Spartak Ngjela: Zgjedhja e Metës president, turpi më i madh i Ramës. Shumë shpejt do dalë para drejtësisë

Avokat Spartak Ngjela shpërtheu ashpër ndaj veprimeve të presidentit Ilir Meta, i cili kërkon shkarkimin e Ardian Dvoranit si kryetar i Këshillit të Emërimeve në Drejtësi. Sulmet e shtuara të Metës për Dvoranin janë interpretuar si një tentativë e presidentit për të kapur Gjykatën Kushtetuese dhe reformën në drejtësi.

Por për avokatin, është e turpshme që si kryetar shteti kemi një person të korruptuar dhe që është kapur me bllok në dorë, duke shtuar se shumë shpejt ai do të përballet me drejtësinë. Në një prononcim të dhënë për gazetën “SOT”, Ngjela deklaroi se presidenti është kapur shumë herë në flagrancë me korrupsion të madh, por sipas tij është faji i kryeministrit Edi Rama që e vendosi në atë post.

“Lufta e Ilir Metës me Ardian Dvoranin është e vjetër. Ai e ka hedhur edhe në gjyq dhe e ka paditur penalisht, por duhet të kemi parasysh një gjë. Meta është një njeri i dëshpëruar, një njeri i korruptuar dhe ka hyrë në analet e një elementi që quhet fatkeqësi kombëtare. Është turp për ata që e zgjodhën president një njeri të kapur me bllok në dorë. Por kjo është Shqipëria.

Edi Rama ka bërë shumë marrëzira dhe vazhdon të qëndrojë kryeministër, por turpi më i madh ishte që njeriun me bllok në dorë që u bë shkak që u vranë 4 persona në mënyrë terroriste në rrugë nga qeveria ku bënte pjesë edhe Ilir Meta, është një skandal historik. Si ka mundësi të zgjidhet president një person i kapur në flagrancë me korrupsion të madh. Është turp. Po ja që kjo është Shqipëria”, tha Ngjela.

Më tej avokati u shpreh se Ardian Dvorani do të jetë pjesë e Gjykatës së Lartë deri sa të vijë zëvendësuesi i tij dhe rrjedhimisht do të qëndrojë për aq kohë edhe në krye të KED. Por sipas Ngjelës, tentativat e Metës janë të kota, duke shtuar se këto lëvizje të presidentit vijnë nga frika e përballjes së tij me drejtësinë pasi është i akuzuar për shumë vepra.

“Çfarë janë këta që drejtojnë Shqipërinë? Janë njerëz pa vlerë, aventurierë rrugësh që kanë dashur që të vijnë në pushtet me 300 euro me turma të pakontrolluara dhe të bëhen miliarderë me paratë e shtetit. Një nga këta është edhe Meta. Çfarë do të ndodhë në të ardhmen? 

Në të ardhmen ne presim vazhdimin e reformës në drejtësi. Dvorani është nga elementët e rrallë të drejtësisë, i cili nuk rezulton i korruptuar dhe është anëtari i Gjykatës së Lartë. Sipas ligjit për Gjykatën e Lartë derisa të vijë zëvendësues, ai qëndron anëtar i Gjykatës së Lartë. 

Kështu që kot lodhet individi Meta. Meta është i akuzuar në 20 drejtime. Do shkoj me patjetër përpara gjykatave. Nëse Shqipëria e ndalon reformën në drejtësi dhe reformën antikorrupsion kundër politikës shqiptare, Shqipëria shkatërrohet”, tha Ngjela.

Por për avokat Spartak Ngjelën Meta po tenton të kapë Gjykatën Kushtetuese sepse do të shpëtojë veten nga shkarkimi. 

“Deri tani kemi parë që reforma në drejtësi antikorrupsion ka ecur me sukses, sepse e kanë bërë të huajt nëpërmjet ONM dhe aty nuk ka asnjë shqiptar. 

Duhet të mbarojë procesi i pastrimit të pushtetit gjyqësor dhe tani që doli SPAK të fillojnë menjëherë proceset penale kundër korrupsionit të lartë shtetëror. Me këtë korrupsion të lartë shtetëror Ilir Meta është në kupolën e tij. 

Nëse në kupolë janë 4 persona, më kryesori është Meta. Shqipëria nuk shkatërrohet për këtë ju garantoj dhe këta do shkojnë të gjithë para drejtësisë për korrupsion.

Pra lufta e Metës për të kapur Gjykatën Kushtetuese nuk është e re. Këtë gjë e dinë dhe ndërkombëtarët dhe ata qeshin me këtë. Meta po vjen vërdallë të shpëtojë veten nga gjyqtarët që do emërohen në Gjykatën Kushtetuese. Lodhet kot sepse nuk do ia dalë dot”, u shpreh avokati Spartak Ngjela.

Kosova pa qeveri ekzalton Bardhin e PD, numëron militantët e punësuar të VV: Shqipëria të ndjekë shembullin e saj

23:27 Politika

Tit Vasili i LSI i painformuar: Ky është një sakatllëk, s’dimë kush janë ekspertët e komitetit për COVID 19

23:20 Politika

"U martua Sinani dhe mori atë që kishte pasur", batuta e Ngjelës për Reformën Zgjedhore

23:10 Politika

Infektoi Shkodrën për inat të Ramës, Voltana Ademi flet si doktor "vdekja": Numri i viktimave nga Covid është fshehur, 5 raste në Shkodër

23:00 Politika

Braçe publikon fotot me kushtet skandaloze të fasonerisë në Krujë: Nuk do i kisha nxjerr sikur palaço që kërkon të drejtojë vendin të mos kishin folur

22:55 Politika

Padia e PD, Xhaçka: Jam e kënaqur që e dërguan në SPAK, mezi pres të sqarohet. Për procedurën e tenderit, mund të pyesin Bashën

22:42 Politika

"Kur të humb çelësi", filozofia e Grida Dumës: Shumë njerëz kërkojnë jashtë për problemet që kanë brenda

22:18 Politika

“Çdo ndihmë verifikohet”, Xhaçka: Opozita po bën pis procesin me ligësi! Ministeriali i NATO nuk do të mbahet në qershor. Projekti i Kuçovës nuk preket

22:04 Politika

"Shumë i gjatë, i veshur me atlete të bardha dhe i rrethuar me truproja", një intervistë ndryshe me Edi Ramën

20:37 Politika

Lulzim Basha (duhet) të bërtasë…

19:23 Politika