Te fundit
“O zot na mbro nga tërmetet…", babai i Xhesikës mbledh kujtimet e fundit në pallatin që do shembet: Sikur e kishte parandjerë vdekjen
11 Dhjetor 2019, 14:49Kronika
TEMA
Lëkundjet e errëta të 26 nëntorit zgjuan njerëzit nga gjumi. Frika, nxori jashtë shtëpive mes mijëra shqiptarëve edhe Xhesika Biqikun.
Teksa dilte, në terr tullat e pallatit goditën në kokë 20 vjeçaren. Jeta e parë e humbur nga tërmeti në Tiranë.
“Unë u pengova kur e kisha përdore dhe rashë te balta, shpirti im ishte këtu… e mora gërthita”, thotë babai i Xhesikës.
Jemi brenda pallatit ku jetonte Xhesika Biqiku. Në faqet e murit shkruhet Xhesika, Xhesika, por edhe shkronjat do shemben në këtë pallat të pabanueshëm. Porta 22 hapet nga Ilija, që përpiqet të ruajë fort kujtimet e mbetura nga vajza e tij.
“Këtu kam një fotografi të Xhesit ja ta shikoni… ka dalë para ca kohësh. Këtu është Sabina , ndërsa këtu Xhesika, ishte 18 vjeç këtu. Të dyja vajzat i mbaj këtu . Xhesika është më e vogla, ndërsa Sabina më e madhja.. në mars të 2000.. mezi I kam rritur”, thotë ai.
Ilija ishte shumë i lidhur me Xhesin, vajzën e vogël. Në çdo cast brenda shtëpisë I vijnë në mend momentet e tmerrit.
“Unë flija këtu, Xhesi ja te divani tjetër. Të dy dolëm të parët….(qan)”,tregon ai më tej.
Pas tërmetit të shtatorit, ka shkruar për punët e zotit. “O zot na mbro nga tërmetet… sikur e kishte ndjerë… sikur e kishte ndjerë vdekjen”.
Dy femrat e tjera të shtëpisë po kurohen në spital. Ndërsa i vetëm, Ilija trazon kujtesën me kohën kur e bija ishte në shtëpi.
E gjërat e saj i ka paketuar për t’i marr në banesën e re ku familja Biqiku do të jetojë, pa Xhesikën./Top Channel
1 komente në ““O zot na mbro nga tërmetet…”, babai i Xhesikës mbledh kujtimet e fundit në pallatin që do shembet: Sikur e kishte parandjerë vdekjen”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngushellime per kete vjaze te re qe termeti i mori jeten padrejtesisht.U prehte ne paqe.Ngushellime familjes. U prehsh ne paqe.