Te fundit
Muçi nderon Tiranën ndaj Laçit. Bylisi likujdon Luftëtarin
22 Dhjetor 2019, 15:10Sport
TEMA
Tirana ka arritur të marrë edhe fitoren e tretë radhazi, duke mundur këtë herë Laçin me rezultatin 1-2.
Pavarësisht se bardheblutë e panë veten në disavatazhin e një goli në pjesën e parë, ishte Muçi ai që barazoi pasi një pasigurie në portën e kurbinasve.
Në pjesën e dytë, dy skuadrat kanë kërkuar hapësira në mbrojtjet kundërshtare por pa mundur, teksa faktor u bënë edhe kushtet e rënduara të terrenit për shkak të shiut.
Pak minuta para fundit, Kale ka dhënë një top të për Muçin i cili në fakt duket pozicion jashtë loje megjithatë anësori nuk ka qenë i këtij mendimi duke i dhuruar 3 pikët skuadrës bardheblu.
Bylisi ka marrë fitoren e dytë radhazi teksa ka mposhtur minimalisht me rezultatin 1-0 në shtëpi Luftëtarin. Ballshiotët i janë falur një goli në pjesën e parë nga sulmuesi Guindo, i cili nga pika e bardhë është treguar i saktë duke mposhtur gardianin e Luftëtarit.
Pas kësaj fitoreje, Bylisi ka marrë provizorisht kreun e klasifikimit ndërsa është në pritje të ndeshjes së Kukësit në orën 16:00 ndaj Skënderbeut.
Ndërkohë, nga ana tjetër, gjirokastritët ndalën dhe nuk i japin vazhdimësi fitores në javën e kaluar, duke mbetur sërish në vendin e parafundit në kampionat, në pozita mjaft të vështira. Tashmë, kampionati ndërpritet për të rifilluar sërish në muajin janar.
Lini një Përgjigje
Më të lexuarat
24 oret e fundit
Javen e fundit
Blog Tema
