Te fundit
Agim Ismaili sjell risi në burgje, izolimet në mbikqyrje të veçantë nuk mund të ankimohen: Gjykata e Vlorës konfirmon 3 rastet e para
14 Maj 2020, 08:57Kronika
TEMA
Report Tv zbulon raportin e përleshjes masive në burgun e Vlorës, ku një person ka mbetur i plagosur ndërsa disa policë janë dhunuar nga të burgosurit në këtë institucion.
Sipas dokumentit të siguruar nga Report Tv ngjarja ka ndodhur më 3 maj 2020, ku tre të dënuar Eduart Xhezo, Emilent Dhepa dhe Lulzim Demiraj kanë rrahur të burgosurin Eduart Ahmeti.
Ngjarja është shënuar në ambientet e dhomës së telefonatave, ndërsa pas ndërhyrjes nga gardianët e burgut edhe këta të fundit janë rrahur nga të burgosurit.
Xhezo, Dhepa dhe Demiraj janë izoluar për 3 muaj me kërkesë të drejtorit të përgjithshëm të burgjeve Agim Ismaili, ndërsa kjo kërkesë është miratuar edhe nga gjykata e Vlorës.
Ky vendim i gjykatës është i formës së prerë dhe nuk mund të ankimohet.
Pak ditë më parë një situatë e tensionuar u shënua edhe në burgun e Reçit, ku disa të burgosur i vunë flakën dhe dhunuan gardianin në sektorët e ajrimit në këtë institucion.
Lini një Përgjigje
Më të lexuarat
24 oret e fundit
Javen e fundit
Blog Tema
