Te fundit
Trump: Shpallja e karteleve meksikane të drogës si “organizata terroriste” proces në pritje
7 Dhjetor 2019, 15:45Bota
TEMA
Qeveria amerikane do të vonojë procesin e shpalljes së karteleve meksikane të drogës si organizata terroriste, njoftoi presidenti amerikan, Donald Trump përmes një postimi në Twitter.
Trump bëri të ditur se të gjitha veprimet e nevojshme janë përfunduar dhe se është plotësuar i gjithë procesi i nevojshëm në lidhje me shpalljen e karteleve meksikane të drogës si “organizata terroriste”, por me kërkesën e presidentit meksikan Andres Manuel Lopez Obrador, të cilin Trump e quajti “një njeri që më pëlqen dhe e respektoj”, Uashingtoni ka vendosur ta lërë përkohësisht në pritje këtë proces.
“Ndërkohë që të dy vendet pritet të forcojnë përpjekjet e përbashkëta për të vepruar me vendosmëri ndaj këtyre organizatave të dhunshme dhe gjithnjë e në rritje”, shkruan presidenti amerikan, Trump.
Më herët, presidenti Trump njoftoi se do t’i shpallte kartelet meksikane të drogës si grupe terroriste, dhe në të njëjtën kohë, duke i fajësuar ato si shkaktare për vdekjen e 100 000 amerikanëve.
1 komente në “Trump: Shpallja e karteleve meksikane të drogës si “organizata terroriste” proces në pritje”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kanë rënë dakord me Kinën që banka botërore të hedh një sy te nazistët.