Te fundit
Vjen nga Formula 1 pajisja për frymëmarrjen që mund të zhbllokojë terapitë intensive
30 Mars 2020, 21:57Sociale
TEMA
Sallat e terapisë intensive në gjithë Evropën ashtu si dhe në Shtetet e Bashkuara janë në prag të kolapsit nga të shtruarit për pandeminë e koronavirusit. Jo vetëm mungon stafi i mjaftueshëm, por edhe makineritë e duhura për frymëmarrjen artificiale, që teknikisht quhen ventilatorë.
Por një lajm i mirë vjen nga Anglia, ku studiuesit e University College në Londër në bashkëpunim me inxhinierët e Mercedesit që zakonisht punojnë për Formula 1, kanë krijuar një pajisje e quajtur CPAP (në anglisht, continuous positive airway pressure), që premton se mund të ndihmojë spitalet që të mos tejmbushen.
Në thelb, pajisja kanalizon një miks oksigjeni dhe ajri normal në maskën e vendosur nga pacienti me një ritëm të përcaktuar, duke zhvilluar deri diku rolin e ventilatorëve. Në veçanti, pajisja do të ndihmojë pacientët që janë tepër të rënduar për të përballuar shtrimin në terapi intensive.
Sipas inxhinierëve, 100 pajisjet e para janë duke u shpërndarë në spitalet e Londrës, dhe mund të ndërtohen 330 të tilla në ditë. Në fakt kjo është edhe risia e një pajisje që në funksionimin e tij nuk është e re, duke qenë se është përdorur në mënyrë më të thjeshtë në Itali.
Bashkëpunimi me shtëpitë automobilistike mund të çojë prodhimin e tyre në 1000 në ditë, duke pasur një impakt domethënës në lehtësimin e gjendjes në pavijonet spitalore.
“Kemi punuar ditë e natë, por jemi krenarë që një punë që ndoshta mund të zgjaste muaj të tërë u krye nga ne në 4 ditë”, tha një nga inxhinierët e Mercedesit.
2 komente në “Vjen nga Formula 1 pajisja për frymëmarrjen që mund të zhbllokojë terapitë intensive”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
CPAP nuk eshte pajisje e re. Perdoret gjeresisht per pacjentet qe kane Apnee gjate gjumit.
Urdhero lajmi i vertete qe e keni perkthyer si syte tuaj
https://www.google.ca/amp/s/www.bbc.com/news/amp/health-52087002
Cpap mashin egziston prej vitesh. Mos genjeni njerezit. Une e kam nje ne shtepi,dhe njoh shume te tjer që e kan ketu ne usa. Perdoret nga njerez që kan nje semundje që quhet slip appnia.