Dy “grushtet” amerikane kundër Ilir Metës

Të gjithë e panë qartë. Pas një tubimit të 2 marsit, ka pasur një reagim të pazakontë nga Ambasada e SHBA-ve në Tiranë.

Ambasadorja Yuri Kim tha se “E surprizuar të shikoja flamurin amerikan në “manifestimin” e sotëm. Për të shmangur çdo konfuzion, ne duam të sqarojmë se teksa SHBA mbështet të drejtën për të protestuar paqësisht, ne nuk kemi asnjë lidhje me “manifestimin” e sotëm”.

Një reagim që tregon se Ilir Meta nuk i ka marrëdhëniet e mira me SHBA-në, dhe ata që përpiqen ta justifikojnë apo të sulmojnë ambasadoren po bëjnë gabim.

Po bëjnë të njëjtin gabim siç bënë atëherë kur sulmuan zv.ndihëm aekretarin Amerikan të Shtetit, Palmer, ndaj të cilit çfarë nuk thanë. Por, në finale rezultoi se rruga që u ndoq ishte ajo që ai kishte kërkuar.

Dhe sulmi që po ndodh këto ditë ndaj ambasadores amerikane, pas qëndrimeve të saj, tregon edhe një herë se politika jonë nuk ka nxjerrë leksionin e duhur.

Se “xhebrailët” shqiptarë nuk janë në rrugën e duhur dhe Ilir Meta duket se nga një njeri që ka qënë i mbështetur nga amerikanët dhe zgjedhja e tyre rreth 20 vite më parë, tani e ka humbur këtë mbështetje.

E ka humbur për shkak të korrupsionit të tij, të familjarëve të tij, për shkak të mënyrës sesi ka drejtuar shtetin dhe për shkak të cirqeve të tij në politikë.

Rasti i deklarimit të ambasadores ishte një rast i pazakontë dhe ishte “grushti” i parë në fytyrën e Ilir Metës. Ia “ngriu” buzëqeshjen në fytyrë. Ia ndali të gjithë festën e asaj që ai po e çuante fitore.

Më pas, erdhi edhe grushti i dytë dhe ndodhi dje. Kur Ilir Meta po bërtet dhe ulëret tribunave, kur bën debate dhe vërsul këshilltarin e tij për mediat kundër ministres së Drejtësisë, ambasadorja shkoi dhe i dha asaj mbështetje publike për reformën në drejtësi, për hapat që janë ndjekur dhe ata që duhen ndjekur.

Sërish ky një “grusht” i dytë ndaj presidentit Ilir Meta. Ndoshta ambasadorja amerikane nuk do ta takonte kurrë ministren e Drejtësisë, ndoshta nuk do t’i thoshte asnjë fjalë. Por, ja që ndodhi. Dhe ndodhi pikërisht në zyrën e ministres dje, për t’i dhënë një leksion të dytë Ilir Metës.

Të dyja kanë diferencë sepse tregojnë qëndrimin që ka SHBA ndaj Ilir Metës.

E para ka diferencë për faktin se ne mund të kujtojmë që në Shqipëri flamuri amerikan është përdorur në mijëra protesta dhe s’ka pasur kurrë një qëndrim të tillë.

Flamuri amerikan është përdorur kudo. Edhe në protesta të dhunshme, edhe në ato më ekstremistet. Edhe në 21 janar.

Por, Ambasada nuk ka reaguar. Thjeshtë dhe vetëm ka bërë paralajmërimin e saj rutinë, që qytetarët e saj t’i shmangen vendeve ku do grumbullohen njerëz. Dhe kjo ka ndodhur vazhdimisht. Edhe kur ka qënë PS-ja në opozitë, edhe tani që është Partia Demokratike në opozitë.

Por, ajo “shpullë” apo “grusht” fytyrës që i dha Ilir Metës ishte e papërsëritshme në llojin e vet dhe e padëgjuar më parë.

E dyta me ministren. Nuk ka ndodhur në Shqipëri që një president të ketë një konflikt të hapur me një ministër, të shkojë dhe ta kallëzojë atë në Prokurori, dhe më pas ambasadori i SHBA-ve, të shkojë dhe t’i japë mbështetje publike.

Më shumë se kaq, çfarë kërkon Ilir Meta?!

Ai ndoshta ka kauzën e drejtë dhe janë të drejta çështjet që ngre. Por, grushtet e amerikanëve janë në fytyrën e tij. Jo për të thënë se nuk ka problematika. Jo për të thënë se nuk ka çështje të cilat duhen diskutuar dhe se reforma në drejtësi ka krijuar probleme të padiskutueshme në Shqipëri. Por, sepse është Ilir Meta ai që i trajton këto çështje dhe Ilir Meta për ta ndoshta është si “Eskobari” në Kolumbi.

Dikur, mund të dilte edhe Eskobari e t’iu bënte thirrje njerëzve, se përdorimi i drogës dhe kokaina ishte një gjë e dëmshme, aspak e mirë. Por, kur bënte thirrje Eskobari, prodhuesi më i madh i saj në botë, imagjinoni se cili do të ishte reagimi i SHBA-së.

Kështu është edhe rasti i Ilir Metës, i cili del e flet dhe ncjerr çështjet e shqiprtarëve, por Ilir Meta është njeriu më i padëshiruar tashmë për amerikanët dhe këtë po e tregojnë me fakte dhe me vepra konkrete. Dy “grushtet” e fundit mund të pasojnë dhe të tretin dhe të katërtin, derisa ish-kreu i LSI-së, tashmë President i Republikës, ta kuptojë dhe të kthehet në rrugën e duhur.(CNA.al)

Rudina Hajdari zbulon 3 propozimet për ndryshimin e sistemit zgjedhor

17:38 Politika

Dosja CEZ në Gjykatën Speciale: SPAK nuk hetoi Berishën dhe Rulin, çështjen e Lazër Sallakut e çoi në Durrës

16:52 Politika

Meta sqaron letrën drejtuar Brukselit për të penguar negociatat: Mos më keqkuptoni por Shqipëria po kalon situatë dramatike, çdo ndihmë mund të na përshkallëzojë krizën. Do ta mbroj unë integritetin

16:22 Politika

"Puthen bajrakët në manifestim, pastaj thikën pas shpine Shqipërisë"

16:07 Politika

Meta letër Brukselit për të penguar hapjen e negociatave: Mos ndihmoni gërryerjen e demokracisë, vendi ne situatë politike dramatike

15:25 Politika

INTERVISTA (II)/ Një implikim i rëndë: Si u përfshi prokurori Hajdarmataj në fabrikimin e ‘Babales’, roli i Robert Tucit, drejtor në SHISH

14:57 Politika

Meta i "zgjidh” Blushin ambasadores së SHBA-së: Nuk i marrim askujt leje për të nderuar idealet amerikane, puçistët flasin në emër të Pushtetutës, Ramaformës dhe grushtit të shtetit

14:43 Politika

VIDEO/ Ironia e Ballës: Unë shpreh keqardhjen që PD u katandis shtojcë e Ilir Metës, Luli përdor gojën e Gazit për shpifjet e vjetra të Saliut

14:00 Politika

Rama tallet me Metën: Basha mori rolin e figurantit në tubimin e 'Vojo Amerikanit'! Si mund të katandiset PD në këtë formë

13:55 Politika

‘Luli, ku rafsha mos u vrafsha, ra mirë tek unë’, Rama ironizon opozitën: Zonja Hajdari nuk kam frenuar dot gjatësinë time 2 metër

13:37 Politika