Thumana, nje tragjedi e paralajmeruar

Viktimat e tërmetit në Thumanë mund të ishin shmangur nëse strukturat shtetërore të vlerësimit të banesave do të kishin vepruar në kohë.

Gazeta “Si” mëson nga burime të sigurta pranë strukturave shtetërore që aktivizohen pas tërmeteve duke ngritur grupe pune për vlerësimin e dëmeve dhe për verifikimin nëse një godinë është e banueshme apo jo, se në periudhën gusht-nëntor 2018 janë inspektuar për sigurinë teknike dy pallatet e shembura nga tërmeti i kësaj të marte në Thumanë.

Burimet thonë se inspektimi nisi me kërkesë të banorëve që iu drejtuan pushtetit vendor pas tërmeteve të lehta që goditën këtë zonë në atë kohë, si dhe për shkak të amortizimit të godinave që janë të viteve ’80.

Në fund të këtij procesi, thonë burimet, u arrit në përfundimin se pallatet ishin brenda kushteve e parametrave të sigurisë teknike dhe u dhanë dritën jeshile banorëve për të jetuar në këta pallate.

Tërmeti i shtatorit të këtij viti që goditi vendin ishte goditja tjetër, që sipas dëshmive të banorëve dëmtoi edhe më tej strukturat e dy pallateve në fjalë.

Edhe në këtë rast, banorët u janë drejtuar autoriteteve vendore për ndihmë dhe vlerësim teknik për sigurinë teknike të pallateve.

Por, burimet e Gazetës “Si” thonë se grupet e verifikimit në terren, edhe për mungesë stafi nuk e verifikuan situatën.

“Puna u përqendrua më shumë tek identifikimi dhe verifikimi i dëmeve në zonat e prekura më fort, si në Ishëm dhe Durrës”, pohojnë burimet.

Sa për Thumanën mbetet e paqartë nëse nga tërmeti i shtatorit e deri në tërmetin e fundit që shkaktoi tragjedinë ka patur ndonjë verifikim në terren nga autoritetet, pavarësisht alarmit të banorëve.

19 orë nën rrënoja, shpëtohet Klajdi Qato

08:39 Sociale

Rama njofton gjendjen e jashtëzakonshme dhe premton: Familjeve do t’u ndërtohen shtëpitë

08:31 Sociale

"Kontribute vullnetare, emergjenca", Kryeministria: Ja numrat e llogarive ku mund të ndihmoni familjet e prekura nga tërmeti

21:09 Sociale

LISTA: Identifikohen 10 nga 20 personat që humbën jetën nga tërmeti

20:14 Sociale

VIDEO: Qytetarët kalojnë natën në rrugë nga frika e tërmetit

20:02 Sociale

Mbështetja pas tërmetit: Në më pak se 18 orë mbërrijnë 192 personel të huaj dhe 16 paleta me ndihma

19:57 Sociale

Ministria e Brendshme, Plarent Ndreca: Një falenderim për motrat e vëllezërit tanë gazetarë, që transmetuan dhimbjen tonë të përbashkët

19:53 Sociale

Gazeta Express dhe T7 japin 10 mijë euro donacion për të prekurit nga tërmeti në Shqipëri

19:51 Sociale

Pamje satelitore nga zonat më të goditura nga tërmeti

19:36 Sociale

Shqipëria goditet nga tërmeti shkatërrues: Numrat e llogarive të kontributeve vullnetare ku mund të kontribuojë secili prej nesh

19:07 Sociale