Plani i diskutueshëm i Suedisë për strategjinë anti-koronavirus lejon që shumica e njerëzve të shkojnë jashtë, të vizitojnë bare, restorante, dyqane dhe të vazhdojnë jetën relativisht normale për sa kohë që përpiqen të qëndrojnë larg nga njëri-tjetri.

Jo të gjithë në Suedi janë të kënaqur me qasjen. Por, ndërsa vdekjet rriten, shumica duket e kënaqur.

Një sondazh këtë javë tregoi se vetëm 11% e njerëzve në vend thanë se nuk besojnë në epidemiologun shtetëror Anders Tegnell, i cili po udhëheq strategjinë.

Shumica e njerëzve me të cilët Business Insider foli thanë se janë të kënaqur, duke treguar nivelin e lartë të besimit të shoqërisë në autoritet, si arsye pse njerëzit mund të ndjekin udhëzimet për të qëndruar në distancë shoqërore pa masa drakoniane në fuqi si pjesa tjetër e botës. Besimi i lartë tek qeveria do të thotë që strategjia funksionon, të paktën politikisht.

Katarina Eckerberg, një politologe në Universitetin Umeå, tha se ndryshimi i madh midis Suedisë dhe vendeve të tjera është se “ne i kemi besuar më shumë rekomandimeve, kështu që kemi më pak kufizime.” Ajo shtoi se “ne në Suedi jemi të famshëm për ndjekjen e rregullave”.

Eckerberg vuri në dukje se mbështetja për Partinë Socialdemokrate në pushtet është rritur edhe pasi numri i vdekjeve po shtohet: “Mbështetja e njerëzve për kujdesin shëndetësor dhe autoritetet publike është shumë e lartë dhe është rritur që nga marsi deri në prill. Përpos kësaj, masat kanë ruajtur shëndetin psikologjik të popullsisë, dhe kjo është njëfarë lehtësimi për ta, çka përkthehet në më shumë mbështetje politike.”, ka përfunduar ajo.

1 komente në “Aspekti tjetër i strategjisë së Suedisë: Qytetarët me shëndet më të mirë psikologjik dhe me besim më të lartë tek autoritetet”

Epirioti II says:

10 Maj, 2020 18:06 te 6:06 pm

U bene bajete gjithe mediat e botes me Suedine, me artikuj sa idiot aq edhe siperfaqesor.
Suedia e ka dendesine 23 banor / km2. Italia e ka 201 banor/km, pra 9 fish.
Por nuk mbaron ketu, ne Itali hyjne cdo muaj turista = 4 fishine banoreve te Suedise (po, po 4 Suedi ne muaj pret Italia me turista).
E megjithate Suedia piano-piano po e arrin numrin e te vdekurve per 1 milion banor nga Covidi qe ka Italia sot.

Bilancet behen kur te mbaroje ngjarja pasi te dalin pergjegjet e pyetjeve:
1. Sa vdiqen
2. Sa urrit papunesia
3. Sa u zvogelua ekonomia
etj, etj.
Keshtu filluan para 6 javesh me lavde pa fund edhe per Belgjiken, por tani nuk e ze me njeri me goje se eshte turpi i madh i Europes sepse edhe ekonomia ra, edhe te vdekurit u bene kapice me shume se ne Itali dhe Spanje.

Përgjigjjuni