Te fundit
Lamtumira e fundit për të madhin e humorit Gëzim Kruja pa homazhe dhe njerëz, shkodranët dalin në dritare për ta duartrokitur kur kalon makina e funeralit
6 Prill 2020, 12:54Kulturë
TEMA
Aktori i madh i humorit, Gëzim Kruja, do të përcillet sot në banesën e fundit në një mënyrë të pazakontë, pa njerëz dhe pa homazhe e vlerësime, për shkak të situatës së krijuar nga koronavirusi.
Drejtoresha e Teatrit të Shkodrës, Rita Gjeka, në një lidhje me “Skype” për News24 tha e përlotur se kjo është jashtëzakonisht e dhimbshme, sepse Gëzim Kruja Meriton shumë më shumë.
Megjithatë, Gjeka tha se do të bëhet një organizim i vogël, ku nga dritaret e shtëpive do t’i japin duartrokitjen e fundit qytetarët shkodranë, në momentin kur të kalojë makina e funerit.
“Qenka shumë e rëndë, unë e kam dhimbjen shumë të madhe, sepse Gëzim meriton shumë më shumë. Është bërë një organizim i vogël, që nga dritaret do të dalin të gjithë e t’i japin duartrokitjen e fundit, kur të kalojë makina e funeralit. Është një gjë jashtëzakonisht e dhimbshme. Isha 14 vjeçe kur kam dalë për herë të parë në skenë me Gëzim Krujën, nuk do ta harroj kurrë. Ai i ka marrë dhe do vazhdojë t’i marrë duartrokitjet, sepse është i pavdekshëm, por do na mungojë”, u shpreh Gjeka.
Që prej kur nuk ishte mirë?
Ka një vit e gjysmë që nuk ishte mirë. Megjithatë, shokët e tij i organizuan një drekë për 80-vjetorin.
Atij iu bë shumë qejfi me të, dhe mund të jetë takimi i fundit që ai pati me të gjithë shokët dhe miqtë bashkë.
Ai ka ditur me i fal dashuri gjithkujt. Ne mund ta numërojmë Gëzimin si një person i përditshëm.
Edhe pse nuk ishte njeri i teatrit, ai ka qenë përditë me ne.
1 komente në “Lamtumira e fundit për të madhin e humorit Gëzim Kruja pa homazhe dhe njerëz, shkodranët dalin në dritare për ta duartrokitur kur kalon makina e funeralit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngushllimet ma t’sinqerta families te t’Madhit Gzim Kruja.
Falemnders Gzim, se si ke emnin ke Shpirtin.
Ti na ke gzu e fal kaq shum momente te gzume n’at koh kur vetem pak njerz si ti kan mujt.
Past drit shpirti jot e qoshin vet ata qi ti ke dasht ma fort!
Falemnders Gzim!