Te fundit
Mashtrimi me një foto dhe një dëshmi e rrallë (botohet për herë të parë)
26 Prill 2020, 18:38Politika
TEMA
Nga Auron Tare
“Personi ulur në mes të fotos është Kadri Cakrani. Për disa kohë ishte kundërshtar politik i Ahmet Zogut.
Për këtë arsye u burgos disa muaj në burgun e Shkodrës. Është i veshur mirë. Këpucët e modës së fundit i ka porositur nga Austria. I kollarisur, i veshur mirë dhe i shëndetshëm.
Ka thirrur Marubin këtu për t’i bërë një foto më 5 mars 1936 me administratën e burgut (fotografia ruhet nga familja).
Sikur fotoja të mos kishte shënimin se është bërë në burg, do krijohej perceptimi se Kadriu ishte drejtori i burgut. Ky pra ishte burgu i kohës së Zogut…”
Postimi i mësipërm i një ish-drejtuesi arkivash tregon vazhdimësinë e falsifikimit të historisë nga ata që pretendojnë se e njohin mirë dhe e ruajnë atë. Ish drejtuesi i arkivës flet pikërisht për foton e Kadri bej Cakranit i cili për pjesëmarrjen në Kryengritjen e Fierit u burgos nga Zogu.
Komenti i ish drejtuesit kërkon të na japë një atmosferë ku të burgosurit e Zogut trajtoheshin jo vetëm në mënyrë humane por edhe qëndronin në burg më shumë si në një kamp pushimi.
Falsifikatorët e Historisë. A ka vlerë gjysëm e vërteta?
Ahmet Zogu si politikan shqiptar ishte po aq i ashpër sa paraardhësit e tij por duhet theksuar shumë më i zgjuar se shumë nga drejtuesit e këtij vendi. Diti të ishte edhe i rreptë por edhe tolerant për interesat e pushtetit të tij. Ashpërsia që tregoi nga kundërshtarët gjatë këtij rebelimi krijoi një reaksion nga ndërkombëtarët dhe si pasojë ai e zbuti qëndrimin e tij.
Megjithatë le të lexojmë Kujtimet e veta Kadri Bej Cakranit se si e trajtoi Zogu atë dhe familjarët e tij pas dështimit të Kryengritjes. Duhet thënë se kjo Kryengritje që e trazoi shumë Zogun u përball me një kundër-përgjigje shumë të ashpër dhe u desh ndërhyrja e huaj për të falur disa nga kundërshtarët e Zogut nga dënimi me vdekje.
Nuredin Bej Vlora djali i ish Kryeministrit Shqiptar të Perandorisë Otomane, Ferid Pashës u rrah aq shumë në burg sa preu damarët dhe tentoi vetëvrasjen. Ishte ndërhyrja e ish gruas së tij amerikane pranë Departamentit të Shtetit për t’i falur jetën.
Më poshtë lexoni shënimin e vetë Kadriut që po e sjellim sot për lexuesit e DITA për të kuptuar se çfarë falsifikimi vazhdojnë ti bëjnë disa historisë sipas interesave politike apo personale për të kuptuar nëse shoqerisë sonë i mjaftojnë gjysëm të vërteta apo e gjithë e vërteta?
Nga kujtimet e Kadri Bej Cakranit:
Operasjoni kish filluar që në Lushnje dhe Zogu vetë me Musa Jukën ishin në hall dhe për këtë kërkonin lajme ç’do tre orë. Komandant Operasjoni kishin vënë Ali Topallin me kompetenca dhe fuqi pa kufi, bile edhe Kryetar i Gjykatës së Krimeve që u ç’pall në moment. Ata ishin në hall, se mos plaste prapë si plasi dhe duhet të kishin mundësi të merrnin informata nga ne dhe filluan rrahjet me kamxhik të parat.
Ali Topalli ikte vetëm për bukë në drekë, po nuk lëviste nga burgu. Ulërimat në korridorët e burgut të Fierit, që t’i tregonte shërbimin e Tij Ali Topallit, i bënte drejtori Spiro Mojsiu, një i krishterë i devotshëm, që e morën më vonë dhe në Shtab të tyre Komunistët. Ai, si njeriu që kishte çelsat, hynte dhe vetë nëpër biruca dhe të qëllonte që aty, kur ne ishim të lidhur.
Këtë e bënte të dukej, po ata që kishin ardhur nga Tirana j’a ndaluan hovin. I thanë se mund të bënte vetëm punën e komandantit dhe të jepte ndihmë, kur t’i kërkonin ata. Në pamje dukej si i egër, po kur bëhej i urtë para atyre duke i nderuar lepe peqe, e dalloje që ishte shejtan budalla, si thotë populli.
