Koronavirusi sjell kolaps në tregun e naftës, një fuci shitet nën 1 dollarë

Kemi dëgjuar shpesh herë në dekadën e fundit alarmin mbi të ardhmen e naftës, burimet e të cilës mund të shteronin nga një moment në tjetër. Një alarm i kuptueshëm, nga momenti që shoqëria globale lëviz dhe përparon falë atij karburanti, dhe në situatën ku në vitin 2008 me krizën financiare, fuçia kapte pothuajse kuotën e 150 dollarëve.

Sidoqoftë, ajo që mund të thuhet ditët e fundit është që jo vetëm sasia e naftës është e madhe, tek vendet prodhuese, por që kriza e pandemisë e ka ulur çmimin në nivelin më të madh të regjistruar ndonjëherë.

Indikatori Wti, që vlerëson naftën amerikane, dje ra me 40%  duke shënuar vlerën 11 dollarë për fuçi, dhe sot po shënon rekord negativ duke u ulur poshtë 1 dollarit. Mund të thuhet se nafta amerikane, të paktën ditën e sotme, ka humbur çdo vlerë.

SHBA përmes teknikave të avancuara kanë filluar të prodhojnë në territorin e tyre një sasi më të lartë nafte, duke u shndërruar në një prodhues global, pothuajse i pavarur nga Lindja e Mesme. Por në uljen marramendëse të këtyre ditëve shkaku është vetëm një, bllokimi i pothuajse çdo aktiviteti nga pandemia e koronavirusit.

Me fabrika, automjete, aeroplanë që si asnjë herë më parë janë detyruar të fikin motorët për muaj të tërë, sasia e naftës në stok është tashmë e papërballueshme për Shtetet e Bashkuara. Mungojnë, faktikisht edhe vendet e magazinimit, nga momenti që ato ekzistuese janë tashmë plot.

Këtyre problematikave i shtohen situata globale, ajo e ndikuar nga pandemia, por edhe “fërkimet” e shpeshta të dy nga prodhuesit më të  mëdhenj, Rusia dhe Arabia Saudite, në lidhje me “prerjen” e prodhimit, e domosdoshme për të mbajtur çmimet e indikatorit BRENT, atë ndërkombëtar, në një kuotë të arsyeshme, që e bën të leverdishëm prodhimin.

Studimi: Niveli i ndotjes së ajrit kontribuon në vdekjet nga Covid-19

20:48 Bota

Angela Merkel: Kina duhet të bëjë transparencë për koronavirusin

20:33 Bota

Të qënit, të pasurit dhe pushteti në krizë

20:02 Bota

COVID-19: Erdogan shtrëngon masat në Turqi, vendi do të izolohet për 4 ditë

19:55 Bota

Shkencëtarët parashikojnë si do të ndikojë rihapja tek epidemia

19:11 Bota

Bilanci i pandemisë së COVID-19 në botë

17:24 Bota

Së shpejti mund të vishemi më lirë: Ja 6 mënyra si do ta përballojnë tregtarët stokun e tepër të rrobave që është grumbulluar për shkak të Covid-19

15:53 Bota

“Togo”, historia e një miqësie të madhe midis një burri dhe qenit të tij

15:46 Bota

“Duhet të bashkëjetojmë me pasigurinë”

15:41 Bota

"Grazie Albania", video falenderuese nga Lombardia për ndihmën e dhënë: Faleminderit vëllezër!

14:47 Bota