Tërmeti, PD thërret në "raport" qeverinë: Brenda 10 ditësh sillni informacion për dëmet në Thumanë

Partia Demokratike, nëpërmjet sekretarit të Përgjithshëm, Gazment Bardhit i ka drejtuar 5 pyetje Bashkisë së Krujës dhe qeverisë për dy pallatet e shembura në Thumanë nga tërmeti i 26 nëntorit.

Të gjitha pyetjet konsistojnë në masat e marra nga qeveria pas tërmetit të 21 shtatorit, sipas së cilit me mosveprimin e tyre morën 24 jetë njerëzish.

“PD ka nisur mbledhjen e informacioneve për mosveprimin kriminal të Qeverisë dhe Bashkisë Krujë për dy pallatet e shembura nga tërmeti i datës 26 Nëntor 2019. Qeveria dhe Bashkia Krujë duhet të japë llogari për vdekjen e 24 qytetarëve në Thumanë.

Pas heshtjes së Qeverisë për pyetjet tona publike, Sekretari i Përgjithshëm i PD z. Gazment Bardhi, i drejtohet me kërkesë zyrtare për informacion Qeverisë dhe Bashkisë Krujë, për 5 çështjet e mëposhtme:

1. Pas tërmetit të datës 21 Shtator 2019, a ka kërkuar zyrtarisht dhe a ka kryer Bashkia Krujë verifikimin e sigurisë dhe gjendjes së dy pallateve të shkatërruara në Thumanë nga tërmeti i datës 26 Nëntor 2019? Nëse po, ju lutem na vini në dispozicion dokumentin zyrtar që e provon këtë. A është informuar ose raportuar pranë Komitetit Ndërministror të Emergjencave Civile (KNEC) për gjendjen e këtyre pallateve?

2. A u verifikuan dy pallatet në Thumanë pas tërmetit të 21 Shtatorit? Nëse po, kush janë ekspertët që u angazhuan dhe çfarë vlerësimi bënë ata? Lutemi një kopje të aktit të konstatimit/verifikimit të hartuar dhe nënshkruar prej tyre.

3. A u lajmëruan banorët për gjetjet e ekspertimit/verifikimit?

4. Nëse godinat ishin vlerësuar si të rrezikshme, çfarë masash u morën për strehimin e banorëve dhe ndalimin e hyrjes në ato banesa?

5. Kush lejoi futjen e banorëve në pallatet e shembura në 26 Nëntor 2019 dhe mbi çfarë bazë u bë kjo”, thuhet në njoftimin zyrtar.

Kujtojmë se PD nuk i është përgjigjur ftesës së qeverisë për të qenë pjesë e komitetit që do të organizojë rindërtimin pas tërmetit.

Myslim Murrizi: Ishallah bëhen zgjedhjet që nesër, se PS, PD dhe LSI do të fëlliqen fare

17:57 Politika

Rama e pezullon nga Banka e Shqipërisë, reagon Arben Malaj: Tani ua tregoj unë qejfin këtyre që abuzojnë me pushtetin

17:08 Politika

“Jeni gërmadha”, Rudina Hajdari replikon me Ramën: Paaftësinë tënde nuk e mbulon dot me arrogancë dhe dhunë

17:00 Politika

FOTOT: "Seanca pas katastrofës natyre", ja çfarë nuk u pa në Kuvend

16:49 Politika

Luigi Soreca: Mirëpresim zgjedhjen e Olsian Çelës si prokuror i Përgjithshëm dhe anëtarëve të KED-së

16:34 Politika

PROFILI: Betohet Olsian Çela, kush është prokurori i ri i Përgjithshëm që do pasojë Arta Markun

15:53 Politika

Përhapja e panikut, Rama: Reformë për fatkeqësitë natyrore ndaj atyre që delirojnë publikisht

15:05 Politika

Balla në parlament: Nuk bëhet vaji i korbit në ditë zie, mjaft më me këngët e Albana Vokshit

14:29 Politika

"Bllokimi i vijës bregdetare nga betoni filloi kur Ilir Meta ishte kryeministër"

14:10 Politika

Beism Hajdarmataj “ngec” në rrjetën e nderkombetareve, ONM kërkon ankimimin e vendimit pasi kaloi vettingun

12:56 Politika