Xhandarët që rrihnin me kamxhik ishin të gjithë nga Tirana me porosi të vetë Musa Jukës dhe dihet, të vetë Mbretit. Xhandarët e Fierit u pushkatuan të parët dhe gardjanët i kishin përjashtuar, se nëpër korridore ishin vetëm këta. N’a linin ditë e natë me hekura nëpër duar dhe nuk n’a i hiqnin, vetëm ato minuta që mund të quhej se hanim bukë. Kur futeshin për të n’a marrë në pyetje, ose për torturë në biruca, hynin nga pesë vetë, apo më shumë që t’i tërhiqnin zvarrë të arrestuarit.
Në pyetje më kishin marrë nja dy herë, po ata i kishin informatat e sakta se si kishja vajtur tek maqina dhe ishja siguruar se ish vrarë Xhenerali apo jo. Më tërhoqi nga duart e lidhura një xhandar nga këta të korridoreve ku do më çonte për torturë a pyetje, dhe duke qënë se e morrëm vesh se do vdisnim, (i pari Bektash Beu,) e tërhoqa me sa fuqi kisha pas vetes.
Ai ra dhe të tjerët që aq donin, u sulën duke qëlluar mua me ç’farë të kishin në duar. Ai që ra u çua dhe po i rridhte gjak nga goja, ndërsa njëri iku dhe erdhi prapë me një dhogë në dorë. U fut në të rrahur dhe ai që e rrëzova në fillim, në këtë kohë që po mblidhesha kruspull nga goditjet, dhe në atë moment u ngrita lart, duke e qëlluar me një shqelm sa kishja fuqi, m’u në gjoks. Ai u plas pas derës prej hekuri të qelisë dhe pasi ra, nuk u ngrit më.
I shtyja sa kishja fuqi duke i rrëzuar, dhe prapë me shqelme xhandarin e parë që erdhi. Pasi më sollën në birucë, këtë herë e deri në fund hekura më vunë dhe tek këmbët. I toruronin të gjithë vetëm Bektash Benë jo, se kujtonin dhe i gënjente mëndja se do të tregonim që ai ishte që kish organizuar atentatin. Këtë e dinin të gjithë, po donin t’a poshtëronin, duke torturuar ne.
Dihet që Ali Topalli, që kishte ardhur posaçërisht për të ekzekutuar atentatorët, dhe torturonte personalisht Jasharin e xhaxhait, Sulo Beut dhe tani e ndjenim që bëmë gabim që lamë atë për atentatin. Nga dhoma e torturës që nuk ishte larg ulërimat i dëgjonim dhe unë i njihja nga zërat e tyrej. Pas disa ditëve torturë, Jashari u vdiq në duar, se e kishin qëlluar fort në kokë, kështu që ata njerës të Mbretit duhet të jenë kënaqur që vdiq. Ata nuk pushkatonin dot neve, se Mallakastra do ishte minë gati sa të ish gjallë Mbreti.
Ali Topalli e kish lidhur Jashar Cakranin për karrige dhe e kishte qëlluar pa pushim me një dërrasë në shpatull. Ai ishte tërbuar nga që Jashari ishte ngritur me gjithë karrige dhe e kish zënë nënë vete Aliun duke e qëlluar me bërryla dhe me kokë në fytyrë. Atëhere u futën dhe dy vetë të tjerë, po si u ngrit ai i hoqi. Mori atë dërrasën dhe po e qëllontë në kokë pa pushim rreth një orë, deri sa i vdiq në duar. Jasharin e kish mbuluar gjaku nga koka më keq se Xhenerali që vrau dhe më pas e nxorrën me një barrelë, që i nxinte vetëm gjysmën e trupit.
Që të mos hiqej zvarrë se mos binte nga vigu, këmbët j’a mbante me mundim një xhandar tjetër, duke u bërë nja pesë vetë, pa të vrarin. Sulo Bej Cakrani vetëm atë djalë kishte dhe ishim gati të vriteshim ne në moment, vetëm Jashari të mos vdiste. E kishin çuar ne spital, që t’a bënin për të vdekur dhe të mbyllej puna e atentatit. Mbreti do të kënaqej.
Sulo Beut iu tha që t’a merrte në shtëpi ashtu të vdekur, e t’a varroste. Ata nuk e lanë, se dilnin përgjegjës dhe kohë më pas i bënë letrat dhe e nxorrën nga burgu. Ata e bënë këtë që të thoshin se e nxorrëm të gjallë, po Jashari binte në coma. Më vonë n’a thanë se kish shpëtuar gjallë e keq dhe Sulo Beu e kish çuar tek doktori këtu për t’a parë. Doktori e pa dhe i tha xhaxhait se ky është edhe i vdekur, edhe i gjallë, ku gjithë ai trup atleti, herë herë mezi dëgjohet zëmra.
