Mercedez Benz kërkon prodhimin e 30 milionë maskave, nga Shqipëria

Sabina Veizaj

Kompania gjermane Mercedez Benz i ka kërkuar një kompanieje shqiptare të sektorit fason prodhimin e 30 mln maskave për punëtorët.

“Gjermania nuk e ka ndërprerë asnjë sekondë punën dhe  ka nevojë  për maska për punëtorët, të tilla që të përdoren për kohë të gjatë, përgjatë orarit të punës dhe të jenë disa përdorimshme. Pra të lahen dhe të ripërdoren duke ruajtur të njëjtën aftësi mbrojtëse ndaj koronavirusit”- thotë Florian Zekja, kryetar i Dhomës  Kombëtare të Prodhuesëve të Veshjeve.

Ai i tregon gazetës “Si” se ka nisur bisedimet me disa kompani gjermane me qëllim që të prodhojë maska pune, pasi maskat kirurgjikale, të cilat janë njëpërdorimshe kërkojnë çertifikim dhe ai në këtë kohë është vështirë për tu marrë.

“Italia për momentin është krejtësisht e bllokuar, prandaj për momentin sytë janë nga  Gjermania, që është e rëndësishme se po kërkon vetë të lidhë kontrata prodhimi”- shpjegon Zekja, i cili prej pak ditësh ka nisur një partneritet me Giz Albania për të prodhuar maska pambuku për punonjësit e ujsjellësve dhe të disa bashkive ku organizata gjermane operon.

Zekja thotë se një maskë e ka koston me shumicë 80 lekë dhe materiali është pambuk, i bërë me mbetje copash nga këmishat.

“Në fabrikën time vazhdon puna, por një numër të caktuar punëtorësh e kam angazhuar për të prodhuar maska përderisa kemi kërkesa në tregun e brendshëm dhe presim të zgjerojmë prodhimin në bazë të kontratave  që do të nënshkruajmë jashtë kufijve  për maska punonjësish”- tregon Zekja.

Çfarë i kërkuan fasonët qeverisë?

Në një kohë pandemia, kur pothuajse gjithë globi ka ndalur, fasonët shqiptarë, një nga punëdhënësit më të mëdhenj në vend ndodhen përballë vështirësive të mëdha për shkak të ndalimit të punës dhe kontratave matanë Adriatikut, Italisë furnizuesit më të madh me punë për këtë sektor.

Të ndodhur në këtë situatë të vështirë, Dhoma e Fasonistëve të Shqipërisë dhe Dhoma Kombëtare e Prodhuesëve dhe Veshjeve do ti dërgonte pak ditë më parë  një letër të hapur Ministrit të Shtetit për Rindërtimin Arben Ahmetaj për zbatimin e disa masave mbështetëse për sipërmarrjet Fason në situatën e emergjencës shëndetësore dhe ekonomike.

“Fasonistët e Bashkuar i shprehin mbështetjen e tyre Qeverisë Shqiptare për të ndërmarrë sa më shpejt që të jetë e mundur, një veprim urgjent për situatën alarmante në të cilën ndodhet ky sektor sot. Konkretisht, në situatën aktuale të mungesës pothuajse të plotë të punës me material porositës, sektori fason është i gatshëm të riformatohet, në përshtatje me kushtet e reja të tregut europian e më gjerë dhe vetëofrohet për të prodhuar me cilësi të standarteve europiane, veshjet dhe kepucët spitalore si dhe ato ushtarake e utilitare, për vendet e BE-së.”-citon letra drejtuar ministrit Ahmetaj.

Fasonët konkretisht kërkojnë që qeveria të bëhet urë lidhëse ndërmjet biznesit fason shqiptar dhe qeverisë italiane dhe pse jo edhe asaj gjermane për të riadoptuar kontratat sipas situatës.

