Ish ministri i LSI: Burg, burg, burg, por druri nuk ka dalë nga xheneti! Kodi Penal ngjan me një ndërtesë që i janë bërë shtesa kati

Ish-ministri i Drejtësisë, Ylli Manjani ka reguar lidhur me  miratimin e disa ndryshimeve në Kodin Penal, sa i takon  masave ndëshkimore për ata  që thyejnë rregullat në këtë kohë pandemie.

Përmes një postimi në ‘Facebook’ Manjani propozon miratimin e një Kodi Penal tërësisht të ri, për një shoqëri, sipas tij, të re.

Kodi Penal aktual për Manjanin ngjan me një ndërtesë që i janë bërë shtesa kati, shtesa anësore, shtesa ballkonesh e hapje muresh krejt pa strukturë.

Postimi i Manjanit:

“Jo çdo e keqe vjen për të keq”- thotë populli.

Ashtu është në fakt.

Ndoshta duheshin edhe këto ndërhyrjet majmuneske, të drejtë ka dr.Solis, që të kuptohet gjerësisht se Kodi Penal si baza e drejtësisë penale në vend duhet hedhur edhe formalisht në kosh.

Duhet me patjetër një KOD I RI PENAL! Aktuali ngjan me një ndërtesë që i janë bërë shtesa kati, shtesa anësore, shtesa ballonesh e hapje muresh krejt pa strukturë.

Duhet një Kod që të ketë kuptim, të bëjë sens, të ketë llogjikë dhe të jetë i thjeshtë për t’u kuptuar nga kushdo.

Duhet një KOD I RI që të dekriminalizojë dhe jo të kriminalozojë shoqërinë. Një kod që të merret me veprën kriminale jo tek veprimtaria civile. Jo çdo veprim i njeriut është krim, dreqi e mori!

Duhet një Kod i Ri që ndëshkron veprimin jo mendimin. Ndëshkimi i njeriut pse mendon dhe e shpreh atë që mendon, qoftë dhe në telefon apo në bisedë të lirë është i PAPRANUESHËM.

Duhet një Kod i Ri që të vendosë reagimin e shtetit në proporcion të drejtë me reagimin e vërtetë kriminal. Duhet ndarë drejt hallexhiu nga zengjini dhe i forti nga i vobekëti.

Proporcionaliteti është baza e një shteti të drejtë dhe të barabartë për të gjithë.

Duhet një Kod i Ri Penal e Procedural që denimi të vijë nga provat dhe jo nga supozimi. Shteti duhet të ketë barrën të provojë, ndërsa individi është i lirë e i pafaj deri sa ti jetë provuar fajsia.

Duhet një Kod i Ri që të ndalojë çdo qeveri e zyrtar shteti të shkelë interesat legjitimë të individëve.

“Druri nuk ka kalë nga xhehneti”, por nga Xhelati!

Kodi Penal duhet të jetë “arma me leje” e qytetarit për t’u mbrojtur nga çdo zyrtar abuzues. Jo më patllakja apo kërbaçi i pushtetit në kurriz të qytetarit!

Nga ana tjetër zyrtari duhet të përgjigjet penalisht për pasojën e veprimeve të tij, jo për rregullat konfuze që ja vendosin eprorët.

Duhet një Kod i Ri që të pasurohet në zbatim vetëm nga Gjykata e PAVARUR dhe jo nga Parlamentarë ledh-shkarë.

Po pa dyshim që duhet një Kod i Ri për të ndarë në mënyrë të drejtë hakën që i takon secilit për atë që bën.

Duhet një kod i shkruar thjeshtë që ta pranojë edhe analfabeti kur tja lexojnë dhe jo një kod me gjuhë druri që se kupton nga të vjen.

Në fakt duhet të ishte bërë një Kod i Ri, por nuk deshën as ta dëgjojnë këtë gjë.

Tani i ka ardhur siraja që të bëhet një KOD I RI. Besoj ndryshimet e fundit duhet të kenë bindur jo më juristët, por të gjithë se kjo që shpallesh kriminel pse del nga shtëpia, ndërsa nxjerrja nga burgu pa vendim gjykate e kriminelëve, të bën “baba të Kombit”, është kulmi i Padrejtësisë e pabarazisë!

Kodi i Ri duhet të jetë pjesë e RISTARTIT të shoqërisë demokratike.

Më çudit që opozita zyrtare as nuk e artikulon këtë gjë. Por ligjet e majmunizmit politik të këtij palo Parlamenti duhen hedhur në kosh, nëse vërtetë duan të sjellin ndryshimin e premtuar.
Nejse, temë tjetër kjo.

Por insistoj: Duhet KOD I RI, nëse duam një shoqëri të drejtë!

#vendikanevojëpërRISTART#

Vokshi dhe Alibeaj thyejnë karantinën, në fashën e "liridaljes" së pensionistëve akuzojnë qeverinë poshtë ditares së Manastirliut

11:59 Politika

Dëshmia nënkolonelit të Sigurimit: Denoncova te Enveri, ‘bombën në ambasadën sovjetike’ dhe atentatin ndaj Hysni Kapos, por më çuan roje nate dhe burgosën djalin

08:56 Politika

Ish deputeti i Shkodrës hidhet në sulm, politikë me "kryeveprën" e PD: Ka shumë të infektuar, Rama tenton t'i fshehë

21:19 Politika

I çuan dy sapunë, një vaj e një sheqer për ta nxjerrë në Facebook, ish e përndjekura “masakron” Mesila Dodën: Mjaft më me poshtërsi, për pak audiencë të cënoni dinjitetin

20:18 Politika

PD i fut në "inventar" dhe 2 marsin e Metës, Paloka: Rama vrau njerëz, ja sa vite burg parashikon ligji. Ti lërë dënglat

19:06 Politika

PD kërcënon shqiptarët me uri, Bardhi: Për qytetarët nuk ka para, nuk ka ushqim

18:47 Politika

Rama bën një lëshim për pensionistët: Ja kur mund të dilni për të marrë ajër, kujdes, vetëm me një shok

16:58 Politika

“Pranvera” Rama-Meta, armëpushim i përkohshëm, apo një stinë e re?

16:47 Politika

Koronavirusi nuk e pengon integrimin, Hungaria: BE të nisë bisedimet me Shqipërinë pas verës

16:26 Politika

Rama mesazh në prag të tre javëve shumë të rëndësishme: Ja plani jonë i hapjes graduale, risku dhe të panjohurat

16:24 Politika