Te fundit
“Me Mancini, gati-gati nisi Luftën e Tretë Botërore te Manchester City”
1 Maj 2020, 11:36Sport
TEMA
Në vitin 2012, Roberto Mancini e riktheu Manchester City në majën e Anglisë, duke fituar Premier League. Por, nuk ishte një rrugë e thjeshtë, pasi goli i Aguero në minutën e 94-t, kundër QPR, në sfidën e fundit, “vulosi” gjithçka.
Në një intervistë për “Goal”, Micah Richards, mbrojtës i këtij Manchester City, tha se në dimër skuadra duhej të kalonte momente të vështira prej Kolo dhe Yaya Touré, të cilët shkuan në Kupën Afrikane me Bregun e Fildishtë:
“Ne e dinim sa të rëndësishëm ishin për ekipin tone. Yaya ishte një lojtar, që kur dilte në fushë nuk mund të përmbahej nga askush në botë. Ai ishte pjesë thelbësore e ekipit. Kur u largua për një muaj, ne rrezikuam të humbasim disa ndeshje jetike”.
Mungesa e Touré u përdor në këtë mënyrë nga Mancini si justifikim për të provokuar një reagim në ekip. Një reagim që, siç thuhet nga ish-mbrojtësi, ishte mjaft i dhunshëm:
“Më kujtohet mirë që pas një humbjeje me Everton, në periudhën kur Yaya nuk ishte aty, Mancini shkaktoi gati një “Luftë të Tretë Botërore” në dhomën e zhveshjes. Ai na tha: Ju nuk mund të bëni pa Yaya. Dhoma e zhveshjes shpërtheu, kurrë nuk e kam parë diçka të tillë. Të gjithë donim të sulmonim Mancini”.
Pasi gjërat u kthyen në normalitet, traineri nxiti ekipin për të dhënë më shumë në fushë. Misioni u krye, duke pasur parasysh që titulli më në fund u arrit: “Kur gjërat u qetësuan, trajneri na tha: Unë e bëra atë me qëllim, sepse e dija se do ta shikoja këtë reagim. Dhe ju reaguat saktësisht ashtu siç dua që ju të bëni çdo javë në fushë”.
Lini një Përgjigje
Më të lexuarat
24 oret e fundit
Javen e fundit
Blog Tema
