Te fundit
Tiranë: Studenti Blendi Shahu, një ditë pas prangave të policisë
20 Maj 2020, 14:14Sociale
TEMA
Në Tiranë, Blendi Shahu është njëri nga të rinjtë e shumtë, që policia arrestoi të dielën gjatë protestave spontane të qytetarëve pas shembjes së Teatrit Kombëtar.
Ai është një artist i ri, student i pikturës në nivelin master, dhe bashkë me shoqërinë e kursit po përpiqen të organizojnë një ekspozitë me krijimtarinë e tyre të parë.
Por shembja e Teatrit Kombëtar të dielën i tërhoqi studentët e arteve afër vendit të ngjarjes, ku shpejt e gjetën veten me fytyrë në asfalt dhe me prangat e policisë në duar.
23 vjeçari Blendi Shahu sapo festoi ditëlindjen me familjen në kushtet e karantinës pak ditë më parë.
Ai ka studiuar në Liceun Artistik për pikturë dhe pas mbarimit të nivelit Bachelor të studimeve në Universitetin e Arteve, tani është në vitin e parë master në degën e pikturës.
Blendi ka disa vite që krijon dhe përpiqet bashkë me shokët e kursit të organizojnë ekspozita të përbashkëta, si çdo artist në fillim të karrierës. Por të dielën ai u bë njëri nga të rinjtë që u arrestuan gjatë protestës.
“Dalja jonë atje te tubimi ishte pas lajmeve që pamë në mëngjes, se natën asnjë nuk e mori vesh se çfarë kishte ndodhur. Dolëm thjesht si qytetarë. Pamë atje shumë shokë të tjerë, që natyrisht do t’I mbështesnim. Ishte kauzë fiks për ne si student artesh, dhe jo vetëm për ne. Qëndrimi ynë aty ishte krejt paqësor. Madje ishim në momentet e fundit të protestës simbolike, dhe për pak minuta do të iknim vet, por policia erdhi dhe na largoi me forcë. Ne nuk e kundërshtuam me forcë policinë. Ishim të ulur paqësisht në rrugë për të shprehur simbolikisht një mendim tonin. Ka dhjetëra filmime që tregojnë se ne ishim aty krejt paqësorë” – tha ai.
Blendi refuzoi t’i tregonte para kameras shenjat e prangave që ia pamë nëpër kuçet e duarve, sepse tha që shokët e tij i kishin më keq plagët dhe gjurmët e ndërhyrjes së policisë.
Ai gjatë gjithë bisedës foli më shumë për shokët, që e pësuan më keq dhe janë ende në polici, si Burim Tafalica, se sa për veten. Blendi thotë se shembja e ndërtesës së Teatrit Kombëtar ishte një gabim.
“Unë vet personalisht nuk kam patur shumë mundësi të shkoj te Teatri dhe ta ndjek protestën bashkë me Aleancën për Mbrojtjen e Teatrit. Me aq sa kam patur mundësi i kam mbështetur ata moralisht, edhe në bisedat me miq e shokë, sigurisht. Ajo ishte një ndërtesë e vjetër e trashëgimisë kulturore. Çdo ndërtesë e hershme e trashëgimisë kulturore është e padrejtë të prishet. Shpresojmë të mos kemi më ngjarje të tilla” – thotë Blendi.
Studenti i arteve thotë se përveç shembjes së Teatrit Kombëtar i bëri shumë përshtypje ndërhyrja e policisë në orën 4 të mëngjesit ndaj Aleancës për Mbrojtjes së Teatrit, të gjithë artistë dhe njerëz paqësorë sipas tij.
“Une besoj se policia ka abuzuar me pozitën e vet në ato momente. Është një abuzim i policisë ndaj gjithë atyre protestuesve. Nuk besoj se atje ka pasur protestues jopaqësorë. Miqtë e mi që ishin aty asnjë nuk është jopaqësor. Ne jemi artistë, student të arteve” – thotë Blendi.
Ai shtoi se në atë tubim të pasdites afër parkut Rinia pjesa më e madhe ishin rreth 20 vjeçarë, dhe ndërhyrja e policisë nuk përputhej me sjelljet paqësore të studentëve.
Policët vetë, tha ai, ishin 3-4 vjet më të mëdhenj se ne, por me gojë thonin gjëra të tjera e me duar bënin gjëra të tjera, ndërkohë që shtynin dhe prangosnin studentët.
“Shpresoj se të gjithë ne që po akuzohemi dhe do të dalim para gjykatës duhet të na ndihmojë dikush. Ne ishim aty për Teatrin dhe më shumë se Teatrin, ishim për kulturën. Nuk mund të lihemi pa mbështetje as unë që hetohem në gjendje të lirë as të tjerët që janë ende nëpër qeli. Dikush duhet të na ndihmojë” – tha Blendi Shahu.
Studenti i arteve thotë se artistët e kërkojnë famën përmes veprave të tyre dhe nuk ishte zgjedhja jonë, tha ai që pamjet e arrestimit tonë të bëheshin virale në internet.
Pas arrestimeve në orët e para të mëngjesit të dielën, policia ndaloi edhe grupe të rinjsh nën akuzat e tubimit të paligjshëm, kundërshtim me dhunë të policisë dhe bllokim rrugësh edhe në mesditë.(voa)
5 komente në “Tiranë: Studenti Blendi Shahu, një ditë pas prangave të policisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O shoku ti nuk kupton qe bollkimi I rruges nuk eshte paqsor ne momentin qe ti i heqe lirin dikujt tjetri nuk quhet paqe Po dhune pervece ati penelu qe perdore bene mire te mesoni se kushe jane te drejtat i lirive njerzire dhe pastaj dil e fole ne gazet qe kisha blokuar rrugen ne menyre paqsore
Cfare e ka Rexhep Shahun ky cuni i papolitizuar?
Rexhep Shahu ka qene shef kabineti i ministrit te bujqesise Jemin Gjana 2005-2009.
Ne momentin qe nuk zbaton urdhrat e policise,thyen kordonin dhe futesh me force ne nje zone ku policia te thote mos u fut,ke shkelur ligjin! Dhe sic ndodh perdite ne Amerike arrestohesh dhe shkon para ligjit. Por nuk ke faj ti,ti je anarkist marksist rregullat i quan kufizim lirie,ligjin e quan diktature! IDIOT.
Vras mendjen, ky Bledi ne Shqiperi jeton? Nuk e sheh se kush eshte ne krye te kesaj maskarade? Nuk e sheh qe palaçot politike ia kane marre frymen kauzes, ptotestes? Keta qe diten ptotestojne 2 ore e pastaj ikin ne shtepi se i dhembin kembet. Diten thone qe ‘do te kalojne siper trupit tim fadromat’ e shojne te flene gjume ne vilat e tyre luksoze. Do isha dhe une me aktoret dhe intelektualet qe ishin aty per fat te keq te pakte ne numer po mos te ishte per kthimin monstruoz te kesaj kauze ne nje farse politike banale dhe te shemtuar. Shikojeni si i rrahen ata qe po u thoshin larhohuni nga kjo peroteste. RIP teatri i vjeter (nuk me ka pelqyer asnjehere personalisht) dhe te shpresojme qe keta te rilindjes mos ta, me falni per shprehjen, dhjesin punen.
Ky është një student rrugaç dhe i futur nga PD Policia nuk të ndalon kot …..