“Pse është tulatur presidenti me gruan e tij”, Rama fut në “sherr” mediat e Bashës me të Metës

Ilir Meta ka mbajtur një qendrim normal gjatë krizës së koronavirusit.

Kjo gjë ka shqetësuar mediat pranë PD-së, të cilat kanë frikë se ai ka bërë një pazar të ri me Edi Ramën.

Lapsi.al, një portal kritik me Ramën dhe pranë PD-së, ka bërë një shkrim kritik sot ndaj Metës.

“Nëse në të gjithë botën është ngritur alarmi se në kohë gjendjesh së jashtëzakonshme autokratët bëhen më të rrezikshëm, Ilir Meta ka vendosur ta shfrytëzojë këtë periudhë për paqe. Mes tij dhe kryeministrit tonet janë shndërruar si në kohët kur nuk ishin armiq, por vëllezër.

Këtë e ka konfirmuar edhe vetë Edi Rama i cili në një lidhje direkte me Neës 24, u shpreh se Meta ka mbajtur një pozicion shumë për t’u respektuar dhe ka qenë shumë konstruktiv.

“Pozicioni i presidentit në këtë situatë nuk le asgjë për të dëshiruar, ka qenë në rolin e tij dhe me një përmasë përgjegjshmërie qe është për t’u respektuar plotësisht. Mos të merremi se çfarë iku, por me çfarë kemi sot, e të shohim çfarë vjen.

Presidenti, që ishte bërë më para njësh me opozitën, tani është bërë njësh me popullin. Po bën gjënë e duhur dhe respekt për këtë që po bën. Unë nuk e kam problem asnjë herë të them atë që mendoj”, tha Rama.

Dhe në fakt vëzhgimi i kryeministrit është i drejtë. Presidenti i ka bërë të gjithë lëshimet e mundshme. Ai organizoi mbledhjen e parë të Këshillit të Sigurisë, ashtu sikurse ia kërkoi Rama, përmes videokonferencës.

Sa herë ka dalë në publik ai ka folur as më pak dhe as më shumë me gjuhën e një ministri të kabintetit qeveritar. Ai nuk ka pranuar të pohojë se ka problem me testimin sipas porosive të OBSH-së, ai nuk ka artikuluar asnjë kritikë për mangësitë dhe mungesën fillestare të paisjeve për personelin mjeksor.

Meta duket sikur po zbaton slloganin “në kohë lufte i harrojmë konfiketet tona të vogla”. Dhe më këtë parrula ka arritur deri aty sa të botojë në rrjetet sociale edhe fotot e pritjes së ndihmave nga Gent Cakaj, duke harruar se atë s’ka pranuar ende ta dekretojë si ministër të Jashtëm.

Por, fakti që bën më tepër përshtypje është se presidenti ka bërë të heshtë edhe bashkëshorten e tij, kryetaren e LSI-së, Monika Kryemadhin. Për të gjetur sulmet plot nerv, pathos dhe me kënd goditës 180 gradë të “doktoreshës”, duket të kërkosh në arkivat e një muaji e ca më parë. Kjo lloj sjelljeje dhe ky transformim brutal i ka dhënë fund edhe formalisht pandehmave se LSI nuk është një parti familjaro- presidenciale”, shkruan Lapsi.al, që tregon edhe tri arsyet e mundshme të zbutjes së Metës me Ramën:

“E para, mund të ketë lidhje me një operacion rregullimi imazhi. I akuzuar shpesh se sulmet ndaj qeverisë po i bën për të rritur pushtetin e vet personal në këtë krizë, Meta mund të dojë të të duket ashtu sikurse e përshkroi së fundi Rama, si i bërë “njësh me popullin”.  Pra se qëllimet e tij nuk janë personale, por në emër të një interesi më të gjërë.

E dyta, mund të ketë të bëjë me rolin politik për primatin e opozitës. Pasi organizoi një tubim impresionues në fillim të marsit, pasi demostroi mbështetje dhe forcë duke sfiduar hapur paqen që Basha i krijoi Ramës para Konferencës së Donatorëve dhe hapjes së negociatave, Meta kërkon t’i dërgojë një mesazh PD, se ai di të bëjë edhe luftën, edhe paqen. Prandaj mjerë Basha nëse imagjinon një marveshje të re të fshehtë me kryeministrin.

Versioni i tretë, ai më kompromentuesi, është që Meta të ketë bërë vërtet një pakt të fshehtë mos-sulmimi. Përndryshe, njeriu që përbetohej se nuk do lejonte rikthimin e vendit nën diktaturë, e për të mbrojtur këtë bindje ishte i gatshëm të sakrifikohej si Salvador Aliende, nuk ka si të mos shprehë asnjë shqetësim për drejtimin e shtetit përmes Facebookut. Ai që më parë gjurmonte sekondat dhe minutat e botimit të njoftimeve në fletoren zyrtare, nuk mund të qëndrojë indiferent me faktin se regullat e gjendjes së jashtëzakonshme zbatohen pas shpalljes fillimisht në ERTV dhe vetëm pastaj hidhen në letër. Ky është në fakt transformimi impresionues i Ilir Metës.