E kishin rregulluar të mos tronditej më dhe e kishin hipur në anije pesë vetë me gjithë Sulo Benë. Në Itali i kishin thënë po këtë gjë dhe xhaxhai që m’u dhimbs më shumë se vetja në këtë minutë, qante tek koka e të birit, i gjallë dhe i vdekur”.
21 komente në “Mashtrimi me një foto dhe një dëshmi e rrallë (botohet për herë të parë)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duam mendimin e Karlocit, se ai thote te verteten!
Historia e Kastriot mavrise, qehajait te Fahri agait, trimit te Mokres, te dashuruarit te perjetshem te Sali Bishes dhe Ilir Floririt. Eh, te shkruaj historine Kastrioti eshte si te q.. breshka gomarin.
Tare, nuk ke cfare shton me tej
Ahmet Zogu, ky satrap, ky mediokerr, ky njeri injorant sa vete koha, meriton te denigrohet per ato te zeza qe ka bere ne kete vend.
a ka te mira ?
natyrisht po
Ahmet Zogu, jo me kot eshte quajtur satrap.
– Ai vrau pa gjyq shume nga kundershtaret e tij, qe nga Hasan Prishtina, Bajram Curri, Luigj Gurakuqi, Avni Rustemi, Isa Boletini e shume e shume te tjere. Vrau dhe Enveri, por te pakten ju bente nje gjyq formal. Megjithese deri me tash, ata qe ka vrare Enveri, pothuaj te gjithe kane qene bashkepunetore me pushtuesin ose te shitur ne agjenturat e huaja. Tradhetare qe shkuan dhe i dhuruan kuroren e Skenderbeut , perandorit te Italise.
Si ky beu i Cakranit.
Pastaj, se eshte folur se ne kohen e Zogut ka patur me shume demokraci.
Zogu qe i pari qe ndaloi pluralizmin politik dhe denonte krijimin e partive politike. Ne kohen e tij nuk jane zhvilluar kurre zgjedhje.
ik er dreq studjo cik histori mos na trego perralla ketu . idjot
Le te na e tregoje vete Zogu historine me shkrimet e tij. Jam shume i interesuar te mesoj mendimin dhe shpjegimin e tij per ngjarjet politike dhe historike te kohes. Gjithe ato vite ne emigracion, thone se ai jo vetem dinte shkrim e kendim, por ka shkruar me qindra libra. Ishte studiues dhe dijetar i madh Zogu, por sidoqofte jo me i madh se ty o “h”, ti o ylli polar i diturise!!!
(Me duket se jane gjetur dy shkrime te shenjta te Zogut. Ne nje leter ka vene firmen, ndersa ne nje leter tjeter ka vene firmen bashke me njollen e gishtit. Eshte ne kerkim dhe nje leter e trete, ku ka vene edhe nje + ne leter)
Fort i nderuar sufllaqexhi!
Kujt i bënte gjyqe formale Enver në kampin e Tepelenës fëmijëve 2 muajsh?
Po në Postribë, Mirditë etj kujt i bëri gjyq?
Po kosovarëve nacionalistë që vranë nacional-çlirimtarët para se serbët të hynin në Kosovë?
Ka një të vërtetë të madhe që askush nuk e thotë të plotë: po të heqim Avni Rustemin, që është histori më vete, Luigj Gurakuqi, Bajram Curri dhe ca të tjerë praktikisht kishin vendosur në pushtet persona me anën e armëve. Dhe për më tepër kanë harruar të thonë që adhuronte dhe Misolinin deei sa ky i preu rrugën (B.Valteri, Q. Mulleti) . Për Isa Boletinin e vranë në fillom të Luftës së Parë dhe për këtë çështje, nuk ka rob që ka kaluar vetë në histori, nuk mund të mendohet se është dora e Zogut.
Ceno, e ke mbaruar filloren ti katnaro!? Jo per gjo, po idiote si puna jote do bejne mire te kullosin lopet …
ANALFABET, INJORANT ORDINER!
Zoti Auron! po përtoj të shkruaj, aq më pak të bëj debat koti, por do të lutesha që nga “i zgjuari”, pra Ahmet Zogu t’më gjeje nja dy faqe shkrimi nga dora e tij. Kadriun e lëmë mënjanë, se më turbëllon 4 shkurti 1944 ku ai vrau e preu, por ky mbreti ynë, ky farë “burrështeti” dinte të shkruante? Deri më sot nuk jam ndeshur në asnjë faksimile të dorëshkrimit të tij. Meqenëse zotrote gjurmon gërmon në dokumente, do të lutesha sinqerisht të botosh qoftë edhe dy faqe dorëshkrimi të Ahmet Zogut.
Zogolli ishte analfabet.Nuk eshte gjetur asnje cope letre apo dokument qe te deshmoje qe dinte te shkruante ne gjuhen shqipe.
