Te fundit
Xhodë, të rrije dhe ca. Që sot më mori malli!
17 Janar 2020, 09:31Blog
TEMA
Nga Agim Xhafka
Ngatërrove radhën Xhodë! Të rrije nga fundi i varganit. Pas vitesh e vitesh duhej të tregoje pasaportën atje te dera e Parajsës. Që të ikje i qeshur, i ngopur, i kënaqur.
Por ja, që ti i maturi në jetë e në filma kapërceve klonin dhe u derdhe linkthi drejt errësirës.
Të shtyu sëmundja, dhimbja, por mbase motiv kishe dhe filmin, teatrin, skenën, kolegët, artdashësit, se ajo ndërtesë që po bëhet lakmi e vjedhjes ishte tempulli yt. Me shfaqje që u shiteshin biletat dy javë para.
Në atë oborr lëviznin korifej. Tani ruhet nga rrënimi prej misionarësh që fe kanë traditat dhe historinë.
Shteti e ka harruar artin. Shteti i ka hipur fadromës dhe shëtit si i marrë mbi betoniera. E di që nuk më dëgjon. E di që s’ma vë veshin.
Por edhe unë nuk po e besoj lajmin. Është fake. Xhevdet Ferri rron. E kam te CD në shtëpi.
Siç e kanë mijëra familje. Ja,e hapa “Përrallë nga e kaluara “Ja ku je. I ri, i shëndetshëm, i pashëm.
Si doje të na lije kur ne të kemi salduar te TV dhe DVD e shtëpive.
Xhodë, më dhembi zemra nga lajmi i zi. Mbase do mësohem me largimin tënd.
Ama kur moshatarët e tu vite e vite më pas do ecin avash-avash e me karroca, apo bastun ti do u dalësh para si kaçaku i filmit.
Do qeshësh e do bësh romuze me ta. “Hë mo e bëni dot shurrën?”, do u thuash.
Atëherë ata do të kenë zili ty që në përjetësi do të quhesh djalosh.
Djalosh dhe bukurosh.
Xhodë, të rrije dhe ca. Që sot më mori malli!
6 komente në “Xhodë, të rrije dhe ca. Që sot më mori malli!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Këtij Xhafkës i dhimset Xhota më shumë jo si attist,por si person i të njëjtit krah politik.
Jam i sigurtë se ky si një tifoz ultras PD-ist,nuk do kish shkruar asnjë rresht nëse xhota do ish me PS.
Mire ke shkruar per Artistin e Madh, por mos si pa dashje te paska shpetuar dora e i ke hedhur pak si shume keçap politik, qe mendoj se nuk ishte me vend per kete rast dhimbjeje.
Vjen nje moment qe njeriu duhet te lere menjane polemikat kur eshte fjala per vdekje…. Por ne shqipot e paskemi te veshtire… Vlen per artikullshkruesin dhe per komentuesit.,, Xhevdet Ferri R. I. P.
Pilitike me te vdekurin…
Une Xhevdet Ferrin e vleresoj si artist,si njeri i cili me rolet e tij hyri ne zemrat tona menjehere.Aktor me ndjenje,simpatik dhe i dashur.Politika nuk me intereson sidomos ne kete rast dhe nuk duhet qe ta perzjeni personin e vdekur ne politiken e ndyre te ketij vendi. Ne ate kohe shume vete e perqafuan PD sepse besonin ne ndryshim por ndyshimin qe kerkuan e moren ne dore njerzit e degjeneruar te ketij vendi qe shkaterruan c’do gje mbi dhe nen toke.Me PD ka qene Ndicim Xhepa por me pas u largua bute qe andej sepse ja u pa fytyren atyre qe drejtonin. Une i shpreh ngushellimet me te sinqerta familjes,te afermve ,miqve dhe shokeve te tij,aktoreve dhe studenteve te tij. Xhevdet Ferri do mbetet i pavdekshem ne zemrat tona.Vepra e tij do mbetet nje frymezim per te gjithe ne qe e njohim dhe per te gjithe ata qe do ndjekin rrugen e artit te vertete.
Vetem kur humb jeten , ne vareza dhe ne facebook thuhen fjale te medha , fjale te mira ,lavderime , ekzagjerime , ne rastet e tjera …….. Thika pas shpine , dhe gropa gati ……..