Shkon në 548 numri i personave të prekur me koronavirus në Shqipëri

Ministria e Shëndetësisë bën me dije se ka shkuar në 548 numri i personave të prekur nga koronavirusi në vendin tonë.

Deklarata e ministrisë:

Në 24 orët e fundit janë testuar 231 persona të dyshuar si bartës të virusit, ose të sëmurë me COVID-19. Nga rezultatet e testimeve janë konfirmuar 9 raste pozitive me COVID19. Nga rastet e reja 5 i përkasin Kurbinit, 2 raste në Kukës, 1 rast në Tiranë, 1 rast në Fier.

Deri në këto momente janë testuar 5311 raste të dyshuara dhe prej tyre janë të konfirmuar pozitivë me COVID-19, 548 raste, pra rreth 10% e të gjithë të testuarve.

Kjo shifër, e komentuar nga epidemiologët, tregon për një kontroll të mirë të epidemisë dhe për një numër krejtësisht të mjaftueshëm tesimesh për të vlerësuar situatën.

Gjatë 24 orëve të fundit, 19 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 302.

Aktualisht në vendin tonë janë 220 persona të infektuar aktivë dhe siç shihet, numri i të shëruarve është më i lartë, dhe kjo tendencë tashmë vazhdon pa luhatje që prej 7 ditësh.

Deri sot, 26 qytetarë e kanë humbur betejën me këtë sëmundje, megjithë përpjekjet e stafit mjekësor.

Ju informojmë se, në shërbimin infektiv aktualisht janë 35 të shtruar. 7 pacientë janë në terapi intensive.

Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 prej tyre janë në pavion.

Në dy spitalet COVID aktualisht po marrin shërbim 43 pacientë.

Harta e të prekurve nga COVID-19 zgjerohet në Kurbin, Tiranë, Kukës dhe Fier.

Shpërndarja gjeografike e rasteve pozitive, është si vijon:
– Tiranë 246 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 94 raste
– Lezhë 14 raste
– Berat 2 rast
– Has 13 raste
– Krujë 11 raste
-Tropojë 4 raste
– Pukë 5 raste
– Mirditë 3 raste
– Kukës 11 rast
-Mallakastër 1 rast
– Kurbin 7 raste

Pavarsisht luhatjesve në numrat ditorë të zbulimit të bartësve të virusit apo të sëmurëve prej tij, situata është njëlloj e kontrolluar.

Treguesi i vërtetë është numri i të shtruarve në spitale, që vazhdon të mbetet në shifrat e qëndrueshme, më pak se 15% e të prekurve aktivë.

Në mënyrë që situata të vazhdojë të jetë e kontrolluar është e rëndësishme që qytetarët me durim të respektojnë masat e distancimit fizik, si e vetmja mënyrë e kufizimit të përhapjes së infeksionit.

Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsye.

Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40. (TemA)

Lista e plotë: Të gjitha bizneset që lejohet të hapen nga dita e hënë

10:53 Sociale

Distanca në plazh: Modeli italian që do të aplikojë Shqipëria për sezonin turistik

10:15 Sociale

IuteCredit në ndihmë te përballimit të krizës së COVID-19 në Shqipëri

10:30 Sociale

Mbyllja e kufijve i bllokon në Shqipëri emigrantët nga Lindja e Mesme

09:04 Sociale

Albin Kurti flet për testet e COVID-19 të ardhura si donacion nga Serbia: Ishte një gjest i mirë

21:24 Sociale

Karantina e biznesmenes shqiptare: Të kesh burrin në shtëpi 24 orë, hall i madh. Tani i besoj kushërirat e komshiet, kur thonin se na ka gjet belaja

21:14 Sociale

Ilaçi që lufton Covid-19: Eksperimenti tregoi se pacientët shërohen në pak ditë

20:58 Sociale

Doktor Arben Gjata: Jemi më mirë se skenari më i mirë që kishim parashikuar

20:29 Sociale

Forcat e Armatosura shpërndajnë ushqime nga Rezerva e Shtetit për familjet e dëmtuara nga tërmeti, Xhaçka: Së shpejti dhe banesa të reja

19:56 Sociale

Ekonomia perverse e respiratorëve

18:36 Sociale