O “Veterani”, me mire Ahmeti qe nuk shkroi, apo Enveri qe krijoi nje Institut te tere per te shkruar “veprat” e tija, kushedi me sa njerez qe punonin aty e qe paguheshin me parate e popullit e per te shkruar ato “vepra” qe sot ndoshta vetem ti i lexon. Sa ore pune apo pushimi ka humbur populli yne per te studjuar “veprat” e xhaxhit?!
Leximi i librave nuk eshte “kohe e humbur”, o katunar analfabet!!! Nuk ka rendesi se c’liber eshte. Po ti mesa duket ke lexuar vetem librat e fillores ?
Ajo qe cudit ne kto rrefime apo shkrime ,
eshte gjuha e perdorur ne apoken e Satrapit
ku mungon cdo sens ,per te kuptuar llogjiken e gjuhes !
Cfar praapaambetje !
Ne gjuheen ,meyren e si shprehen kuptohet qarte niveli i nji shoqerie .
Por ja ,
ndoshta eshte e tepert ,te kerkosh me shume nga nji halldup me kulture tinzare ,
e injorant ,tradhetar i pabese ,zogu i kurves .
Si mundet te zhvillohej me shume nji shoqeri e tille kur ne hsekullit e 19 – qarkullonin alal
si Bej ,titujt e marre per sherbime ndaj Turqise !
Prandaj me te drejt Enveri rrespektohet dhe mbahet nji nder Figurat kyce ,me pozitive
te Historise Shqiptare .
Nuk jam kam pasur prinder komuniste edhe pse me pozite ate sistem komuniste ,
por ,nqs do bejme krahasimin ne epoka e zhvillime te shoqerise Shqiptare
ndryshimi qe i solli epoka Komuniste Shqiperie eshte I Dhunshem / Gjigand ,
i pakrahasueshem me asnji .
Fal atyre veprave te komuniteve exziston sot kjo Shqiperi .
Zogu i erdhi mbret ne hqiperi ahtu edhe iku .
Si qeen !!!!!!!!!!!!!!!!!!!!!!!!!!!!
NARDI ! Po si ato qe vrau Enver Hoxha paskan qene te lidhur me pushtuesin ! E di ti qe ne numrin e pergjithshem te pushkatuarve, burgosurve, internuarve 1945 – 1990 shumica e tyre jane komunista dhe familje te tyre qe u denuan nga bashkeluftetaret komuniste ? Sa shpejt harroni !?
Dhe tjeter ,kjo foto eshte e vertete qe eshte ne burgun e Shkodres ? Pastaj kepucet jane tjeter teme !
Ne cfare vrime i gjete keto “te dhenat” ti derdimen Koqe? Apo ec pirdh pirdh, se ku i dihet e thith ndokush!
Yyyyyt mashrues ordiner!
Sdua te ngjall polemika po do ti shkruaj dy rreshta.
Koha e Zogut pa as medyshjen me te vogel ka qene si nata me diten me kohen e xhaxhit Enver.
E para ,(mbase shume njerez se bejne dot dallimin) liria e fjales ka qene me mire se ne kohen e xhaxhit.
Edhe ne qofte se do me kundershtoni une mund tju them se ishe i lire te shkoje ku te doje,kuptohet jashte Shqiperise.
Ne kohen e xhaxhit vdisje burgjeve po te thoshe ska buke,sa per te dale jashte Shqiperise harroje.
Nje xhandar nekohen e Zogut p.sh. merrte 2 napolona flori ne muaj qe mund te blije :1 napolon dy pende qe
Ne kohen e xhaxhit te blije 1 televizor pa ekzagjerim duhet te punoje 1 vit.
Zogu ngriti gjithe infrastukturen (rruge ura banka etj) qe trashegoji xhaxhi ne kohen e vet.
Etaloni qe duhet perdorur per te dy sistemet duhet te jete liria e fjales,beheni dallimin vete ku kjo liri ka qene me e mire.
Lale sa klase shkolle ke ti mor gjynafqar?
Nuk vleresohet ose shkruhet ma analiza mediokre historia. Ajo shkruhet sic ka ndodhur bazuar ne dokumenta. Analizat le ti beje kush te doje e si te doje po jo historianet. Ti leme historianet ta shkruajne historine me ato te mirat apo te ligat sic dhe kane ndodhur. Nuk mund te fshehim qe Spiro Mojsiu ka sherbyer Zogut. Po ashtu nuk mund te mos themi qe nga cfare ka ndodhur ….Zogu ishte satrap, Enveri ishte kriminel i paskrupull dhe qe pasojat e tij i vuajme edhe sot. Ata qe harrojne cka ndodhur me mire mos flasin.
Cfare pasojash vuan ti psh!? Qe je kokrra e trapit, ta ka fajin Enveri? Toc kuklle …
Dava komunistesh, nuk lodhen ……
Zotni katunari, mund te na e shpjegosh se cfare do te thote fjala komunist?
Merci