Te fundit
“Pokeri” i Ilicic dërgon në qiell Atalantën. Leipzig i jep leksione Tottenhamit dhe kalon në çerekfinale
10 Mars 2020, 22:59Sport
TEMA
Leipzig nuk e diskutoi për asnjë moment kalimin në çerekfinalet e Champions League ndaj Tottenham.
Pas fitores 0-1 në Londër, ekipi gjerman mposhti 3-0 në ndeshjen e kthimit skudrën e drejtuar nga Jose Mourinho, duke i dhënë një leksion futbolli.
Ishte kapiteni i Leipzig, Marcel Sabitzer, ai që mbylli çdo diskutim me dy gola të shpejtë në minutat 10 dhe 21.
Goli i tretë për vendasit u shënua nga Forsberg, në minutën e 87.
Atalanta është zyrtarisht ndër tetë ekipet më të forta të Europës. Një arritje historike për italianët, që do të kishte me të drejtë faqet e para të çdo gazete në Itali, po mos të ishin shqetësuar pikërisht Bergamo nga makthi i koronavirusit.
Në Valencia, ekip i drejtuar nga Gasperini mundi për të dytën herë ekipin spanjoll me rezultatin 3-4, në një “Mestalla” pa publik pikërisht nga frika e virusit që po tmerron botën.
Protagonist i padiskutuar edhe një herë slloveni Josep Ilicic, autor i një pokeri fantastik, rezultat i dy penalltive të realizuara në pjesën e parë dhe dy gola vërtetë të bukur në të dytën.
Italianët dominuan por treguan edhe disa defekte në mbrojtje, me Gameiro që barazon dy herë.
Lini një Përgjigje
Më të lexuarat
24 oret e fundit
Javen e fundit
Blog Tema
