Synimi nga ana e UEFA-s është i qartë. Kampionatet kombëtarë duhen përfunduar, ndërsa dy kompeticionet europiane, Liga e Kampionëve dhe Europa League, do të shqyrtohen në një tjetër moment, atëherë kur edhe udhëtimet e klubeve të jenë të sigurta.
Sakaq, në mbledhjen e djeshme, duket se është vendosur edhe një datë limit për përfundimin e kampionateve.
UEFA kërkon që kampionatet të përfundojnë deri më datë 3 gusht, pasi çdo datë tjetër, mund të kompromentojë edhe më shumë sezonin pasardhës.
Megjithatë, çdo vendim do varet nga COVID-19, i cili deri këto momente është treguar i pamëshirshëm. Sa i përket stadiumeve, ato pritet të jenë të boshatisura pasi askush nuk kërkon të rrezikojë një përhapje tjetër të virusit.