“Me anë të këtij veprimi, ne mendojmë dhe shprehim bindjen se shpëtohen mijëra vende pune, te cilat sot, në kushtet e pandemisë botërore, janë të rrezikuara seriozisht. Po ashtu, në të njëjtën kohë i kursehen buxhetit të shtetit miliona Euro, aq të nevɔjshme sot për të gjithë ata që kanë më shumë nevojë. Gjithashtu, ndihemi kontribues të vlefshëm edhe ne, si të gjithë ata që ju jepet një mundësi për ta kaluar sa më lehtë këtë luftë”- shkruhet në letrën e hapur të fasonëve drejtuar ministrit Arben Ahmetaj.

Veprimi i Arben Ahmetaj

Sot, të shtunën, ministri Arben Ahmetaj shkruan në llogarinë e tij në Facebook se ka kontaktuar me ministrat respektivë të Ekonomisë dhe Financave në rajon dhe Europë duke publikuar dhe dy prej letrave.

“Në vazhdën e nismave për mbështetjen e sektorëve të ekonomisë të afektuar si pasojë e COVID-19, i jam drejtuar me një letër zyrtare Ministrave të Ekonomisë të vendeve të rajonit e BE, për të konsideruar mundësinë e bashkëpunimit me kompanitë fason në Shqipëri, për prodhimin e veshjeve të specializuara në mjekësi dhe uniformave të policisë e ushtrisë”- shkruan ministri Ahmetaj.

Kompanitë shqiptare të fasonit, thotë ai, në kushtet kur kontratat e mëparshme me porositësit janë ngadalësuar apo në disa raste ndërprerë, kanë përshtatur ciklin e prodhimit me situatën aktuale, për ta orientuar prodhimin drejt veshjeve dhe këpucëve për mjekët, policinë, ushtrinë dhe gjithë forcat që sot luftojnë në vijën e parë të betejës me armikun e padukshëm.

Bashkëpunimi me vendet partnere, vijon Ahmetaj në postimin e tij, nga njëra anë i jep një frymëmarrje jetike sektorit duke mundësuar vijimin e aktivitetit, dhe nga ana tjetër furnizon nevojat e shteteve që në këtë periudhë shkojnë përtej kapaciteteve të tyre.

“Jam i bindur në angazhimin e fqinjëve dhe partnerëve tanë për ta kthyer këtë në një korsi bashkëpunimi dhe përfitimi reciprok, sepse si çdo luftë, edhe këtë mund ta fitojmë vetëm nëse bëhemi të gjithë bashkë!”- përfundon ai postimin në llogarinë e tij në facebook.

Këto zakone dobësojnë sistemin tuaj imunitar

19:14 Sociale

VIDEO/ "Koronavirusi i parë nga sytë e fëmijëve", vogëlushja mesazh të ndjerë nga karantina

18:33 Sociale

Shqipëria mbyll një javë sipas pritshmërive dhe parashikimeve: Forcon vazhdimin e sheshimit të kurbës dhe fillimin e uljes së të sëmurëve faktikë

18:26 Sociale

"Kjo është lufta e tretë botërore”, Fino: Opozita të jetë në linjë të drejtpërdrejtë me qeverinë, Rama po bën një punë të shkëlqyer

17:51 Sociale

Flet për “TemA” kreu i bashkisë Elbasanit, Gledian Llatja: Elbasani qyteti model i zbatimit të rregullave të karantinës

14:40 Sociale

Xhaçka dhe Veliaj inspektojnë tregjet në kryeqytet: Ishte nevojshme që qytetarët të na përgjigjeshin me këtë sens bashkëpunimi

13:48 Sociale

Najada Çomo apel të fortë qytetarëve: Lufta nuk ka mbaruar, respektoni masat. Sëmundja ka pabesi, është tinëzare

13:41 Sociale

Rezervat e Shtetit, Ministrja Xhaçka: Gati asistenca ushqimore për më shumë se 30 mijë familje në nevojë

12:00 Sociale

Tregoi gjendjen kaotike nga koronavirusi në Wuhan, Kina akuzon shkrimtaren si 'Jopatriote

11:35 Sociale

Ndikimi i pandemisë së Covid-19 në bujqësi, Çuçi mbledh shoqatat e agrobiznesit: Situata në monitorim të vazhdueshëm, mbledhim propozimet për paketën e ndihmës

11:00 Sociale