Te fundit
INTERESAT/ Njihuni me vëllazërinë serbo-kineze në kohën e Corona-s
3 Prill 2020, 19:07Rajoni
TEMA
Kur ekspertët kinezë zbarkuan në Serbi,presidenti Aleksandar Vuçiç puthi flamurin kinez dhe premtoi se do t’i dëgjonte ata pa kushte. Beogradi është shndërruar në një laborator entuziast të diplomacisë kineze në epokën e koronavirusit, raporton France Presse.
Bujare për disa, të nxitur nga interesat e tyre mbi të tjerët, politika e “Rrugës së Mëndafshit” e presidentit kinez Xi Jinping po zbatohet duke dërguar miliona maska mbrojtëse në botë, ku veçojnë vendet më të goditura nga Corona, Italia dhe Spanja.
Në Serbi, ekspertët që erdhën nga Kina, aty ku u shfaq pandemia, por që arritën ta frenojnë atë, janë arkitektët e ndryshimit të strategjisë.
“Ekspertët kinezë janë të parët që e mundën virusin. Tani e tutje, ne do të bëjmë çfarë të thonë ata”, tha presidenti serb më 21 mars, duke i përshëndetur ata me një fanatizëm të madh në aeroport. Ai shpjegoi se vendi i tij, i cili pranohet se është kandidat për anëtarësim në BE, nuk ka zgjidhje tjetër, por të mbështetet te “vëllezërit kinezë”.
Në fakt, edhe Pekini edhe Beogradi përfitojnë nga “miqësia e tyre e çeliktë”, thonë analistët.
Ndërsa Kina vepron si një Samaritan i mëshirshëm për të harruar dështimet e saj fillestare në pandeminë, nga ana tjetër, duke theksuar në mënyrë dramatike ndihmën kineze, kjo e lejon presidentin serb të paraqitet si shpëtimtar i Serbisë, tha Majda Ruge, një analiste në Këshillin Evropian për Marrëdhënie Ndërkombëtare (ECFR).
Kriza, prej së cilës Vuçiç po akuzohet dhe si avancues ne autokratizëm, gjithashtu ofron një mundësi për të justifikuar dashurinë e tij të madhe për Kinën, një vend që nuk do të kritikojë aspektet shumë problematike të stilit të tij të qeverisjes, shtoi ajo.
Kinezët ia shpërblejnë mirë. Sipas të përditshmes nacionaliste kineze Global Times, një video ku tregon Vuçiç duke puthur një flamur të kuq kinez ka qindra miliona shikime në Weibo, një nga faqet më të mëdha të mediave sociale në Kinë.
Përdoruesit kinezë të internetit vlerësojnë “sinqeritetin dhe mirënjohjen” e presidentit serb, i cili është “përveç kësaj, një person i gjatë dhe tërheqës”.
Eshtë e vështirë të thuhet se sa ndihma mjekësore kineze kanë shkuar për Beogradin, por Bashkimi Evropian thekson se ka injektuar 450 milion euro në sektorin e shëndetit serb në 20 vjet. Brukseli gjithashtu ka ndarë 93 milion euro për Serbinë, posaçërisht për të luftuar COVID-19.
Sidoqoftë, hulumtimet tregojnë se publiku serb ka një mendim shumë më të mirë për Kinën sesa ndaj Brukselit dhe Uashingtonit, pasi qytetarët i janë mirënjohës Pekinit për mijëra vendeve të punës në industri dhe mbështetjen e vendit kur bëhet fjalë për çështjen e ndjeshme të Kosovës.
Në dhjetë vitet e fundit, Pekini ka investuar miliarda dollarë në Serbi, në formën e kredive ose financimit të drejtpërdrejtë, në zhvillimin e infrastrukturës, energjisë, sigurisë.
Sidoqoftë, disa analistë kanë kritikuar mungesën e transparencës së projekteve që nuk përmbushin domosdoshmërisht standardet evropiane.
“Serbia dëshiron të mbetet në mëshirën e kinezëve, të cilët japin shumë dhe nuk pyesin shumë,” thotë analisti i Beogradit Stefan Vladisavljev.
Një portret i një presidenti kinez është vendosur mbi një rrugë të Beogradit me fjalët “Faleminderit vëlla Xi”, e paguar nga një tabloid pro qeverisë.
Ky ndjenjë ndahet nga ylli botëror i tenisit Novak Djokovic, i cili falënderoi Pekinin “me gjithë zemër, në emrin e tij dhe në emër të kombit”.
6 komente në “INTERESAT/ Njihuni me vëllazërinë serbo-kineze në kohën e Corona-s”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po hèèè more tè humbur merrni dhe ju portretet e tè gjith lidèrve europian dhe atij kinez e rusè dhe mbushni rrugèt siç vepronte dulla pèr festa me fotot e marksit etj etj,,,, Ne i kishim mardhèniet vaj me kinezèt ndèrsa sèrbia na i mori nè kthesè pèr vet arsyen se dhe nè kohèn e titos diplomacia e saj ishte aleate me amerikèn dhe rusèt dhe investimet ekzistonin si dhe sot prandaj diplomacia shqiptare tè luaj tè gjitha letrat nè tavolin pèr tè thithur investime mjaft qè tè mos preket pavarsia e vendit.
Nik duhet pranuar që sërbët dinë të bëjnë politikë dhe nuk kanë asnjë fije lidhjeje me politikën që mundohen të bëjnë këta shurraqët e Tiranës..që të bësh politikë në radhë të parë duhet ta duash vëndin tënd dhe në radhë të dytë duhet të formatosh platforma largpamëse. .po të rrish gjithë ditën nëpër ekrane TV dhe në Facebook nuk bën politikë por bën llogje Kavaje. .Sërbia një shtet okupator që bëri 4 luftëra të ndryshme në vitet 90 dhe hapi kaq shumë plagë dhe varreza masive në Ballkan sot po shpërblehet me një këmbë në BE duke ditur dhe duke përmbysur situatën falë politikës së saj produktive. .pra dinte shumë mirë të mbajë ekuilibrat duke qënë një aleate e madhe e Kinës Rusisë dhe Turqisë gjithashtu në të njëjtën kohë edhe e SHBA dhe BE-së…ndërsa Kosova martire përndiqet çmëndurisht nga gjykata speciale,një ndihmë të madhe në plotësimin e imazhit të presidentit vuçiç ka dhënë paturpësisht edhe kryeministri ynë showman. ..ju pëlqejnë apo jo këto që shkruajta ky është realiteti dhe është i pandryshueshëm soto sërbia gëzon frytet e politikës së saj largpamëse ndërsa ne shqiptarët po përballemi me tmerrin. ..do rrini pa bukë u tha edi shqiptarëve. ..do rrini pa bukë sepse jemi në luftë dhe lufta kërkon sakrifica. .foli fiks si mentori i tij dështaku diktator qoftëlargu enver. ..ja pra kjo është platforma e ‘rilindasit’tuaj ..tju vij turp gjithsecilit që merr guximin dhe flet broçkulla për sharlatanin edi rama
Vucic eshte armiku jone, por duhet vleresuar per kete veprim pasi ne fakt Kina sot eshte kontribuesi kryesor ne luften kunder koronavirusit.
Edhe qeveritaret tane duhet te tregohen me fleksibel dhe jo aq dogmatike.
Jo po me BE-ne bythgrisur qe ska as maska per pacientet neper spitale e doktorat.
undefined
bravo
per mbijetese