Te fundit
Muli xhindoset me Gaz Bardhin në Kuvend
4 Qershor 2026, 18:49Antena
TEMA
Sot Mulit i ndodhi një ngjarje e pakëndshme. Ishte duke pirë kafe në kafenenë e Kuvendit dhe po shikonte televizorin që ishte pa zë. Befas pa Gaz Bardhin që po tregonte një fshat turistik me vila dhe po tregonte një vilë.
U tërbua.
Mori dikë nga këta të PD-së që janë afër Irfanit dhe i ulëriti:
– Po mirë mo, ky Irfani me mua gjeti të merret sot? Bën diversion dhe transmeton Gaz Bardhin duke treguar vilën time në Gjirin e Lalzit. Akoma me atë budallallëk të tij ju?
– Jo – i tha ai, – nuk besoj se e ka bërë, por po pyes.
Ndërkohë, i tërbuar, i çon SMS Gazit dhe i thotë:
– Boll me atë vilën se na çave trapin.
– Të lutem shumë – i tha Gazi, – mos më pengo në betejat e mia. Nëse ti nuk je i lirë të flasësh për vila, unë jam i lirë të flas.
– Po boll mo burrë se na lodhe me këto parimet e tua. S’ke faj ti, kam faj unë që ta hapa derën dhe të zgjata dorën.
Gazi u mat t’i telefononte, por Muli ia mbylli.
Ndërkohë ra telefoni nga News 24.
– Zoti Muli, nuk kemi dhënë asnjë lajm për ty – i tha ajo. – Nuk di përse e ke fjalën.
– Sapo pashë Gaz Bardhin që tregonte vilën time në ekran – i tha Muli.
– Më vjen keq – i tha ajo, – nuk e kishte për ty këtë radhë, e kishte për Belën…
– Ashtu? Mirë, më fal – tha Muli.
Pastaj mori Gazin në telefon.
– Më fal që ta mbylla – tha, – se isha gjithë nerva, se mu duk sikur po ritransmetonin atë pjesën kur tregoje vilën time.
– Po jo mo burrë, se nuk ishte jotja – tha Gazi.
– E mora vesh, po gabim bërë. Ia lije ndonjë tjetri, se ty duket sikur gënjen – i tha Muli.
– Mirë është ta lëmë këtë muhabet – i tha Gazi, – se nuk dihet kush gënjen pastaj.
Më të lexuarat
24 oret e fundit
Javen e fundit
Blog Tema
Lini një Përgjigje