Te fundit
PRAPASKENAT: Si arritën Albin Kurti dhe Isa Mustafa, te marrëveshja e papritur
3 Shkurt 2020, 09:07Rajoni
TEMA
Lëvizja Vetëvendosje dhe Lidhja Demokratike e Kosovës, hodhën të dielën firmat në marrëveshjen për formimin e qeverisë së re e cila do të votohet të hënën në parlament. Albin Kurti dhe Isa Mustafa, publikuan së bashku njoftimin duke e cilësuar arritjen e marrëveshjes si “të mirë dhe në interes të ndryshimeve që duhet të ndodhin në vend”.
Qeveria e re do të ketë 15 ministri. Vetëvendosje, kryetari i së cilës Albin Kurti do të jetë kryeministër, do të ketë 6 ministri, po aq sa edhe LDK. 3 ministri do t’i kenë pakicat. Në fillim të negociatave të dyja partitë ishin pajtuar që të qeveria e tyre të ketë vetëm 12 ministri, por Albin Kurti sqaroi se reduktimi kaq i fortë i kabinetit do të krijonte super-ministra dhe do të kërkonte shumë kohë por ristrukturim.
Sipas marrëveshjes, posti i kryetarit të parlamentit do t’i takojë Lidhjes Demokratike të Kosovës dhe sipas zotit Kurti, kryetari aktual, Glauk Konjufca do të marrë një post qeveritar. Marrëveshja nuk e përfshinë edhe çështjen e postit të presidentit, që ishte “mollë sherri” në negociatat për qeverinë e re. Lidhja Demokratike kërkoi që në fillim të negociatave që ai post t’i takojë asaj pas skadimit të mandatit të presidentit aktual, Hashim Thaçi, vitin e ardhshëm.
Në orët e pasdites, Këshilli i Përgjithshëm i Lidhjes Demokratike miratoi marrëveshjen, ndërsa lëvizja Vetëvendosje e hodhi atë në referendum të brendshëm sipas parimit “një anëtar – një votë”.
Por në mbledhjen e drejtuesve të LDK-së nuk munguan përplasjet. Vjosa Osmani ka shprehur pakënaqësi për ndarjen e posteve duke kërkuar ministrinë e brendshme dhe postin e zv.kryeministrit. Kjo nuk është mbështetur nga LDK-ja. Mediat e Kosovës thanë se ajo ka refuzuar postin e Kryetarit të Kuvendit, por gjithçka do të shihet të hënën paradite.
Por si arritën Kurti dhe Mustafa te shtrëngimi i duarve.
Kur po mbushen 3 muaj nga mbajtja e zgjedhjeve partitë kaluan një kalvar të gjatë negociatash. E para ishte Vetevendosje që bëri disa oferta për bashkëqeverisje, por LDK dukej skeptike dhe herë afrohej e herë refuzonte gjithçka. Pati momente kur u duk se një koalicion i tillë do të ishte e vështirë të realizohej. Fillimisht LDK nuk tërhiqej nga posti i Presidentit, por me zgjedhjen e Glauk Konjufcës në krye të Kuvendit, partia e Isa Mustafës gjeti edhe një tjetyër arsye për të refuzuar marrëveshjen. Takime të njëpasnjëshme mes përfaqësuesve të dy partive po dështonin.
Në lojë u fut edhe presidenti Hashim Thaçi që bënte presion me mandatimin e qeverisë për tu dhënë sa më pak kohë Mustafës dhe Kurtit në gjetjen e dakordësisë. Kur u duk se vendi mund të shkonte sërish në zgjedhje në lojë hynë ndërkombëtarët. Fillimisht ambasadorët e QUINT-it dhe më pas të dërguarit e SHBA dhe BE. Zyrtarisht ata thanë se nuk ndërhynin në punët e brendshme, por në takimet kokë më kokë kanë kërkuar shmangien e skenarit të zgjedhjeve të reja.
Parlamenti mblidhet të hënën për të votuar qeverinë e re të cilën e presin shumë sfida dhe ndër më të mëdhatë është ajo e procesit të normalizimit të marrëdhënieve me Serbinë, e cila refuzon të njohë pavarësinë e Kosovës.
Zgjedhjet e parakohshme parlamentare të 6 tetorit të vitit 2019, të katërtat me radhë që kur Kosova shpalli pavarësinë e saj në shkurt të vitit 2008, pasuan dorëheqjen e ish kryeministrit Ramush Haradinaj, i cili u thirr në Hagë për t’u marrë në pyetje nga Prokurosia e Posaçme që trajton pretendimet për krime lufte dhe të pasluftës në Kosovë.
Rezultati i zgjedhjeve të 6 tetorit shënoi edhe ndryshimin më të madh në skenën politike pas shpalljes së pavarësisë së Kosovës. Lëvizja Vetëvendosje doli e para e pasuar nga Lidhja Demokratike dhe që të dyja partitë thanë se nuk kanë alternativë tjetër përveç koalicionit ndërmjet tyre. Pas 12 vjetësh në pushtet, Partia Demokratike e Kosovës del në opozitë.
PROPOZIMET E VETEVENDOSJE
Albin Kurti – Kryeministër
Haki Abazi – zv.Kryeministër i dytë
Glauk Konjufca – Ministër i Jashtëm
Albulena Haxhiu – Ministre e Drejtësisë
Besnik Bislimi – Ministër i financave
Rozeta Hajdari – Ministre e Ekonomisë
Arben Vitia – Ministër i Shëndetësisë
Blerim Reka – Ministër i Integrimeve Evropiane
PROPOZIMET E LDK-së
Vjosa Osmani – Kryetare e Parlamentit
Abullah Hoti – zv.Kryeministër i parë
Agim Veliu – Ministër i Punëve të Brendshme
Lumir Abdixhiku – Ministër i Infrastrukturës
Besian Mustafa – Ministër i Bujqësisë
Hykmete Bajrami – Ministre e Arsimit
Anton Quni – Ministër i Mbrojtjes
Vlora Dumoshi – Ministre e Kulturës Rinisë dhe Sportit
5 komente në “PRAPASKENAT: Si arritën Albin Kurti dhe Isa Mustafa, te marrëveshja e papritur”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qeveri rrumpallë. Siç eshte rrumpalla shqiptare e Kosoves.
Qeveri rrumpallë. Siç eshte rrumpalla shqiptare e Kosoves. Nuk do bej hajër gjate. Inshallah nuk vertetohet parashikimi im!
Kualicjon mbidis ” te ndershmeve te Kurtit ” me banden e hajduterise te kapobandes Isa Mustafa.
Kjo do ta ” shpetoi ” Kosoven….???
A moj Shqipe e mjete me politikan te dhier…..
Cfar do lloj loje qe behet mbidis tyre eshte ethe per pushtet, per te vjedhur sa me shume.
Haki Abazi,zevendes kryeminister i Kosoves.O zot e nje bashkepuntore i BIA serbre dhe nje entuziast i Gjykates Speciale ne kete pozit?
Per kohen dhe vendin e ngjarjes me mire pak se hic ! deri dje ishte me rrumpalle se asnje here kemi mundesine e ndryshimeve me nje kusht ! nese ka vetedisim popullore. kualicioni eshtye si martesa kur detyrohesh te maresh nje grua qe nuk e don dhe te inponohet .