikurse është dhe integrimi europian i vendit, sepse kjo është pjesë e detyrë së përditshme.

Në vlerësimin tim një vendimmarrje pozitive për shkak të rrethanave të brendshme të shtuara negative, përkeqësuese, në raport të paktën me një vit më parë, ishte evidente që një vendimmarrje pozitive do të ishte jashtë gjithë historikut si ka funksionuar vendimmarrja në Bashkimin Europian.

Vendimi për mua ishte në përgjithësi i pritshëm, pavarësisht se do dëshiroja që vendet të cilat kushtëzuan këtë vendimmarrje në fund fare të kishin ndjekur shembullin e Gjermanisë, të Bundestagut, që për herë të parë në historinë e tij bëri një invencion, një shpikje në një qëndrim i cili është mjaft i komplikuar, por në tërësi është një qasje konstruktive për të dhënë një dritë jeshile. Por duke bërë të qartë të gjitha kushtet që nuk janë plotësuar deri tani e që do të duhen të plotësohen derisa realisht të fillojnë negociatat e Shqipërisë me Bashkimin Europian.

Refuzimi ishte edhe për Maqedoninë e Veriut, dhe reagimi i dy kryeministrave ishte i ndryshëm. Kryeministri i Maqedonisë së Veriut ka shpallur zgjedhje të parakohshëm, ndërsa kryeministri i Shqipërisë thotë se “nuk ka ndonjë përgjegjësi dhe zgjedhjet do të jenë në vitin 2021. A prisni ju një dorëheqje të tij si një reflektim?

Nëse do të prisnim një reflektim nga kryeministri sot mendoj se do të ishim naiv. Për arsye se nëse do të kishte ndjerë 1/100 të përgjegjësisë që ka ndjerë Zaev, që për mua është viktimë dhe jo përgjegjës.

‘Viktimë’ e kujt?

‘Viktimë’ e rrethanave të caktuara. Nëse do të ndjente 1/100 të përgjegjësisë së Zaev do i kishim çelur negociatat para 1-2 vitesh (I kthehet deklaratës për kryeministrin Edi Rama). Maqedonia dhe më këtë sjellje që tregoi pas mos marrjes së negociatave, që ishte padrejtësi e madhe, tregoi se e meritonte. Sepse mënyra e sjelljes ishte shumë demokratike dhe shumë europiane. I ishte premtuar popullit se zgjidhja e emrit dhe bërja e disa reformave të tjera, bëheshin sepse ishte e sigurt edhe çelja e negociatave, përveç anëtarësimit në NATO.

Franca, apo dhe Holanda dhe disa vende të tjera në fund kushtëzuan këtë vendimmarrje për refuzimin e negociatave. Kryeministri i vendit, Zoti Rama shprehet se ‘Shqipëria i ka bërë të gjitha detyrat e veta sipas raportit të Komisionit Europian’. Ju si president i vendit si mendoni, është një problem i joni apo i vendimmarrjes së BE?

Më vjen keq që kem vënë re një fushatë demonizuese për Francës dhe Holandën. Nuk kanë qenë as 2 apo 4 vende, por shumë vende skeptike dhe dyshuese për kapacitetet e Shqipërisë. Është e pandershme të thuash se; ‘Holanda nuk e do Shqipërinë, apo kërkon që t’i mbyllë derën’. Kjo është e pavërtetë, pasi Holanda ka 3 vjet që na parandalon. Ne kemi bërë sikur s’janë aq serioze. Janë probleme të ngritura nga qeveria dhe parlamenti holandez.

Çështja është tek gjetja e një zgjidhje. Zgjedhjet e parakohshme, lokale, parlamentare, a janë një zgjidhje? Për të kthyer legjitimitetin tek institucionet?

Mendoj se zgjidhja është e qartë. Pas asnjë diskutim që zgjidhja është. Zgjidhja për mendimin tim është tek qëndrimi që ka mbajtur Bundestagu gjerman. Po ta lexojmë me vëmendje i kemi kushtet dhe standardet që duhet të plotësojë Shqipëria për çeljen e negociatave. Aty duhet të përqendrohet e gjithë klasa politike.

Grida Duma një kryeministre e Shqipërisë apo armike e re e partisë?

10:51 Politika

Brenda dhjetorit dosjet e korrupsionit transferohen te SPAK, të rrezikuar Meta, Berisha, Llalla, 6 deputetë dhe mbi 100 kriminelë

09:36 Politika

Një gotë verë për të hyrë në botën e Albin Kurtit

09:10 Politika

Neritan Ceka: Jemi bërë si Koreja e Veriut, ta zhdukim OSBE-në nga Shqipëria dhe të marrim shembull nga Kosova

21:15 Politika

A ka me të vërtetë një letër të PD-së për bankat e nivelit të dytë në Shqipëri?

21:30 Politika

Shkarkimi i Thaçit, Albin Kurti: Do të bënte mirë të tërhiqej, se populli ka vendosur për ndryshim

22:30 Politika

Albin Kurti: Pata një ndeshje miqësore 5 oreshë me Ramën, i besoj kur thotë që është kundër shkëmbimit të territorit

21:00 Politika

EMRAT: Oferta qesharake politike e opozitës, për shqiptarët

20:32 Politika

Flamur Noka: T’i besosh Ramës reformën zgjedhore është njësoj si t’i besosh ujkut të ruajë delet

18:59 Politika

Zbulimi: Antishqiptarët Rama, Thaçi e Baton Haxhiu, i blejnë njëlloj këpucët me Vuçiç

18:35 Politika