Te fundit
Karmina nuk është e qartë për Teatrin Kombëtar
16 Maj 2020, 21:22Antena
TEMA
Pas protestës së disa aktorëve të PD para Teatrit Kombëtar për të penguar ndërtimin e një Teatri të ri, Karmina vendosi të hyjë në debat.
Për këtë vendosi të kërkojë disa hollësi rreth këtij debati.
Të parin pyeti Zenin.
-Çfarë t’u them fansave të mi, pse nuk duhet një Teatër i ri?
-Ti mba linjën tënde si blogere. Thuaj që Merlin Monro, nuk ka lejuar kurrë të luaj në ndonjë Teatër të ri.
-Ua shumë bukur. Ja të shikoj a ka qenë aktore Merlin Monro.
Pastaj pyeti dhe aktorin Neritan.
-Çfarë t’u them fansave, pse nuk duhet Teatri i ri?
-Bëjua të qartë fansave se nëse ndërtohet Teatër i ri, atëhere ai do quhet Teatër i Edi Ramës dhe asnjë demokrat nuk do shkelë në Teatër.
Kjo do dëmtojë aspiratat kulturore të mbështetësve të PD, që janë njerëz të Teatrit.
-Ua, shumë mirë të shkoi mendja. Si mund të shkojë Mul Noka në Teatrin e Edi Ramës!
Pastaj pyeti Monika Kryemadhin.
-Çfarë t’u them fansave, pse nuk duhet të ndërtohet Teatër i ri?
-Thuj moj goc troç. Ed Rama do ta bëjë tenderin vetëm, do me na lënë pa gjë. Pse, çfarë do hamë ne, bar?!
-Ua, s’më kishte shkuar mendja, i tha Karmina.
Në fund pyeti dhe Qim Pekën, si njeri që ka vizion për Teatrin.
-Pse jemi kundër Teatrit të ri, i tha Karmina?
-Duhet mbrojtur ky Teatër, i tha Qim Peka.
Po u prish ai, e nisi i riu, do jemi nja katër vjet pa Teatër.
Pastaj të rinjtë do detyrohen të marrin të dashurat e të ikin nga Sauku.
Mund t’u ndodhë ndonjë aksident, ndonjë dramë në makinë.
Duhet t’i mbajmë të rinjtë në Teatër, se vetëm kjo e shpëton rininë sot.
-Tani jam e qartë, tha Karmina. Dhe bëri një status:
“Merlin Monro nuk do lejonte kurrë një Teatër të ri.
Ashtu siç ka shkruar në kujtimet e saj, “kush nuk ka shkuar një herë në Teatër, zëre se nuk ka shkuar asnjëherë në krevat”.
3 komente në “Karmina nuk është e qartë për Teatrin Kombëtar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si do ndryshonte monologu nqs.Karmina
nuk do kishte as edhe nje fans??
….fans nuk beson ne fantazine e Karmines ,si rezultat ajo ndihet vetem pa pjesmarrjen e fansave te saje.
Karmina ti je prish me kohe…..Cte duhet Teatri