Te fundit
“Gabova me Del Piero e CR7, duhet ti kisha marrë”: Galliani rrëfen pengjet në drejtimin e Milan
14 Prill 2020, 13:30Sport
TEMA
Adriano Galliani, ish-administratori i deleguar Milanit, ka treguar disa prapaskena të merkatos në një intervistë të dhënë për mikrofonët e Sky.
Në kujtimet e AD aktual të Monzës kanë qenë pikat që ndoshta mund të ndryshonin historinë e atyre viteve: “Goditjet e munguara? Jo shumë vjet më parë, ishte një lojtar që duhej të mbërrinte, por më pas nuk erdhi, domethënë Karlos Tevez.
Një tjetër lojtar që praktikisht e kisha marrë njëherë pesë vjet para ardhjes së tij tek Milani ishte Roberto Baggio. Por në atë kohë ndërhyri Juventus dhe u krijua armiqësia e tyre me Fiorentinën”.
Më pas erdhi radha e gabimeve të bëra: “Totti dhe Del Piero? Del Pieron kisha provuar ta merrja përpara se Alex të shkonte tek Juve. Janë dy lojtarë që i qaj shumë dhe me të vërtetë më vjen keq: Del Piero na e ofrouan 5 miliardë lireta nga Padova, por nuk ishim të bindur, ishte një shifër e rëndësishme për një djalë shumë të ri.
Tjetri është Cristiano Ronaldo: edhe në këtë rast, Sporting na kërkonte një shifër shumë të lartë, rreth 16-17 miliardë për një lojtar që ishte vetëm 16 vjeç.
Totti, përkundrazi, e kemi kërkuar gjatë, por nuk ka dashur kurrë nuk donte të ikte nga Roma”.
Lini një Përgjigje
Më të lexuarat
24 oret e fundit
Javen e fundit
Blog Tema