Por nëse zbutja e toneve të metës me Ramën është evidente, mister mbeten ende arsyet e kësaj kthese të papritur.”

Menjëherë pas këtij shkrimi ka reaguar gazeta “Koha Jonë” e Nikoll Lesit, e njohur si zëri zyrtar i Ilir Metës dhe LSI-së.

Ajo i është përgjigjur në mënyrë indirekte, sulmit të portalit Lapsi.al, duke thënë se me Ilir Metën nuk ka ndodhur asgjë.

Ja çfarë shkruan gazeta e Lesit:

“Paralel me shqetësimin e pandemisë së Covid-19, në Shqipëri po ecën tash dy ditë edhe meraku nga disa grupime dhe analistë se përse kryeministri Rama po lavdëron presidentin Meta, bile në mënyrë habie shprehen që pse e quan model respekti, Metën, tash në kohën e pandemisë.

Për të qenë realist, Ilir Meta, Sali Berisha dhe Edi Rama janë politikanë race. Kanë me shumë se 25 vite mbi supe karrierë dhe sprova përballje, afrimi, kompromisi dhe lufte. Edhe Fatos Nano ishte politikan kalibri, por duket se ka dalë në pension. E nxori vetë veten në shtator 2005, kur mund të luante ndryshe. Por tani ai është në arkiva!

A nuk është betejë mes jetës dhe vdekjes politike, kjo betejë?!

A jemi në kohë pandemie ekstreme ku edhe bota nuk do të jetë më, siç ishte para marsit 2020?

A nuk duhet bashkëpunuar, edhe me “armikun”, kur ARMIKU më i madh ndodhet kudo dhe nuk e shikojmë, por merr jetë njerëzish?

A nuk tregoi Ilir Meta se edhe pa të tjerë, që realisht e sabotuan, mbledh dhjetëra e dhjetëra mijë qytetarë në Bulevard, siç ndodhi me 2 mars?

Realisht Bota ka ndryshuar shumë, madje edhe më shumë do jetë më virtuale pas ikjes së koronës. Edhe Shqipëria pjesë e Botës mbetet!

Të gjithë po ndryshojnë nga pak, dikush për mirë dhe stoicizëm; të tjerë në arrogancë. Por e mira e mposht arrogancën, edhe ARROGANCA duhet të kuptojë se nuk mund ta shtyjë gjatë me këtë udhë pa krye, pasi financat po pakësohen, njerëzit po revoltohen, policia nuk mban më me gaz lotsjellës asnjeri, sepse kur sytë të mjegullohen nga mbyllja në shtëpi pa bukë apo edhe kur ta lirojnë lakun e daljes, por nuk ke punë, njeriu nuk pyet më për GAZ!

“2 Marsi” tjetër do jetë i paparë, nëse detyrohet të ndodhë!

Ndaj secili në punën e tij; njeri drejt 2021-it dhe tjetri për korrik 2022.”

(TemA)

"Ka ardhur momenti që opozita të zbresë në fushë", Shehi: Rama po pastron para

11:41 Politika

Deputeti Gjuzi nuk duron më: Kemi 44 ditë nën diktaturën e Edi Ramës, Meta i dha kompetenca. U bë komandant i Përgjithshëm i FA

09:22 Politika

Taulant Balla: Shqipëria në luftë me Covid-19, Lulzim Basha harxhon 60 mijë dollarë për lobing. T’i çoje për nevojtarët këto para Lul

09:16 Politika

FAKSIMILE/ Skandali i Lulzim Bashës në kulmin e pandemisë së COVID-19: Kontratë me kompaninë që lobon në SHBA për Manduron

08:41 Politika

Diktatori Kim Jong Un, në gjendje të rëndë pas një ndërhyrje kirurgjikale?

08:33 Politika

Taulant Balla: Parlamenti Europian mbështeti aspiratën europiane të vendeve të Ballkanit

23:57 Politika

SONDAZHI/ Si do votonin shqiptarët sot: PS do merrte 55% (mbi 800 mijë vota), PD 34%, LSI bie

23:23 Politika

SONDAZHI/ 87% e shqiptarëve vlerësojnë pozitivisht punën e kryeministrit ndaj koronavirus

23:00 Politika

Doktor "Vdekja" del nga binarët: Ftoj shqiptarët t’i konsiderojnë të vdekura deklaratat skizoide të Ramës dhe të ngrihen sa më parë në protesta të fuqishme

22:16 Politika

Fatos Lubonja kërkon tampon: Jemi vendi me numrin më të ulët në Ballkan, menaxhimin e krizës e shoh tek numri i testeve

22:03 Politika