Te fundit
DPA: Grenell planifikon të tërhiqet si ambasador në Gjermani
24 Maj 2020, 15:44Rajoni
TEMA
Ambasadori amerikan në Gjermani Richard Grenell po planifikon të tërhiqet në javët e ardhshme pas më shumë se dy vjet në këtë post, njoftoi të dielën agjencia gjermane e lajmeve dpa, pa treguar burimin e informacionit.
Robin Quinville, zëvendës shefe e misionit në ambasadë, pritet të zëvendësojë përkohësisht zotin Grenell, tha agjencia dpa.
Njoftimi vjen vetëm pak ditë pasi Senati amerikan konfirmoi në postin e drejtorit të përhershëm të Inteligjencës Kombëtare ligjvënësin John Ratcliffe, i cili po ashtu si zoti Grenell është një aleat i fortë politik i Presidentit Donald Trump.
Në muajin shkurt, Presidenti Trump e emëroi 53-vjeçarin Grenell si drejtor të përkohshëm të Inteligjencës Kombëtare.
Agjencia e lajmeve Reuters tha se një zëdhënës i ambasadës nuk pranoi të komentojë rreth njoftimit.
Zëdhënësi tha se “është praktikë e ambasadës të mos komentojë mbi udhëtimet apo planet, por Ambasadori Grenell ka vazhduar të të jetë i angazhuar në mënyrë aktive në përparësitë e administratës në Gjermani ndërsa shërben si drejtor në detyrë i Inteligjencës Kombëtare”.
Zoti Grenell është gjithashtu i dërguar i posaçëm për bisedimet e paqes mes Kosovës dhe Serbisë.
1 komente në “DPA: Grenell planifikon të tërhiqet si ambasador në Gjermani”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Padyshim, Grenell ka probleme me te rëndësishme se Europistani. Ai Po diskrediton dita dites gjuetine e shtrigave qe administrata e Obames beri ndaj Trump dhe po ndihmon Trump ne fitoren e rëndësishme te Nentorit.